1 Sam. 12:3 - Ebaibul

³ Ayoŋ lo! Tolimutu alokiŋaren Ekapolon ka alokiŋaren eseuna keŋ ŋakiro ŋuna etiyat ayoŋ ŋuna aronok. Ŋae abu ayoŋ odema emoŋ? Ŋae abu ayoŋ odema esigirya? Ŋae idio abu ayoŋ omodiya ibore idio? Ŋae abu ayoŋ otiŋ ka aronis? Ŋae idio abu ayoŋ ocamu akainakini ayoŋ akaluŋuluŋut, ikotere emyek iŋes? Ani ketiyat ayoŋ ŋun ŋadi, tolimokinae ayoŋ, ikotere okotacak ayoŋ iyes.”

1 Sam. 12:3 Iomraidhean Croise

2 Sam. 22:22

anerae abu ayoŋ ewuap ŋuna abala Ekapolon, mam ŋuna aronok ŋuna etiyat ayoŋ ŋuna eketeŋerete ayoŋ Akuj kaŋ.

Neem. 5:11

Kinyakakisi ikes akoloŋit napei na ŋimanikorin kec ŋulu a ŋikinyom, ŋulu ke epiini, ŋulu a ŋikito ka Olipa ka ŋakais kec; kinyakakisi ikes ibore ŋini ipotu iyes kiyatakis kerae ŋisiliŋa, ŋikinyom, epiini, akimyet, ŋiboro ŋulu ipotu iyes kijaununut aneni kec.”

Ŋikiru. 15:5

Ikes ŋulu nyiasete ŋisiliŋa kec ŋulu ideniyorit ituŋanan ŋinice, ikes ŋulu nyijaete ŋakaluŋuluŋui akisitakinia ŋini emam ŋuna aronok itiyat. Ŋituŋa ŋulu itiyaete ŋakiro ŋun, erubakinete iboiyete emam ŋace.

Awos. 20:17

“Nyiŋobel ŋinituŋanan akai a ikidunyet keŋ, nyiŋobel aberu a ekidunyet keŋ, kori eketiyan ka aketiyan a ikidunyet keŋ, kori emoŋ, kori esigirya, kori ibore ca daadaŋ ŋini erae ŋini a ikidunyet keŋ.”

Awos. 22:4

Ani keryamun ibarasit ŋini akokoiyarit iŋes eriŋa eyari, emyat iŋes, kerae emoŋ, kori esigirya, kori amesek, emaikina iŋes totacu ŋibaren ŋiarei aŋuna a ipei.

Awos. 23:8

Nyicamut akaluŋuluŋut adio, anerae nyepedorete ŋikapolok aruwor ŋulu iyookino erae kecamununeete ŋakaluŋuluŋui, epedorete ikes akiloc ŋakiro a ŋulu iyookino.

Ŋakit. 15:27

Epedori ituŋanan ŋini erorokana ayaun ŋican lotuŋa a ekal keŋ, nai eyari ituŋanan ŋini nyecamit ŋakaluŋuluŋui.

Ŋilep. 6:4

ani keyenu iŋes atemar asec, emaikina iŋes kinyaka ibore ŋini abu iŋes todema ituŋanan, kori ibore ŋini sek ecikakinitae iŋes aŋuna ke edeni, kori ibore ŋini sek erapuni iŋes,

Ŋilep. 6:5

kori ibore daadaŋ ŋini abunio iŋes kikoŋio alyokonu, emaikina iŋes totacak ibore ŋin daadaŋ neni a ilope tolemu nabo atutubet apei alotooma ŋikan a ibore a ŋin, ido kinyakak ilope a ibore a ŋin akoloŋit ŋina eaya iŋes ainakinet keŋ aŋuna ka asecit.

Ekim. 16:15

Abu nai Moses toŋo nooi, ido tema neni ke Ekapolon, “Nyicamu ŋainakineta kec. Mam nyeyaa ayoŋ aneni kec tari ŋolo arae esigirya epei daŋ ka nyewana ayoŋ idio alokidiŋ kec.”

Mat. 22:21

Toboŋokis ikes temasi, “Ŋulu ke ekepukan a Roma.” Tolimok Yesu ikes tema, “Inakisi ekepukan a Roma ŋini erae ikeŋ, inakis Akuj ŋini erae ŋini ka Akuj!”

Luk. 19:8

Tonyou nai Sakayo tolimok Yesu tema, “Topupok Ekapolon! Alosi ayoŋ ainakin atyaket ŋina ke ekaabari lokulyak, nabo ani keyai ituŋanan ŋini sek amodiyarit ikeebore, atacakini ŋatacakinet ŋaomwon.”

Ŋitic. 20:33

Iyenete iyes ŋilopeyek atemar nyiwuakina ayoŋ ekibure losilipa a ituŋanan a idio, logolid kori lolowi,

2 Ŋikor. 12:14

Erae tokona na apaki ŋina a ŋauni, ŋina atenitor ayoŋ abunio aanyun iyes ka emam ibore idio ekeŋisi iyes. Ekeitanit ayoŋ iyes, meere ŋisiliŋa kus, anerae meere ŋidwe itemokino kiŋarakis ŋikauruunak kec, kire ŋikauruunak ikes itemokino kiŋarakis ŋidwe kec.

Ŋikis. 16:19

Tocoito ilocete ŋakiro ŋuna iyookino, totubete ŋakiro anakiyookino emam ariit ka ice, nyicamut ŋakaluŋuluŋui, anerae iteesikini akaluŋuluŋut ŋikaosok akitiya ŋuna iyookino ka iloci ŋakiro a ŋulu iyookino.

1 Ŋites. 2:10

Iraakasi iyes ŋisuudae kosi, Akuj daŋ erae, iŋes atemar arae ŋipitesyo kosi ŋulu ajokak nooi, ŋulu eyookino ka ŋulu amam adyakaret adio aneni kus a ŋulu inupito.

1 Ŋites. 2:5

Anerae iyenete iyes kire atemar, nyirworo isua ŋakiro ŋuna ka akirapirap iyes ka nyelimonokina isua Ŋakiro ŋuna Ajokak aŋuna ka aryamunia idiobore aneni kus--Akuj iŋes erae esuuda kosi!

1 Pet. 5:2

Kiyoko ejok ŋamesekin ŋuna erae ŋituŋa ŋulu ikiinakinit Akuj iyes. Nyitiyata ŋun anakitiŋakina, nai anainakina ikwaŋina ecamitor Akuj, meere aŋuna ke eropit ca, nai aŋuna ka acamit akitiya.

1 Sam. 10:1

Abu nai Samuel tolemu ecupa ŋolo ayai akimyet, tobukok akimyet nakou a Saul, tonu iŋes tema, “Ikiosak iyoŋ Ekapolon akimyet aruwor ekepukan a ŋituŋa keŋ a Ŋisirael. Ipukae iyoŋ ŋituŋa a Ekapolon, toiu ikes anakan a ŋimoe kec a ŋulu irikaunito ikes alowaetin a daadaŋ. Nai tokona, eruwor nu akitoodikinet neni kon atemar ikiseu iyoŋ Ekapolon aruwor ekepukan a ŋituŋa keŋ.

1 Sam. 12:4

Toboŋokis ŋituŋa temasi, “Mam nyemodiyara iyoŋ ibore aneni kosi, kori nyetiŋa iyoŋ isua a aronis, nyijaara aneni a ituŋanan a idio akaluŋuluŋut.”

1 Sam. 12:5

Tema Samuel neni a ŋituŋa, “Ekapolon iŋes erae esuuda a ŋakiro kus ka ŋolo aseu Ekapolon iŋes erae esuuda nakoloŋit na, atemar mam ŋakiro ŋuna aronok ŋuna iryamut iyes etiyat ayoŋ.” Temasi nai ŋituŋa, “Ekapolon iŋes erae esuuda.”

1 Sam. 2:35

Etopoloori ayoŋ aŋuna kaŋ esacaradoti ece ŋolo ekekinyomit ayoŋ, ŋolo itiyae ŋuna eyakasi lotau kaŋ ka natameta kaŋ. Etojoki ayoŋ jik ŋituŋa a ekal keŋ, ido ebuni iŋes akitiya ejok ŋirwa daadaŋ alokiŋaren erwosit ŋolo aseuni ayoŋ.

1 Sam. 24:11

Kiŋolik iyoŋ papa, ecileta lo ŋolo a ekaaso kon, atiŋit ayoŋ. Abu ayoŋ otub ecileta a ekaaso kon, nai abu nyakaar iyoŋ. Totamatama mono iyoŋ, ido toyenu atemar nyatami ayoŋ akitiya ŋadi ŋuna aronok, kori aremokin iyoŋ. Mam aronis etiya ayoŋ neni kon, nai ikiwarit iyoŋ ayoŋ akiar.

1 Sam. 24:6

Tema iŋes neni a ŋikajiok a ŋulu arukito ka iŋes, “Elipi ekeretak ayoŋ Ekapolon nyetiya ŋuna aronok neni a ekapolon kaŋ, a ŋolo arae Ekapolon abu toseu iŋes aruwor erwosit. Elipi nyaar ayoŋ iŋes, anerae Ekapolon iŋes abu toseu iŋes aruwor erwosit.”

1 Sam. 24:7

Aŋun, abu Daudi kimaima ŋikajiok ŋulu arukito ka iŋes, tolimok ikes nyitijikis Saul. Abu nai Saul tonyou a nen, toloma anaturukan torotok.

1 Sam. 26:11

Elipit ayoŋ Ekapolon ekeretak ayoŋ nyaar iŋes ŋolo erae Ekapolon abu toseu. Nai tokona, tolemu akwara ŋin ŋina edupa kwap diyete nakou keŋ ka etwo ŋolo a ŋakipi, ido apena.”

1 Sam. 26:9

Nai tema Daudi neni ka Abisai, “Nyiar iŋes; anerae ŋae epedori akiar iŋes ŋolo erae Ekapolon abu toseu, ido kimyekinae iŋes ŋin nyitoroniyar?”