1 Sam. 14:25 - Ebaibul

²⁵ Ani elomarete ŋasigarya a Saul daadaŋ namoni, toryamut ao eitakinit kwap.

1 Sam. 14:25 Iomraidhean Croise

Awos. 3:8

ka adau ayoŋ abunore kwap ne aiun ikes anakan a Ŋijipitian ka ayaun ikes anakwap a ŋin, toloto nakwap ŋina ajokan ŋina aloloman, nakwap ŋina elelyaata ŋakile ka ao, nakwap ŋina a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi.

Ŋakit. 25:16

Ani kiryamu iyoŋ akimyet ka ao, kimuj ŋina ikitemokin iyoŋ, ani kimuj iyoŋ ŋina alalan nooi, ilekuni.

Ekim. 13:27

Tolimokis ikes Moses temasi, “Adoli isua nakwap ŋina ikiyakiyarit iyoŋ isua; eleleete ŋakile ka a ao anakwap a ŋin, ŋaraito keŋ ikes nu.

Ŋikis. 9:28

anerae acepaki etemarete ŋituŋa a akwap a ŋina ikiyaunia iyoŋ isua ebe, ‘Aŋuna pa apedorya Ekapolon akiya ikes nakwap ŋina sek eikinit ikes ka aŋuna emanitor iŋes ikes, ayau iŋes ikes, ikotere eari ikes analoŋisat.’

Ŋikat. 14:9

Tosodi nai Samuson togeritu a ŋakan ŋakap ŋuna ayai akimyet a ao, ido enyami tolosi. Ani edoli iŋes neni aya papa keŋ ka toto keŋ, inak ikes daŋ akimyet ŋina ka ao, tonyama ikes daŋ. Nai nyelimokina iŋes ikes atemar alemuni iŋes akimyet ŋina ka ao alogogol a iŋatuny a ŋini sek abu iŋes toar.

1 Sam. 14:24

Apotu Ŋisirael toŋoa akoloŋit ŋin, anerae abu Saul kikirikirak alimun ŋicen alokiro a Ŋisirael tema, “Icenen ituŋanan daadaŋ ŋini imuji nakoloŋit na eriŋa nyedolo ataboŋ, eriŋa ayoŋ aari ŋimoe kaŋ akinyaŋia ŋuna etiyato ikes neni yok.” Aŋun, mam Ŋisirael ŋul ipei daŋ ŋini abu kiir akimuj.

1 Sam. 14:26

Ani edolete ikes neni ayai ao, kiŋolikis eisi kwap, nai apotu ikes nyelemut ao ŋin tonyama, anerae akerito ikes ŋicen.