1 Sam. 13:6 - Ebaibul

⁶ Ani eanyunete Ŋisirael atemar kelomasi ikes locan ka kerookin ikes kidiŋ, apotu toŋopa alokuco, anaturukanin a ŋuna aya natabab, analyalin ka anakaumeumei.

1 Sam. 13:6 Iomraidhean Croise

2 Sam. 24:14

Toboŋok Daudi Gad tema, “Akaryebete ayoŋ ŋakiro nu nooi, emyekisi Ekapolon ikisican iwon, anerae epol nooi akisyon keŋ; nai nyeruwor ŋituŋa ikisicanete iwon.”

Isa. 42:22

Nai arae ŋituŋa keŋ ŋulu akokoiyaritae ka aŋataritae, arae ikes daadaŋ ŋulu agolokinitoe napanya ka ewuaitae alojerae; apotu ikes toruwor akimuj a ŋityaŋ todaun ŋini eiuni, apotu ikes toruwor ŋiŋatanara todaun ŋini etemari, “Kinyakasi ikes.”

Yer. 41:9

Arae akare ŋina emasakini Isimael ŋawat daadaŋ ŋuna a ŋikilyok a ŋulu abu iŋes toar, akare ŋina apolon, ŋina koloŋ keboki erwosit Asa aŋuna ka akiuryarya erwosit Baasa ŋolo a Isirael nyerem iŋes. Abu Isimael kilelebik akare ŋin ŋawat a ŋikilyok a ŋulu abu iŋes toar.

Esek. 33:27

Tolimok ikes atemar alimu Ekapolon Akuj ebe, ‘Ikwapei kire jik ayarya ayoŋ, earyo a ekileŋ ŋituŋa ŋul ŋulu idoŋito nakiboisyo ŋuna emunaara ŋun, ido ŋulu iboiyete aneni nyerae sek ŋitaunio, emyekini ayoŋ ŋityaŋ ŋulu adedeŋak tonyama ikes, ani ŋulu iboiyete anaduketa a ŋuna egogoŋ ka anaturukanin, emyekini ayoŋ edeke toar ikes.

Ŋipil. 1:23

Nyayeni ayoŋ ewae ŋolo aseuni. Ekeburit ayoŋ aesikin akiyar na, ido oruko ka Kristo, anerae ejok nooi arukit ka Kristo;

Ŋibur. 11:38

Ajokak ŋituŋa ŋul nooi, pa etemokino eyakasi nakwap. Apotu ikes kirimo analoŋisae ka alokamukumukui esibito ŋikadoiunok a iwace, eboiyete anaturukanin ka anaduyon.

Yos. 8:20

Ani iŋoliyarete ŋikajiok ŋulu ka Ai kaku kec, kiŋolikis apuru eremit kidiama alotaun kec. Todaun ikes neni eemete, anerae apotu Ŋisirael ŋulu sek akerete alokiŋaren kec daŋ lowae ŋolo ka aloŋisat toboŋo akisiiryakin ikes.

Ŋikat. 10:9

Apotu daŋ Ŋiamoni todoka aŋolol Yorodan aŋuna ka akitijiore ŋituŋa a ekabila a Yuda ka ŋulu a ekabila a Benjamin ta ŋituŋa a ekabila a Epuraim. Apotu ŋakiro ŋun inakis Ŋisirael akiyaloloŋ ŋina apolon nooi.

Ŋikat. 20:41

Kibeleun nai ajore a Ŋisirael ŋina alalan ŋina sek etataiyarit ŋimoe, tobul ŋituŋa a ekabila a Benjamin, anerae apotu ikes toanyut atemar apuu amunyar ikes.

Ŋikat. 6:2

Aŋuna aponiata Ŋimidian kisicana Ŋisirael nooi, apotu Ŋisirael toduko aŋuna kec ŋakiboisyo ŋunaŋopet lomoru, naturukanin ka toduko ŋaduketa ŋunajiet.

1 Sam. 13:15

Torotok nai Samuel alo Giligal, kitipeiyo Gibea nakibois ŋina alo Benjamin. Kiwuapakis ŋituŋa ŋuluce Saul aruwor ŋasigarya keŋ tolot Gilgal tari Gibea nakibois ŋina alo Benjamin. Kimar Saul ŋikilyok ŋulu arukito ka iŋes, toryamu eapiyarit ekimar kec ŋamiae ŋakanikapei.

1 Sam. 14:11

Aŋun, apotu ikes ŋuluarei ŋul kitoodiyaros najore a Ŋipilistin; temasi nai Ŋipilistin, “Kiŋolikisi! Alomut Ŋiburaniyae alokuco a ŋulu sek keŋopitotor.”

1 Sam. 14:22

Ani iirarete Ŋisirael daadaŋ ŋulu sek aŋopito alokamukumukui a ŋulu a Epuraim atemar abwaŋasi Ŋipilistin, apotu ikes potu lojie akiwuapit Ŋipilistin.

1 Sam. 23:19

Kepotu nai ŋituŋa a Sip ŋice toloto Gibea neni a Saul temasi, “Eŋopit Daudi anakwap kosi anaturukanin a ŋuna alotaun a ŋolo enyaritae Ores, alokidiama emukura ŋolo enyaritae Akila a ŋolo eyai lowae ŋolo alo Kwap Yesimon.

1 Sam. 24:3

Todolu Saul neni ayakasi ŋanokin a ŋamesekin ŋuna ayakasi epeiwae erot; tori Saul naturukan ŋina ayai nen akiŋarakin. Apaki ŋin, eboiyete Daudi ka ŋikajiok ŋulu arukitotor iŋes anaturukan a ŋin alotooma jik aneni alwanan.

1 Sam. 31:7

Ani iirarete Ŋisirael ŋulu ayakasi ekekwaye akadipaalat ŋina a Yesireel ka ŋulu ayakasi ekekwaye aŋolol Yorodan atemar abwaŋasi Ŋisirael ka aari Saul ka ŋidwe keŋ ŋulusapa, apotu kimyekis ŋitaunio kec, toema nariet. Apotu nai Ŋipilistin potu toloma lotaunio ŋul.

1 Sam. 7:7

Ani iirarete Ŋipilistin atemar acunakin Ŋisirael Misipa, toŋaasi ŋikapolok a Ŋipilistin ajore akitijiore Ŋisirael. Ani iirarete Ŋisirael ŋakiro ka ajore a ŋin, tokuryaketa aŋuna a Ŋipilistin.