1 Sam. 15:17 - Ebaibul

¹⁷ Tema Samuel, “Tari kimenen iyoŋ bon, meere mono iyoŋ irae ekarikon a ŋikabilae a Ŋisirael a? Abu Ekapolon ikiosak iyoŋ akimyet toruwor erwosit a Isirael.

1 Sam. 15:17 Iomraidhean Croise

Osea 13:1

Ani paaran sek irworikinete ŋituŋa a Epuraim, abulenene Ŋisirael ŋuluce ka etopoloorito Ŋisirael daadaŋ ikes, nai apotu ŋituŋa a Epuraim toseca aŋuna elipyata neni a Baal, aŋun, etwakete ikes.

Mat. 18:4

Aŋun, ituŋanan ŋini itiditeun ikwa ikoku en, iŋes epol nooi a Napukan a ŋina anakuj.

Ŋikat. 6:15

Tolimok Gideon Ekapolon tema, “Nai okoe Ekapolon, ekokini ayoŋ alakuni Ŋisirael ai? Erae ateker kaŋ ŋina nyegogoŋ nooi alotooma ŋatekerin a Manase daadaŋ ka nabo daŋ arae ayoŋ ŋolo adit alokal kosi.”

1 Sam. 10:1

Abu nai Samuel tolemu ecupa ŋolo ayai akimyet, tobukok akimyet nakou a Saul, tonu iŋes tema, “Ikiosak iyoŋ Ekapolon akimyet aruwor ekepukan a ŋituŋa keŋ a Ŋisirael. Ipukae iyoŋ ŋituŋa a Ekapolon, toiu ikes anakan a ŋimoe kec a ŋulu irikaunito ikes alowaetin a daadaŋ. Nai tokona, eruwor nu akitoodikinet neni kon atemar ikiseu iyoŋ Ekapolon aruwor ekepukan a ŋituŋa keŋ.

1 Sam. 10:22

Aŋun, apotu ŋituŋa kiŋita Ekapolon nabo temasi, “Adolu mono ekile ŋol ne a?” Toboŋok Ekapolon tema, “Ee, eŋopit iŋes alogogoso.”

1 Sam. 15:16

Tema nai Samuel neni a Saul, “Tojoŋo erwosit! Acamit ayoŋ alimokin iyoŋ ŋakiro ŋuna abu Ekapolon okolimok ayoŋ bien nakwaare.” Toboŋok iŋes tema, “Tolimu!”

1 Sam. 9:21

Toboŋok Saul tema, “Arae ayoŋ ituŋanan ŋini a ekabila a Benjamin a ŋolo edit alokabilae a Ŋisirael. Ŋituŋa a ekal kosi daŋ, erae ŋicaryo alokalya a ekabila a Benjamin. Kaanukiro nai ikilimokinia iyoŋ ayoŋ ŋakiro ŋuna ikote ŋun?”