1 Sam. 15:16 - Ebaibul

¹⁶ Tema nai Samuel neni a Saul, “Tojoŋo erwosit! Acamit ayoŋ alimokin iyoŋ ŋakiro ŋuna abu Ekapolon okolimok ayoŋ bien nakwaare.” Toboŋok iŋes tema, “Tolimu!”

1 Sam. 15:16 Iomraidhean Croise

1 Ŋirw. 14:6

Nai ani iirari Aija eruye a ŋakejen keŋ apaki ŋina adolunio iŋes diyete epuke, tema Aija, “Tolomu tooma aberu a Yeroboam; kaanukiro itusubuna iyoŋ meere aberu a Yeroboam? Tolomu, anerae ekecikitae ayoŋ alimokin iyoŋ ŋakiro ŋuna apipilak.

1 Ŋirw. 22:16

Nai abu erwosit kiŋit iŋes tema, “Ŋakisikoŋiet ŋayai emaikina ayoŋ ekesikoŋ iyoŋ, ikotere ikilimok iyoŋ ayoŋ ŋuna a kire alokiro ke Ekapolon?”

Isa. 39:5

Abu nai Isaya tolimok erwosit Esekia tema, “Kiira akirot a Ekapolon a ŋolo a ŋajoresyo na ebe,

Yer. 34:6

Abu nai ekadwaran Yeremia tolimok alo Yerusalem Sedekia erwosit a Yudaya ŋakiro ŋun daadaŋ,

1 Sam. 12:7

Aŋun, nai tokona, totena, anerae alosi ayoŋ akisileerekin iyes ŋakiro alokiŋaren Ekapolon, ido akalimokini ayoŋ iyes ŋaiununuet daadaŋ, ŋuna abu Ekapolon itoiunia iyes ka toiunia atapapaa kus.

1 Sam. 15:15

Toboŋok Saul tema, “Erae ŋibaren ŋul ŋulu ameunete ŋisigarya aneni a Ŋiamaleki; apotu ikes kimyekis ŋamesekin ka ŋaatuk ŋuna ajokak aŋuna ka ainakin erae amuronot neni ke Ekapolon Akuj kon. Nai aponi isua tomunyarae ŋibaren ŋuluce daadaŋ.”

1 Sam. 15:17

Tema Samuel, “Tari kimenen iyoŋ bon, meere mono iyoŋ irae ekarikon a ŋikabilae a Ŋisirael a? Abu Ekapolon ikiosak iyoŋ akimyet toruwor erwosit a Isirael.

1 Sam. 9:27

Ani eriŋa ikes elosete kwap emukura alokiŋa etaun, tema Samuel neni a Saul, “Tolimok eketiyan kon kiwonyak kiŋaren yok.” Ani eakari eketiyan ŋol aneni kec, tolimok Samuel Saul tema, “Towo iyoŋ a ne apaki ŋina euruwuana, ikotere eketeyenik ayoŋ iyoŋ ŋakiro ka Akuj.”