1 Sam. 14:16 - Ebaibul

¹⁶ Kirereut ŋiketeok a ere a Saul alo Gibea anakibois a ŋina alo Benjamin, kiŋolikis epite ŋolo ealarotor Ŋipilistin ekerete kiŋaren ka toboŋete kaku.

1 Sam. 14:16 Iomraidhean Croise

Ŋikiru. 58:7

Kimyek ikes todaunos ikwa ŋakipi ŋuna elelearete nariet; kimyek ikes kikwaanikinos ka ŋinya ŋulu ipudaaryo a lorot tookiyosi.

Ŋikiru. 68:2

Kirita ikes nariet lopite ŋolo ekutarya ekuwuam apuru nariet; kimyek ŋulu aronok todaunos alokiŋaren kon Akuj lopite ŋolo etalarya amanok anakim todaun.

Isa. 19:2

Etidiŋakini ayoŋ Ŋijipitian make, ido ejikinosi ikes make, ejikinosi ikidunyet ka ikidunyet, ejikinosi ŋituŋa a etaun a epei ka ŋituŋa a ŋoloce, ejikinosi ŋituŋa a apukan ka apei ka ŋulu a ŋinace.

Ŋikat. 7:22

Ani ekutakinete Gideon ka ŋirukitos keŋ ŋamomwar a ŋimesekin ŋun ŋamiae ŋauni kisicumak Ekapolon Ŋimidian make, kicumucumas daadaŋ a ŋileŋia. Toema ŋajorei a Ŋimidian todolo Bes-Sita ekerete lowae ŋolo a Sesira todolo tari lotaun Abel-Meola ŋolo eyai diyete Tabas.

1 Sam. 14:15

Tobul Ŋipilistin daadaŋ ŋulu aya neni eboiyo ajore ka ŋulu aya lomanikorin, ŋulu edarito ŋimoe anakiboisyo a ŋace ka ŋulu aŋaarito ŋajorei akirem iwace. Abu daŋ akwap tomaranik. Toyakaun ekabule neni a Ŋipilistin, ekabule ŋolo erae Akuj ayauni.

1 Sam. 14:17

Tolimok nai Saul ajore keŋ tema, “Kiito ŋituŋa yok oanyutu ŋini kelot aneni yok.” Ani kedaut ikes akiit ŋituŋa, toryamut ikes Yonasan ka ŋolo aryoŋit ŋiboro keŋ ŋulu ke ejie emam a nen.

1 Sam. 14:20

Tocunakinos nai Saul ka ŋituŋa keŋ daadaŋ toloto lojie, toryamut Ŋipilistin iguryakina, earasi make a ŋileŋia kec.