1 Sam. 14:35 - Ebaibul

³⁵ Todukok Saul Namuroet aŋuna a Ekapolon nen; arae ŋin Namuroet ŋina ke ekiŋaren, ŋina abu Saul todukok aŋuna a Ekapolon.

1 Sam. 14:35 Iomraidhean Croise

2 Sam. 24:25

Abu Daudi todukok nen Namuroet aŋuna a Ekapolon, ido inak Ekapolon ŋainakineta ŋuna epeyo ka ŋuna ke ekisil a nen. Aŋun, abu Ekapolon toboŋok akilipa a Daudi aŋuna ka akwap kec, ido abu Ekapolon tolema edeke tojoŋo akiar Ŋisirael.

Osea 8:14

Emuryak ŋituŋa a Isirael ekasubunan kec, adukokis ikes ŋakais a ŋapukasinei kec, alalata ŋitaunio a Yudaya ŋulu eyakatar ŋaduketa ŋunajiet, nai ecunyari ayoŋ a akim ŋitaunio ŋul daadaŋ, enomiyari akim ŋaduketa ŋunajiet ŋun.

2 Tim. 3:5

ŋulu esibito iricito ŋakiro ŋuna ke edin, nai kitoodiunite akiyar kec atemar emam apedor ŋina ka Akuj alotooma kec. Toŋer ŋituŋa ŋulu ikote ŋul.

Yak. 4:8

Toapuutu neni ka Akuj, eapuuni iŋes daŋ neni kus. Kilotasi ŋakan kus iyes ŋikasecak! Kitesega ŋitai kus iyes ŋituŋa ŋulu a ŋitai a ŋiarei!

Ŋikat. 21:4

Akoloŋit ŋina atupakini, tokyenyut ŋituŋa taparacu sek todukokis namuroet nen, ido inakis ŋainakineta ŋuna epeyo ka ŋamuronisya ŋuna ke ekisil.

Ŋikat. 6:24

Abu nai Gideon todukok namuroet nen aŋuna ke Ekapolon, tolimok ekiro a namuroet a ŋin “Ekapolon iŋes erae ekisil” Eriŋa namuroet ŋin eyai Opira lotaun ŋolo a Ŋiabieseri tari tokona.

1 Sam. 14:34

Toropak Saul irworo ebala, “Kielaros ŋasigarya daadaŋ, tolimokisi ikes ebe, ‘Yau ŋinituŋanan emoŋ, kori emesek keŋ ne, ido toar a ne tonyam. Nyiseca neni ke Ekapolon anakinyam akiriŋ eyakasi ŋaokot.’ ” Aŋun, abu ŋinituŋanan yau emoŋ keŋ akoloŋit ŋin nakwaare, toar a nen.

1 Sam. 7:12

Tolemu nai Samuel amoru a nen, tosipok kidiŋ Misipa ka Yesana, tolimok ekiro a amoru a ŋin Ebenesa, anerae abu iŋes tema, “Erae na esuuda ŋolo itoodiunit atemar ikiŋarak Ekapolon iwon tari tokona.”

1 Sam. 7:17

Nai amina iŋes aboŋonor Rama, anerae nen iŋes ayai akai keŋ, ido abu iŋes kipuka Isirael a nen ka abu todukok nen Namuroet aŋuna ke Ekapolon.

1 Sam. 7:9

Aŋun, abu Samuel tolemu imesek ŋini ariŋa enaki, inak neni ke Ekapolon erae ainakinet ŋina epeyo; kigworonok Samuel Ekapolon aŋuna a Ŋisirael, toboŋok nai Ekapolon akilip a Samuel.