1 Sam. 14:23 - Ebaibul

²³ Aŋun, abu Ekapolon inak Ŋisirael akiloun akoloŋit ŋin, tojioros ŋituŋa ŋul tari yaye Bes-Apen.

1 Sam. 14:23 Iomraidhean Croise

2 Ŋirw. 14:27

Nai pa alimunit Ekapolon atemar amunyari Ŋisirael anakwap; aŋun, abu iŋes toiu ikes kisitiya Yeroboam ŋolo a ŋiarei, lokoku a Yeoas.

1 Ŋakiro a ŋirwa 11:14

nai abu Eleasar ka ŋirukitos keŋ ta Daudi toryediko alokidiŋ emanikor ŋol. Kiuryasi Ŋipilistin nyedolut nen, ido apotu toara Ŋipilistin, inak Ekapolon ikes akiloun ŋina apolon nooi.

2 Ŋakiro a ŋirwa 32:22

Aŋun, abu Ekapolon tolaku Esekia ka ŋituŋa a Yerusalem aneni a Senakerib a erwosit ka Asiriya ka aneni a ŋimoe keŋ a daadaŋ. Abu Ekapolon kisieŋa ikes ejie alowaetin kec a daadaŋ.

Awos. 14:30

Abu Ekapolon toiu Ŋisirael akoloŋit ŋin anakan a Ŋijipitian. Kiŋolikis Ŋisirael Ŋijipitian ileeuyete etwakito alokipetot ka Anam.

Osea 1:7

Nai esyoni ayoŋ ŋituŋa a Yudaya aiuni ayoŋ ikes, nyaiuni ayoŋ ikes a akau a ŋina a ŋikaleŋeleŋe, kori a ekileŋ, kori a ŋiboro a ŋulujiet; nyaiuni ayoŋ ikes a ŋaŋolei, kori a ŋasigarya a ŋuna edokito ŋaŋolei nai aiuni ayoŋ ikes a apedor a Ekapolon Akuj kec.”

Ŋikis. 20:4

anerae Ekapolon Akuj kus iŋes ikiŋarenikini iyes akitijiore ŋimoe kus aŋuna kus ikiinak akiloun ŋimoe kus.”

Yos. 7:2

Kiyakiya Yosua alo Yeriko ŋirototin tema, “Toloto torebo akwap ŋina eyai etaun ŋolo anyaritae Ai, ŋolo edunyasi ka neni anyaritae Besapen alo Kide etaun Besel.” Toloto nai ikes torebo Ai.

Ŋikat. 2:18

Apaki daadaŋ ŋina eseunia Ekapolon ŋikatubok ŋakiro aŋuna kec, arukito Ekapolon ka ekatubon ŋakiro apaki ŋin ka abu Ekapolon toiu ikes alomoe kec ŋirwa daadaŋ ŋulu eyarya ekatubon ŋakiro ŋol, anerae esyoniyenene Ekapolon ikes anaumen kec aŋuna a ŋimoe a ŋulu aarete ka esicanito ikes.

1 Sam. 10:19

Nai iŋero iyes tokona Akuj kus, ŋina abu itoiu iyes anakiro a ŋuna aronok a daadaŋ ka alocan kus; nai tokona itemasi iyes, ‘Mam! Tosekinae isua erwosit ŋolo ikipukae.’ Aŋun nai, toloto kiŋaren Ekapolon a ŋikabilae ka a ŋatekerin kus.”

1 Sam. 13:5

Tocunakinos Ŋipilistin akitijiore Ŋisirael, ayakatar ikes ŋagaari ŋalipyo ŋatomoniuni ŋuna eritae a ŋaŋolei ka ŋikajiok ŋalipyo ŋakanikapei ŋulu adokito ŋaŋolei ta ŋajorei ŋuna ekwaan elalak ka asinyon alokipetot ka anam. Apotu ikes toloto kiboiyosi Mikimas Kide Bes-Apen.

1 Sam. 9:16

“Moi taparacu apaki napei na, eyakuuni ayoŋ neni kon ekile ŋolo ebunit anakwap a Benjamin, ido emaikina iyoŋ kiosak akimyet lokile ŋol, toruwor iŋes ekepukan a ŋituŋa kaŋ a Ŋisirael. Eiuni iŋes ŋituŋa kaŋ anakan a Ŋipilistin; anerae eŋolik ayoŋ ŋican ŋulu eryamunito ŋituŋa kaŋ ka adolu akigworo kec neni kaŋ.”