1 Sam. 13:4 - Ebaibul

⁴ Ani iirarete Ŋisirael daadaŋ, atemar elou Saul ajore a Ŋipilistin ka eman tokona Ŋipilistin Ŋisirael, aponi tonyaraunae Ŋisirael daadaŋ akimorikin ka Saul alo Giligal.

1 Sam. 13:4 Iomraidhean Croise

Akisy. 34:30

Tema nai Yakob neni a Simeon ka Lepi, “Iyaut iyes neni kaŋ ŋatyokisyo; aŋuna ikitidiŋakineta iyes ayoŋ ka Ŋikanaani ta Ŋiperisi, ŋituŋa ŋulu ka akwap a na. Ekudyoko ŋituŋa kaŋ, ido kecunakin ŋituŋa ŋul ekesiiryata ayoŋ, akamunaaryo ayoŋ kaapei ka ekal kaŋ daadaŋ.”

Akisy. 46:34

Toboŋokisi iŋes temasi, ‘Isua ŋiketiyak kon, ikirae ŋikeyokok a ŋibaren ŋinapei anasorokanut kosi tari tokona, isua kaapei ka atapapaa kosi.’ Tolimutu ŋun ikotere ilomete nakwap ŋina a Gosen, anerae aneni a Ŋijipitian, erae ŋikeyokok a ŋamesekin ŋisiilyanotin.”

2 Sam. 10:6

Ani eanyunete Ŋiamoni atemar aremokin daudi ikes, kiyakiyata ikes ŋituŋa akipaŋgaun ŋituŋa ŋice kiŋarakis ikes. Apotu ikes kipaŋgaut: Ŋiarameani ŋulu alo Bes-Reob ka Ŋiarameani ŋulu alo Soba; potu ŋul erae ŋasigarya ŋalipyo ŋatomoniarei ŋulu alosete a ŋakejen, kipaŋgaut ikes tari erwosit ŋolo a Maaka ka ŋasigarya keŋ aliput; kipaŋgaut ikes ŋikilyok ŋice ŋalipyo ŋatomon ka ŋiarei alo Tob.

Awos. 5:21

Temasi ikes neni ata Moses, “Ikimaimai isua Ekapolon pena ŋakiro nu nakyes kus ka ikitubok iŋes iyes! Ikisiman iyes isua Parao ka ŋiketiyak keŋ ka ikitaar iyes ikes isua.”

Sakar 11:8

Alotooma elap epei, abu ayoŋ oar ŋikeyokok a ŋamesekin ŋiuni anerae abu okoup ayoŋ akidaŋidaŋ ŋakiro kec, apotu daŋ ŋamesekin okoremokin ayoŋ.

Yos. 5:9

Tolimok Ekapolon Yosua tema, “Adau ayoŋ akoloŋit na alemar aneni kus ŋileec ŋulu sek iraakatar ŋipi alo Ijipit.” Erae ŋakiro ŋuna ka alemar ŋileec iŋes enyaritere nen Giligal tari tokona.

1 Sam. 10:8

Ekaku a ŋun, itemokino iyoŋ totiyaar Giligal eriŋa ayoŋ nyeloto inaa; ido abuni ayoŋ neni kon ainakin Akuj ŋainakineta ŋuna epeyo ka ŋamuronisya ŋuna a ekisil. Kidarae ayoŋ a nen ŋirwa ŋikanikaarei, akitodol ŋina abunio ayoŋ neni kon, eketoodik iyoŋ ŋuna itemokino kitiya.”

1 Sam. 27:12

Ekinyomit Akis Daudi nooi aŋuna atamya ebe, “Nyeriŋa ŋituŋa a Daudi, Ŋisirael eminasi Daudi; aŋun, erubakini iŋes erae eketiyan kaŋ.”