1 Sam. 15:11 - Ebaibul

¹¹ “Akakadakis ayoŋ ŋakiro ŋuna abunio eturuworya Saul erwosit, anerae akaŋer iŋes ayoŋ ka nyiwuapa iŋes ŋuna ecikit ayoŋ iŋes.” Toŋo Samuel nooi, kigwor neni ke Ekapolon akuwar kia.

1 Sam. 15:11 Iomraidhean Croise

Akisy. 6:6

Aŋun, kitilil Ekapolon neni koloŋ kesubunia iŋes ituŋanan, toŋo nooi, tonomosi ŋakiro ŋun iŋes.

Akisy. 6:7

Tema Ekapolon, “Etoŋopiyari ayoŋ anakwap ŋituŋa ŋulu abu osub, akisyakin aneni a ituŋanan tari lotyaŋ ka aneni a ŋinibore elyat tari lokyeny; anerae eketililyata ayoŋ ŋakiro ŋuna koloŋ abunio osubunia ikes.”

2 Sam. 24:16

Ani edikino emalaika emunyari ŋituŋa ŋulu alo Yerusalem, abu Ekapolon kilocok ŋatameta keŋ, ido abu tema neni a emalaika a ŋolo aari ŋituŋa a ŋol, “Etemokin! Kisieŋu akan kon.” Apaki ŋin, ayai emalaika a Ekapolon ŋol nalos ŋina ka Arauna a Eyebusit.

1 Ŋirw. 11:9

Aŋun nai, abu Ekapolon toŋoik Solomon, anerae abu etau keŋ nyemitak Ekapolon Akuj ŋina a Isirael, ŋina aris ketakanu neni keŋ ŋarwa ŋaarei,

1 Ŋakiro a ŋirwa 10:13

Abu Saul totwana, anerae pa ekinyomit iŋes Akuj; pa ewuapit iŋes ŋakiro ŋuna ke Ekapolon, abu daŋ tolot neni a ŋimurok aanyun ŋuna kitiyakina.

1 Ŋakiro a ŋirwa 21:15

Abu Akuj kiyakiya emalaika amunyar ŋituŋa a Yerusalem. Nai ani edikino emalaika itiyae ŋun, abu Ekapolon kiŋolik ŋun, ido abu kilocok ŋatameta keŋ, tosodi tema neni ke emalaika a ŋolo aari ŋituŋa, “Etemokin! Kisieŋu akan kon.” Apaki ŋin, awoi emalaika a Ekapolon ŋol analos a ŋina ka Orenan a Eyebusit.

Yob 34:27

anerae apotu ikes toŋero akiwuapit ŋuna ka Akuj ka aŋuna aponiata nyemitakis akiwuapit ŋadi ŋuna ka Akuj.

Ŋikiru. 109:4

Tari ketiyae ayoŋ neni kec ŋuna ka amina, ekesitanakinete ikes ayoŋ tari kelipi ayoŋ aŋuna kec.

Ŋikiru. 110:4

Adau Ekapolon akikoŋ, ido nyilocokini nabo ŋatameta keŋ tema, “Irae iyoŋ esacaradoti ŋoloruba, lopite ŋolo ke esacaradoti a ŋolo anyaritae Melekisedek.”

Ŋikiru. 119:136

Eleleete ŋakiyo anakonyen kaŋ, anerae nyiwuapitae ŋikisila kon.

Ŋikiru. 125:5

Nai kisican iyoŋ ŋulu aronok, kisican daŋ ŋulu emyekis akiwuapit ŋuna ibala iyoŋ. Toyai ekisil Isirael.

Ŋikiru. 36:3

Ŋakiro ŋuna irworo iŋes erae ŋuna aronok ka erae amodiyo; ajoŋo iŋes akitiya ka aosou, ka akitiya ŋuna ajokak.

Ŋikiru. 78:41

Apotu ikes toboŋonokis akitem Akuj, kitoŋoa Akuj ŋina Asegan, ŋina a Ŋisirael.

Ŋikiru. 78:57

Apotu ikes nyitopoloosi Akuj ka nyenupa neni ka Akuj ikwapei atapapaa kec, apotu ikes toruwor ŋulu pa ekinyomit Akuj kikokis akau a ŋikaleŋeleŋe ŋina emagul.

Awos. 32:11

Nai abu Moses kimaima Ekapolon Akuj keŋ, kiŋit tema, “Okoe Ekapolon, kaanukiro itonomorya iyoŋ ŋituŋa kon anaŋoit kon, ŋituŋa kon ŋulu ibu iyoŋ iyau anakwap a Ijipit anapedor kon a ŋina apolon nooi ka anakan kon a ŋina etiron?

Awos. 32:14

Aŋun, abu Ekapolon kilocok ŋatameta keŋ, nyisican ŋituŋa keŋ lopite ŋolo sek acamitor akisicania.

Yer. 11:10

Aboŋokis ikes akitiya ŋuna aronok lopite ŋolo etiyaata atapapaa kec alorwa a ŋulu a koloŋ, apotu atapapaa kec toŋero akiwuap ŋakiro kaŋ. Aloto ikes akitiyanakin ŋakujo ŋace. Aŋero ŋituŋa a Isirael ka ŋituŋa a Yudaya acamunet ŋina abu ayoŋ ocamunotor ka atapapaa kec.

Yer. 13:17

Nai ani pa kiirasi iyes ŋakiro keŋ, alosi ayoŋ akigwor anakimunono aŋuna kaakituro kus egwori ayoŋ nooi kibwaliyasi ŋakiyo ŋakonyen kaŋ anerae erikoryo ŋituŋa a Ekapolon nakwap ace.

Yer. 34:16

Nai ipotu iyes kilocokis ŋatameta kus tojamuwasi ekiro kaŋ apaki ŋina inyakaryata iyes ŋipi, kori ŋapi kus ŋituŋa ŋulu sek ipotu iyes tolacakis ikwapei eitanitotor ikes, ipotu iyes kituruwosi ikes nabo ŋiketiyak kus.

Yer. 9:1

Okoe kerae ca torae akou kaŋ eitanit a ŋakipi ka torae ŋakonyen kaŋ elelya a ŋakiyo, kapedorit ayoŋ akigworo naparan ka nakwaare aŋuna a ŋituŋa kaŋ a ŋulu aari, a ŋulu a ŋican.

Yer. 9:18

emaikina ikes potu atipei kiwololoto aŋuna yok akitodol ŋina eleleiyaryata ŋakiyo anakonyen yok, kibwaliyasi ŋakiyo ŋakonyen yok,

Esek. 18:24

Nai ani kimyek ŋini iyookino akitiya ŋuna ka akiyookino, kitiya aronis ka asiilyo ŋinapei itiyaete ŋulu aronok, epedori nai kire iŋes akiyar a? Mam apei daŋ alotooma ŋakiro ŋuna ka akiyookino ŋuna etiyat iŋes ŋuna iteyarere iŋes. Eruwor ituŋanan ŋin ŋini iilit aŋuna adaunor anupit aneni keŋ, ido aŋuna ka asecit aŋina etiya iŋes, emaikina iŋes totwan.

Amos 7:3

Aŋakiro a ŋun, abu Ekapolon kimyek ŋuna sek acamit akitiya tema, “Nyitiyakin ŋun.”

Yona 3:10

Ani iŋolikini Akuj ŋuna apotu ikes kitiyata, epite ŋolo aponiata ikes tokiwa aronis kec, kisyoni Akuj ikes kimyek aronis ŋina sek aris ketema esicania ŋituŋa a Ninepe; ido abu nyisican ikes.

Yona 4:2

Kilip Yona neni ka Akuj tema, “Okoe Ekapolon, meere mono ŋakiro nu alimunit ayoŋ eriŋa ayai nakwap kaŋ a? Meere mono ikes apotu eketodokis ayoŋ Tarisis ekiŋaren a? Anerae ayeni ayoŋ atemar irae iyoŋ Akuj ŋina ka ajokis, ŋina esyonon, ŋina nyiŋoi atipei, ŋina epol arimao ka ŋina epatana akimyekin akisican.

Sepan. 1:6

Amunyari ayoŋ ŋulu aŋero akiwuapit Ekapolon, ŋulu nyiwarito Ekapolon, kori nyiŋitasi iŋes ibore idio.”

Mat. 24:13

Nai ŋini etitinyikini tari nasalunet, eiunio.

Mat. 5:44

Nai tokona akalimokini ayoŋ iyes atemar, tominas ŋikusimoe ka kilipanakinete ŋulu ikisicanito iyes;

Luk. 6:12

Apaki ŋin, tolot Yesu lokamukumukut akilip; kiboi iŋes a nen akuwar kya, ilipi neni ka Akuj.

Ŋibur. 10:38

Aŋun, iŋes ŋini iyookino aŋuna akanupitor ayoŋ, eyari, nai iŋes ŋini ikutukutoori, nyakajoikinete ayoŋ ŋakiro keŋ.”

Yos. 22:16

“Ikiŋisito iyes ŋituŋa daadaŋ ŋulu a Ekapolon ebe, ‘Anukiro aronok nu ŋuna itiyata iyes neni ka Akuj a Ŋisirael, ŋuna iŋeryoto akiwuapit Ekapolon, anerae iduko aŋuna kus Namuroet erae ŋinaŋeryet Ekapolon?

1 Sam. 12:23

Ani eruwor ayoŋ, nyikiryama ca ka akisec neni ke Ekapolon anajoŋore akilip aŋuna kus, ido eketatami ayoŋ iyes ŋipitesyo ŋulu ejokak ka ŋulu iyookino.

1 Sam. 13:13

Tema nai Samuel neni a Saul, “Itiya iyoŋ ŋakiro ŋuna ka abaŋao; nyiwuapa iyoŋ ŋakiciketa ŋuna ke Ekapolon ka Akuj kon, ŋuna abu iŋes ikicikak iyoŋ akiwuap, kerae kitiyate iyoŋ ŋun, kesipokinit Ekapolon apukan kon kipuka Ŋisirael ŋikaru ka ŋikaru.

1 Sam. 15:10

Apaki ŋin, abu Ekapolon kirwor neni a Samuel tema,

1 Sam. 15:3

Ape tokona kisiiryak Ŋiamaleki, tomunya jik ibore daadaŋ ŋini eyakatar ikes, nyimyek ikes, toar ŋikilyok, ŋaberu, ŋidwe, ŋaatuk, ŋakinei, ŋikaala ka ŋisigirya.’ ”

1 Sam. 15:35

Ameun akoloŋit ŋin, nyiŋolikina nabo Samuel Saul, mati akoloŋit ŋina atwania Samuel, nai abu Samuel kigwor aŋuna a Saul. Abu Ekapolon toanyu atemar arae adyakaret keŋ akituruwor Saul erwosit a Isirael.

1 Sam. 15:9

Kimyekis Saul ka ŋituŋa Agag ka ŋamesekin ta ŋaatuk ŋuna ajokak, ŋitak ŋulu atumak ka ŋikaalei ta ibore daadaŋ ŋini ajok, apotu ikes nyear ŋul, nai apotu ikes tomunyasi jik ibore daadaŋ ŋini ajamuwarito ikes ka acaryoono aneni kec.

1 Sam. 16:1

Tema Ekapolon neni a Samuel, “Tari ori igworo iyoŋ aŋuna a Saul? Adau ayoŋ akiŋer iŋes anaraakau erwosit a Isirael, kilelebik akimyet namomwara ŋina itiŋit iyoŋ, ido tonyou tolot; ekeyakiyari ayoŋ iyoŋ neni a Yese a ŋolo eyai Betelem. Adau ayoŋ aseun aŋuna kaŋ epei a ŋidwe keŋ a ŋulusapa aruwor erwosit.”

1 Sam. 8:6

Nai apotu ŋun nyitalakasi Samuel elimunete ikes ebe, “Inakinae isua erwosit ŋolo ikipukae isua.” Aŋun, abu Samuel kilip neni ke Ekapolon.