1 Sam. 15:22 - Ebaibul

²² Nai toboŋok Samuel Saul tema, “Elakara mono Ekapolon aŋuna a ŋainakineta a ŋuna epeyo ka ŋamuronisya lopite ŋolo elelyania iwuapito ŋituŋa ŋakiro keŋ a? Kiira! Ejok akiwuap ŋakiro a Ekapolon akilo amuronot, ido ejok akipup ŋakiro a Ekapolon akilo ainanakin iŋes asepwae a ŋimeesekin,

1 Sam. 15:22 Iomraidhean Croise

Akisy. 4:4

Yau Abel daŋ ipei a ŋikiyae a ŋamesekin toar inak Ekapolon akiriŋ ŋina ataronon. Tolakari Ekapolon aŋuna ka Abel ka ainakinet keŋ.

Awos. 19:5

Ani tokona kiwuapa iyes ŋakiro kaŋ nooi, ido kirica Acamunet kaŋ, iruworosi iyes ŋituŋa kaŋ ŋulu amina ayoŋ nooi alotuŋa a daadaŋ anakwap. Kire erae akwap daadaŋ ŋina kaŋ,

Ŋakit. 21:3

Akitiya ŋuna iyookino ka ŋuna ajokak, erae akitiya ŋuna ecamit Ekapolon ainanakin ŋina epol nooi akilo amuronot neni a Ekapolon.

Ekal. 5:1

Toceikinite epite daadaŋ ŋolo ilosyononoo iyoŋ Kai ŋina ka Akuj. Ape kai ŋin akiirar ŋakiro ka Akuj akilo alosit ainakin ŋamuronisya ŋuna eayeneneete ŋibaŋaanotin nen; anerae nyeyenete ikes epite ŋolo eŋeryoto akitiya aronis.

Yer. 11:4

a ŋina abu ayoŋ olimok atapapaa kus apaki ŋina ayaunia ayoŋ ikes anakwap a Ijipit, anakwap a ŋina aryamunitotor ikes ŋican. Abu ayoŋ olimok ikes atemar kiirasi ŋakiro kaŋ ka kitiyata daadaŋ ŋuna akalimokini ayoŋ iyes. Aŋuna nai aruworotor ikes ŋituŋa kaŋ ka aruwor ayoŋ Akuj kec,

Yer. 11:7

anerae abu ayoŋ olimok ka agogoŋu atapapaa kus apaki ŋina ayaunia ayoŋ ikes anakwap a Ijipit atemar torubakisi iwuapito ŋakiro kaŋ, alimokinit ayoŋ ikes ŋakiro ŋun tari nakoloŋit na atemar kiwuapa ŋuna erworo ayoŋ.

Yer. 26:13

Aŋun tokona, kilocokisi ŋipitesyo kus ka ŋiticisyo kus, ido kiwuapa ŋakiro ŋuna irworo Ekapolon Akuj kus, tosodi ebuni Ekapolon akilocokin ŋatameta keŋ, nyeyau neni kus akisicanet ŋina adau iŋes alimun aŋuna kus.

Osea 6:6

anerae acamit ayoŋ aneni kus amina ŋina nyiryaŋiryaŋa, meere amuronot; acamit ayoŋ iyes itoyenut Akuj akilo ayaunun neni keŋ ŋainakineta ŋuna epeyo.

Osea 8:13

Tari keyaut ikes neni kaŋ ŋamuronisya ŋuna ajokak ka tonyama akiriŋ a ŋamuronisya a ŋun, nyacamuni ayoŋ ŋamuronisya ŋun. Nai atamuni ayoŋ aronis kec, ido esican ikes aŋuna a ŋasecisya kec. Eboŋorete ikes Ijipit.

Mat. 12:7

Kerae ca toyenunito iyes apolou a ŋakiro a nu, ebala Akuj, ‘Acamit ayoŋ akisyon, meere amuronot,’ pa kitubonokinito iyes ŋulu nyesecito.

Mat. 23:23

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Ilemianakinete iyes Akuj alemikinet apei anatomon a ŋikito a ŋulu itoboboete akimuj. Nai nyiricakinito iyes ŋakitatameta ŋuna apolok ŋuna a ŋikisila, ikwa akitiya ŋuna iyookino, akisyon, ka anupit.

Mat. 5:24

kimyek ainakinet kon alokiŋaren Namuroet, ido tolot mono kisila ka iŋes, tosodi nai toboŋu inak Akuj ainakinet kon.

Mat. 9:13

Toloto toriputu apolou a Ŋakigireta a ŋuna ebasi, ebala Akuj, ‘Acamit ayoŋ akisyon, meere amuronot.’ Anerae nyabunit ayoŋ anyaraun ŋulu iyookino, nai ŋikasecak.”

Mar. 12:33

ka aminakin iŋes a etau a daadaŋ ka a ŋatameta a daadaŋ, ta a agogoŋu a daadaŋ; nabo ka aminakin ekidunyet ikwaŋina eminar ituŋanan akeekuwan, iloit ŋipeyosinei ka ŋamuronisya daadaŋ.”

1 Sam. 13:12

otema, ‘Etiyaun robo tokona Ŋipilistin Giligal neni kaŋ, toriŋa bo ayoŋ nyiŋita Ekapolon ŋuna ejokak aneni keŋ.’ Abu ekeil ayoŋ oreikin ainakin Akuj ainakinet ŋina epeyo.”

1 Sam. 13:13

Tema nai Samuel neni a Saul, “Itiya iyoŋ ŋakiro ŋuna ka abaŋao; nyiwuapa iyoŋ ŋakiciketa ŋuna ke Ekapolon ka Akuj kon, ŋuna abu iŋes ikicikak iyoŋ akiwuap, kerae kitiyate iyoŋ ŋun, kesipokinit Ekapolon apukan kon kipuka Ŋisirael ŋikaru ka ŋikaru.