1 Sam. 13:7 - Ebaibul

⁷ Apotu Ŋiburaniyae ŋice toema ekekwaye Yorodan, nakwap a Gad ka Gilead. Apaki ŋin, ariŋa Saul eyai Giligal, arukito iŋes ka ŋituŋa ŋulu abulit ka amaranete.

1 Sam. 13:7 Iomraidhean Croise

Ŋilep. 26:17

Akaŋoikini ayoŋ iyes, ido ikireunete iyes ŋimoe kus; ikipukaete iyes ŋituŋa ŋulu imanito iyes, ido ibwaŋasi iyes tari kemam ŋini ikirisit.

Ŋikis. 20:8

Erubakinete ŋikapolokinitok ŋituŋa irworosi neni a ŋituŋa ebasi, “Eyai mono ne ituŋanan ŋini ekuryana, kori nyetitiny a? Emaikina ituŋanan ŋin toboŋo kai keŋ, acepaki itubuli iŋes ŋuluce daŋ”

Ŋikis. 28:25

“Ikimyekini Ekapolon iyes ikilout ŋimoe kus, ilosete iyes akitijikin ikes itorito lowae epei nai ibwaŋasi iyes kitoro lowaetin ŋulu alalak. Iruworosi iyes ŋituŋa ŋulu ikijamuwaritae alotuŋa a ŋakwapin a daadaŋ.

Ŋikis. 3:12

Ani eruwor akwap ŋina aponi iwon kikamarae apaki ŋin, abu ayoŋ oinak ŋituŋa a ekabila a Ruben ka ŋulu a ekabila a Gad akwap ŋina alo Kuju Areor, iŋes akwap ŋina alodiyete ayonae Arinon, abu daŋ oinak ikes atutubet apei a akwap a ŋina a ŋikamukumukui a ŋina a Gilead kaapei ka ŋitaunio a akwap a ŋin.

Yos. 13:11

Adolit akwap ŋina atyakakinitae ŋikabilae ŋul tari Gilead ka akwap a Ŋigesuri kaapei ka Ŋimaakasi ka emoru Erimon daadaŋ ta Bacan daadaŋ kiger Saleka.

Yos. 13:8

Aris sek keryamut ŋikabilae a Ruben ka Gad ta atutubet apei a ekabila a Manase akwap ŋina atyakakini Moses ŋolo arae eketiyan a Ekapolon ikes alo Kide Yorodan.

Ŋikat. 7:3

Aŋun, kiserak tokona ŋakiro nu kiirasi ŋirukitos kon daadaŋ, ‘Ituŋanan daadaŋ ŋini emarani aŋuna ekuryania, emaikina toboŋo lore.’ ” Aŋun, apotu ŋasigarya, ŋikilyok ŋalipyo ŋatomoniarei ka ŋaarei toboŋosi lore, kidoŋo ŋalipyo ŋatomon.

1 Sam. 13:8

Kiboi Saul a nen ŋirwa ŋikanikaarei ŋulu sek alimokinit Samuel iŋes; nai abu Samuel nyebu Giligal apaki ŋin, aŋun, apotu ŋituŋa tosiwa aneni a Saul.

1 Sam. 17:11

Ani iirarete Saul ka Ŋisirael daadaŋ ŋakiro ŋuna erworo Epilistait ŋol, tosiliyosi ŋitai kec, min akuryanu neni kec nooi.

1 Sam. 31:7

Ani iirarete Ŋisirael ŋulu ayakasi ekekwaye akadipaalat ŋina a Yesireel ka ŋulu ayakasi ekekwaye aŋolol Yorodan atemar abwaŋasi Ŋisirael ka aari Saul ka ŋidwe keŋ ŋulusapa, apotu kimyekis ŋitaunio kec, toema nariet. Apotu nai Ŋipilistin potu toloma lotaunio ŋul.