1 Sam. 15:28 - Ebaibul

²⁸ Tema Samuel neni keŋ, “Adau Ekapolon alemar apukan a Isirael aneni kon ameun nakoloŋit na, ido ainaki neni a ekidunyet kon ke epei a ŋolo ejok akilo iyoŋ.

1 Sam. 15:28 Iomraidhean Croise

2 Sam. 3:10

Elemario apukan aneni a Saul inakinae neni a Daudi kipuka Isirael ka Yudaya ameun alo Dan tari Beriseba.”

2 Sam. 3:18

Kisiyookisi nai tokona ŋakiro ŋun; anerae iikinit Ekapolon Daudi ŋakiro nu ebe, ‘Neni a Daudi a eketiyan kaŋ, iŋes aiunia ayoŋ ŋituŋa kaŋ Ŋisirael aneni a Ŋipilistin ka alomoe kec a daadaŋ.’”

2 Sam. 3:9

Elipi ayoŋ Akuj kitiya ŋuna aronok neni kaŋ, ata keroko nooi adepar daŋ! Erae pa keŋarak ayoŋ Daudi etiya ŋakiro ŋuna abu Akuj kiik iŋes ikoŋi nu:

2 Sam. 6:21

Tema Daudi neni a Mikal, “Abu ayoŋ edoŋa etopoloorit Ekapolon ŋolo abu okoseu ayoŋ akilo aseun papa kon ka ŋituŋa a ekal keŋ daadaŋ. Abu iŋes okoseu ayoŋ akipuka ŋituŋa keŋ Ŋisirael. Arubakini ayoŋ edoŋae etopoloorit Ekapolon.

1 Ŋirw. 11:11

Aŋun, abu Ekapolon tema neni a Solomon, “Ikwapei eraakatar ŋuna itiya iyoŋ ŋuna kon a elope, ido nyiwuapa iyoŋ Acamunet kaŋ ka ŋikisila kaŋ ŋulu abu ayoŋ ekecik iyoŋ, kire jik, elielaari ayoŋ apukan aneni kon, oinak neni a eketiyan kon.

1 Ŋakiro a ŋirwa 10:14

abu nyiŋit Ekapolon ŋuna kitiyakina. Aŋun, abu Ekapolon kimyek iŋes totwan, ido abu Ekapolon inak Daudi lokoku a Yese toruwor ekepukan.

Yob 34:24

Elemari Akuj ŋikadedeŋak pa iikikito ka iŋes, ido ilunyonokini ŋituŋa ŋice lokicoloŋo kec kipukata.

Dan. 4:17

Erae ŋin atubokinet a ŋimalaikan a ŋulu eteok akwap, erae ŋun ŋuna elimunito ŋulu asegak, ikotere eyenunete ŋituŋa daadaŋ ŋulu eyarete atemar, Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin einakini iŋes apukan neni a ituŋanan a ŋini itiditeuna bon alotuŋa a daadaŋ.’”

Dan. 4:32

Ikiritaryo iyoŋ alotuŋa a ŋuluce, eruwor neni iboiyoto ŋityaŋ ŋulu ka ariet iboiyo iyoŋ, inyami iyoŋ ŋinya ikwa enyamyata ŋaatuk, irubakini iyoŋ ikoni nen ŋikaru ŋikanikaarei, akitodol ŋina iyenunia iyoŋ atemar Akuj ŋina alokidiama nooi iŋes ipukat ŋakwapin ŋuna ipukato ŋituŋa, einakini iŋes apukan neni a ŋini ecamit iŋes ainakin.”

Yoa. 19:11

Toboŋok Yesu tema, “Kemam iyoŋ apedor aneni kaŋ, kerae nyikiinakinit Akuj. Aŋun, ituŋanan ŋini ekepotokini ayoŋ neni kon, iŋes eyakar asecit ŋina epol akilo ŋina kon.”

Ŋitic. 13:22

Ani kelema Akuj Saulo, kilunyok Daudi aruwor erwosit kec. Kiteyenu Akuj nu aŋuna a Daudi: ‘Aanyu ayoŋ atemar erae Daudi, lokoku a Yese ekile ŋolo elelyania etau kaŋ; itiyakini iŋes ŋuna daadaŋ acamit ayoŋ iŋes kitiya.’

Ŋirom. 13:1

Itemokino ŋinituŋanan tokerite ŋikapolok ŋulu ka apukan, anerae neni ka Akuj iŋes ebunitor apolou daadaŋ ka erae Akuj einakinit ikes apolou.

1 Sam. 13:14

Nai tokona nyeruwor apukan kon ŋinaruba, adau Ekapolon akiwarun ekile ece ŋolo emina etau keŋ, ido aseu Ekapolon iŋes aruwor ekepukan a ŋituŋa keŋ, anerae nyiwuapa iyoŋ ŋakiciketa a Ekapolon.”

1 Sam. 16:12

Kiyakiya Yese ituŋanan, yaunae edya ŋol tooma neni ayakasi ikes. Arae edya ŋol ŋolo acope ŋakonyen, ido arae iŋes ŋolo ebus anakonyen, tarae ŋolodirya ka akuwan. Tema Ekapolon neni a Samuel, “Tonyou, kiosak iŋes akimyet, anerae iŋes lo.”

1 Sam. 18:8

Toŋo Saul nooi, anerae abu erwor ŋol nyitalaka iŋes. Tema iŋes, “Atemasi ba ŋituŋa Daudi earit ŋalipyo ŋatomotomoe, ido aarit ayoŋ ŋalipyo; nyo nai ibore ice idoŋit ŋituŋa ainakin iŋes alemar apukan?”

1 Sam. 25:30

Ani nai kirikak Ekapolon akitiya ŋuna ajokak daadaŋ neni a ekapolon kaŋ lopite ŋolo iikinitor iŋes, kedau aseun iŋes aruwor ekepukan a Isirael,