1 Sam. 13:9 - Ebaibul

⁹ Aŋun, abu Saul tema, “Yautu ainakinet ŋina epeyo ŋin neni kaŋ kaapei ka ŋainakineta ŋuna ke ekisil.” Inak nai Saul Akuj ainakinet ŋina epeyo.

1 Sam. 13:9 Iomraidhean Croise

2 Sam. 24:25

Abu Daudi todukok nen Namuroet aŋuna a Ekapolon, ido inak Ekapolon ŋainakineta ŋuna epeyo ka ŋuna ke ekisil a nen. Aŋun, abu Ekapolon toboŋok akilipa a Daudi aŋuna ka akwap kec, ido abu Ekapolon tolema edeke tojoŋo akiar Ŋisirael.

1 Ŋirw. 3:4

Akoloŋit apei, tolot erwosit Gibeon, anerae arae Gibeon aoya nooi ka neni etopoloritae nooi. Abu Solomon kiwuak Namuroet ŋina ayai nen ŋainakineta apeiliput ŋuna epeyo.

Ŋikiru. 37:7

Nyiŋayaŋayata anakikinyomit Ekapolon, kidara iŋes alotooma atitinyikinit ikiŋarak iyes; tocoito nyenepu ekibure aneni kus, iŋolikinete ŋituŋa ebarete anakitiya ŋuna aronok; nyenepu ekibure aneni kus iŋolikinete ŋituŋa itiyaete ŋuna aronok ŋuna eyeto ikes akitiya.

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Ŋakit. 20:22

Nyitema ebe, “Etiyae ayoŋ aronis neni a ŋini etiya aronis neni kaŋ;” kikinyom Ekapolon, ikiŋarakini iŋes iyoŋ.

Ŋakit. 21:27

Erae amuronot a ŋulu aronok ibore ŋini erae asiilyo, etya nai asiilyo ŋin ai erae keyaunitae amuronot ŋin aŋuna ka akitiyaa aronis!

Ŋakit. 21:3

Akitiya ŋuna iyookino ka ŋuna ajokak, erae akitiya ŋuna ecamit Ekapolon ainanakin ŋina epol nooi akilo amuronot neni a Ekapolon.

Isa. 66:3

“Ituŋanan daadaŋ ŋini akaaranakini ayoŋ emoŋ erae amuronot, ikwaan ituŋanan ŋin ka ŋini eari ituŋanan; ituŋanan daadaŋ ŋini akaaranakini ayoŋ ikale ŋinimesek erae amuronot, ikwaan ituŋanan ŋin ka ŋini emojiri emosiriŋ a iigok tobil; ituŋanan daadaŋ ŋini akainakini ayoŋ ainakinet ŋina a ŋikinyom ikwaan ituŋanan ŋin ka ŋini akainakini ayoŋ ŋaokot a eguruye; ituŋanan daadaŋ ŋini icunyi ekinyate aŋuna ka atamunitor ayoŋ, ikwaan ituŋanan ŋin ka ŋini ilipi neni ka etorube a ŋolo itiyaunitae. Adaut ŋituŋa ŋulu ikote ŋul akiwuap ŋuna kec a ŋikulepek, ido elakara ikes anakitiya asiilyo kec;

Ŋikis. 12:5

Nai emaikina iyes kiwarut akibois ŋina eseuni Ekapolon Akuj kus anakiboisyo a ŋikabilae kus aruwor neni iboiyo iŋes ka neni ilipere enyaritae ekiro keŋ. Emaikina iyes toloseneneete nen,

Ŋikis. 12:6

yaanasi nen ŋainakineta kus ŋuna epeyo ka ŋamuronisya kus, atutubet apei alotooma ŋitomon a ŋiboro kus ka ŋainanakineta kus, ŋainakineta ŋuna ikoŋit ituŋanan ainakin neni ke Ekapolon, ŋainanakineta ŋuna eyauni ituŋanan a acamit keŋ, ŋikiyae a ŋaatuk kus ka a ŋamesekin kus.

1 Sam. 14:18

Tema Saul neni ka Aija, “Yau Asaduku ka Akuj laalo.” Akoloŋit ŋin, adakito Ŋisirael Asaduku ŋina ka Akuj anajore kec.