1 Sam. 14:47 - Ebaibul

⁴⁷ Ani kedau Saul aruwor erwosit alo Isirael, abu kitiji ŋimoe a Ŋisirael alowaetin a Isirael a daadaŋ, kitiji ŋituŋa lu: Ŋimoabi, Ŋiamoni, Ŋiedomi, Ŋirwosi ŋulu a Soba ka Ŋipilistin. Ewae daadaŋ ŋolo abu iŋes tolot akitijiore ŋimoe keŋ, abu Saul toreu ŋimoe keŋ.

1 Sam. 14:47 Iomraidhean Croise

Akisy. 19:37

Abu apese ŋina apolon kidou ikoku ŋinisapat tolimok ekiro keŋ Moab, iŋes papaa a Ŋimoabi tari tokona.

Akisy. 19:38

Abu apese ŋina cici daŋ kidou ikoku ŋinisapat tolimok ekiro keŋ Benami; iŋes papaa a Ŋiamoni tari tokona.

Akisy. 36:1

Erae lu ŋipapae ke Esau (iŋes Edom).

Akisy. 36:19

Arae ŋul ŋidwe ke Esau ŋulusapa ka arae ŋul ŋirwosi kec.

Akisy. 36:8

Aŋun, abu Esau tolomiya nakwap ŋina a ŋikamukumukui ŋina enyaritae Seir.

2 Sam. 1:22

Nyikwaŋakina Saul ka Yonasan abukor ŋaokot a ŋimoe kec, nyikwaŋakina ikes apokonor ŋarwonita. Nyinyakara Yonasan ŋikaleŋeleŋe keŋ nyeara ituŋanan, kori nyinyakara Saul ekileŋ keŋ nyeara ituŋanan.

2 Sam. 10:6

Ani eanyunete Ŋiamoni atemar aremokin daudi ikes, kiyakiyata ikes ŋituŋa akipaŋgaun ŋituŋa ŋice kiŋarakis ikes. Apotu ikes kipaŋgaut: Ŋiarameani ŋulu alo Bes-Reob ka Ŋiarameani ŋulu alo Soba; potu ŋul erae ŋasigarya ŋalipyo ŋatomoniarei ŋulu alosete a ŋakejen, kipaŋgaut ikes tari erwosit ŋolo a Maaka ka ŋasigarya keŋ aliput; kipaŋgaut ikes ŋikilyok ŋice ŋalipyo ŋatomon ka ŋiarei alo Tob.

2 Sam. 8:15

Aŋun, abu Daudi kipuka Isirael daadaŋ, abu iŋes kitiya ŋuna ajoikinito ŋituŋa ka ŋuna eyookino alotuŋa keŋ a daadaŋ.

2 Sam. 8:3

Abu daŋ Daudi toar erwosit ŋolo anyaritae Adadeser, lokoku a Reob a ŋolo a Soba. Etiyae iŋes ŋun apaki ŋina alosyo Adadeser akikamar akwap ŋina ayai diyete aŋolol ŋina enyaritae Eupurate.

1 Ŋirw. 11:23

Kiwuak Akuj ŋiman lotau a emoit a Solomon a ece a ŋolo abu toremokinos ka iŋes, arae ŋol Reson, lokoku ke Eliada, ŋolo kebu tosi aneni a ekapolon keŋ a erwosit a ŋolo alo Soba aŋolo anyaritae Adadeser.

2 Ŋirw. 14:27

Nai pa alimunit Ekapolon atemar amunyari Ŋisirael anakwap; aŋun, abu iŋes toiu ikes kisitiya Yeroboam ŋolo a ŋiarei, lokoku a Yeoas.

1 Sam. 12:2

Kiirasi, iyakatar tokona iyes erwosit ŋolo erae ekepukan kus, ani eruwor ayoŋ, amojoŋ akwaŋut ŋitim, nai irukito iyes ka ŋidwe kaŋ ŋulusapa. Akarik ayoŋ iyes ŋinapei anasorokanu kaŋ tari nakoloŋit na.

1 Sam. 13:1

Arae ŋikaru a Saul ŋatomoniuni apaki ŋina aruworor erwosit, ido abu kipuka Isirael ŋikaru ŋatomoniomwon ka ŋiarei.

1 Sam. 14:46

Tojoŋo nai Saul akiwuapit Ŋipilistin; toloto Ŋipilistin nakwap kec.

1 Sam. 14:52

Ŋirwa daadaŋ ŋulu ka akiyar a Saul, arae ŋulu a ŋijiesyo a ŋulu aroko nooi a ŋulu ajioto iŋes ka Ŋipilistin, ido apaki daadaŋ ŋina iŋolikinia Saul ekile ŋolo egogoŋ, kori ŋolo ededeŋ, amina iŋes aenen ŋikilyok ŋul akitiya neni keŋ.

1 Sam. 21:7

Akoloŋit ŋin, ayai nen eketiyan a Saul epei, ŋolo esidoŋitoe nen akitiya etic a Ekapolon. Anyaritae ekiro keŋ Doeg, ido abunit iŋes alo Edom ka arae iŋes ekapolon a ŋikeyokok ŋibaren a Saul.