1 Sam. 14:12 - Ebaibul

¹² Kiŋenyakis ŋikilyok ŋulu ka ajore a Ŋipilistin Yonasan ka ekile ŋolo aryoŋit ŋiboro keŋ ŋulu ke ejie temasi, “Potu laalo neni kosi, eya ŋuna ecamitae isua alimokin iyes.” Tema Yonasan neni a ŋolo aryoŋit ŋiboro keŋ ŋulu ke ejie, “Bua, totupakinae ayoŋ, anerae adau Ekapolon ainakin ikes napedor a Ŋisirael.”

1 Sam. 14:12 Iomraidhean Croise

Akisy. 24:42

“Ani adoluni ayoŋ kare nakoloŋit na, abu elip otema, ‘Okoe Ekapolon Akuj ŋina a ekapolon kaŋ Aburaam, ani tokona kipedori akisiyookin ŋuna alosyo ayoŋ,

Akisy. 24:48

A nen, abu ayoŋ ejuuru elip neni ke Ekapolon, olakar neni ke Ekapolon a ŋolo erae Akuj a ekapolon kaŋ Aburaam, Akuj ŋina abu eketenu ayoŋ eyoun neni ka apese a ŋina erae nakoku a eyenet a ekapolon kaŋ, ikotere ayai iŋes toruwor aberu a lokoku a ekapolon kaŋ.

2 Sam. 5:24

Ani iirari iyoŋ ŋakejen erwosi ikamete ŋikito a Balsam alokidiama, toten ejok; anerae apaki ŋin adau Ekapolon akiŋarenikin iyoŋ akiar ŋajorei a Ŋipilistin.”

2 Ŋirw. 14:8

Abu iŋes kiyakiya ŋituŋa neni a Yeoas a lokoku a Yeowas a ŋolo arae lokoku a Yeu a erwosit a Isirael, abala akirot ŋin, “Bua acamit ayoŋ akiŋolikin ka iyoŋ.”

Ŋikat. 4:14

Tolimok Debora Barak tema, “Ape, anerae erae na akoloŋit ŋina ipotokinio Ekapolon Sisera napedor kon. Kire jik, ikiŋarenikini iyoŋ Ekapolon.” Aŋun abu Barak totiyaun alomoru Tabor ka ŋikilyok ŋulu ajiok ŋalipyo ŋatomon ŋulu ewuapito iŋes.

Ŋikat. 7:14

Toboŋok erukitos keŋ tema, “Meere ŋun icebore nai erae ekileŋ a Gideon a Esiraelit a ŋolo erae lokoku a Yoas; adau Ekapolon akipotokin Ŋimidian ka ŋajorei kec daadaŋ napedor keŋ.”

Ŋikat. 7:15

Kedau Gideon akiirar ŋakiro ŋuna erujat Emidianait ŋolo a Midian ŋol ka akisileerekinet a akirujaet a ŋin, abu iŋes toryedik kilip, toboŋo neni eboiyoto Ŋisirael, ido tolimok ikes tema, “Tonyoutu, anerae adau Ekapolon akipotokin ajore a Ŋimidian napedor kus.”

Ŋikat. 9:54

Atipei tonyara Abimelek esorokit ŋolo sek aryoŋit ŋiboro keŋ ŋulujiet, tolimok iŋes tema, “Tolemu ekileŋ kon ikiarya ayoŋ, ikotere nyetemasi ŋituŋa aŋuna kaŋ ebe, ‘Aberu aari iŋes.’ ” Aŋun, abu esorokit ŋol kicum iŋes a ekileŋ toar.

1 Sam. 14:10

Nai ani ketemasi, ‘Kitipeutu laalo neni kosi,’ ikitipeiyori nai iwon neni kec; anerae adau Ekapolon ainakin ikes napedor yok. Ŋakiro kec ikes eruwor akitoodikinet neni yok.”

1 Sam. 14:13

Kitipeiyo nai Yonasan a ŋakan ka a ŋakejen kidiama amukure ŋina aya ikes. Totupak ŋolo aryoŋit ŋiboro keŋ ŋulu ke ejie iŋes. Kilenyilenyakin Ŋipilistin kwap alokiŋaren Yonasan, toar ŋolo aryoŋit ŋiboro a Yonasan ŋulu ke ejie ikes.