1 Sam. 14:38 - Ebaibul

³⁸ Aŋun, abu Saul tema, “Potu laalo, iyes ŋikarikok ajore a Ŋisirael daadaŋ, oanyutu atemar ŋae eyaunit asecit na nakoloŋit na.

1 Sam. 14:38 Iomraidhean Croise

2 Sam. 18:3

Nai temasi ŋajorei neni keŋ, “Nyemaikina iyoŋ orukosi ka isua lojie, ani acepaki kebwaŋae isua, nyemitakinete ŋimoe akiwuapit isua. Tari daŋ keara ikes atutubet apei alokidiŋ kosi, mam ŋuna apolok nooi, nai epol akiyar kon iloit ŋina a ŋikilyok a ŋalipyo a ŋatomon alokidiŋ kosi. Ejok iyoŋ arubakin iboi alotaun, kiyakuununuye akiŋarakinet neni kosi.”

Ŋikiru. 47:9

Ecunakinosi ŋikepukak a ŋakwapin iwapei, kaapei ka ŋituŋa ŋulu ka Akuj a ŋina ka Aburaam, anerae Akuj ipukat ŋirwosi ŋulu ka akwap; itopolooritae Akuj nooi.

Sakar 10:4

Elomunete alokidiŋ kec ŋikepukak, ŋikarikok ka ŋikapolok a ŋajoresyo, ikotere ipukaete ŋituŋa kaŋ.

Ekim. 24:17

Ete ayoŋ iŋes, nai meere tokona eyakaunor, ete ayoŋ iŋes, nai nyeapi, elomuni etop aneni a Yakob ebuni erwosit alo Isirael. Elemari iŋes ŋikukorusinei a Moab daadaŋ, emunyari iŋes ŋituŋa daadaŋ akwap a Ases.

Mat. 21:42

Tolimok Yesu ikes tema, “Nyesyoma iyes ŋuna igiritae Nakigireta atemar, ‘Amoru ŋina koloŋ aŋerete ŋikadukok, iŋes tokona itogogoŋit akai alokoona a? Ekapolon elope etiyae nu, erae ŋakiro nu ŋuna etalakarak ŋuna ikite iwon!’

Ŋiep. 2:20

Isikwaanitae Ŋikristo ka aduketait: aŋun, adaun iyes adukokin nakisyakinet ŋina ka aduketait a ŋina esyakinete ŋikiyakia ka ŋikadwarak. Yesu Kristo elope iŋes erae amoru ŋina itogogoŋit akai alokoona.

Yos. 7:11

Aseca Ŋisirael! Abila ikes ŋuna abu ayoŋ ecik ikes atemar, kirica. Alemasi ikes ŋiboro ŋice ŋulu amaikina kinyasunae. Akokoiyasi ikes ŋiboro ŋul, nabo emunoniasi emorikis ka ŋiboro kec.

Yos. 7:12

Ŋakiro ŋun ikes nyewoikiniata Ŋisirael ŋimoe kec. Emanakis ikes ŋakausinei lomoe kec, anerae aruworosi ikes ŋulu ilamitae. Nyikiruki nabo ayoŋ ka iyes mati jik kilemasi iyes aneni kus ŋiboro ŋulu aponi ikiciki iyes atemar nyilemasi.

Ŋikat. 20:2

Ayakasi natukot ŋin ŋikarikok daadaŋ a ŋikabilae a ŋituŋa a Isirael ka ayakasi nen ŋasigarya ŋuna alosete a ŋakejen ŋalipyo ŋamiae ŋaomwon ŋulu ayakatar ŋiboro ŋulu ke ejie.