1 Sam. 12:21 - Ebaibul

²¹ Nyiminakis ŋiboro ŋulu erae ŋikoŋinae ŋulu emam epoida, kori ŋulu nyikiunete, anerae erae ŋikoŋinae.

1 Sam. 12:21 Iomraidhean Croise

2 Ŋirw. 17:15

Apotu tojamuwasi ŋikisila a Ekapolon ka acamunet ŋina acamunotor iŋes ka atapapaa kec ta ŋakiyayanakineta ŋuna aris kisiirar ikes. Kiwuapa ikes ŋakujo ŋuna koŋinae toruworos ikes ŋikoŋinae. Kiwuapa ikes ŋipitesyo a ŋituŋa a ŋulu ebakito ka ikes, a ŋulu aris Ekapolon Akuj kicik ikes nyiwuap ŋipitesyo kec.

Isa. 41:29

Mam ipei daŋ, erae ikes daadaŋ ŋikalyokonok; erae ŋiticisyo kec ŋikoŋinae; erae ŋitorubei kec ekuwuam koŋin.”

Isa. 45:20

Tocunakinos, ido potu kaapei, tocunakinos, ido potu iyes ŋituŋa kaŋ ŋulu irae ŋipiya anakwapin. Emamukatar ŋituŋa ŋulu iwokito ŋakujo aosou, ŋituŋa ŋulu iwokito ŋakujo ŋuna erae ŋakito, ido erubakinito ikes ilipete neni a akuj a ŋina nyepedori aiun.

Isa. 46:7

Eryoŋeneneete ikes akuj ŋin aloseketa kec, kiwoko, tosodo tosipokis nakibois ŋina eseunito ikes aŋuna keŋ, kimyekinae ewoi a nen; nyepedori akuj ŋin akiyotokin a nen. Ani kilip ituŋanan neni keŋ, emam aboŋokinet eryamuni ituŋanan ŋin, kori nyepedori akuj ŋin alakun idiotuŋanan alocan.

Yer. 10:15

Erae ŋitorubei ŋul ŋicaryo, erae ŋulu itiyaunitae aŋuna ka ajamuwaro; apaki ŋina isicanere ikes, eŋopiyarete ikes.

Yer. 10:8

Imasimasit ka ebaŋaaka ikes daadaŋ; emam akitatam ŋina ejok ŋina eryamunete ikes aneni a ŋakujo a ŋunacaryo.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 2:5

Ŋakiro ŋuna iruworo Ekapolon ikes nu, “Anironis apotu atapapaa kus toryamut aneni kaŋ, ŋina abu inak ikes aekar aneni kaŋ, ido toloto akiwuapit ŋiboro ŋulucaryo, toruworos ikes daŋ ŋicaryo?

Yona 2:8

Ŋulu ilipete neni a ŋakujo a ŋunacaryo, adaut akiŋer Akuj ŋina isyonene ikes.

Yona 2:9

Nai ke etoil a ŋolo ikitalakarit iyoŋ, akainakini ayoŋ iyoŋ amuronot; esiyookini ayoŋ ŋuna adau akikoŋ. Anerae Ekapolon bon eyai apedor aiun ayoŋ.”

Abak. 2:18

Nyo epoida a akuj a ŋina itiyaunitae? Erae iŋes ibore koŋin ŋini erae ituŋanan itiyaunit, emam ŋakiro ŋuna ikilimokini, nai irworosi ŋiketiyaunak kec alyokonu aŋuna kec. Anijokis itiyae iŋes neni a ŋini abu kiceu iŋes, ikotere kikinyomae iŋes? Erae iŋes akuj ŋina itiyaunitae ka erae iŋes koŋin, nyirworo.

Ŋitic. 14:15

“A ŋikilyok, kaanukiro itiyaata iyes nu? Isua daŋ ikirae ŋituŋa ikwa iyes! Ikiyaunit isua Ŋakiro ŋuna Ajokak neni kus, ikotere kibelekinos anakujo a ŋuna koŋinae neni ka Akuj a ŋina eyari. Iŋes erae Akuj ŋina asubi kidiama ka akwap, anam ka ŋiboorei daadaŋ ŋulu eyakasi tooma kec.

1 Ŋikor. 8:4

Aŋun nai, ŋuna etapito akinyam ŋamuja ŋuna einanakinio erae amuronot nakujo ŋace: ikiyeni atemar erae ŋakujo ŋuna kitiyauna ŋuna eyakasi nakwap ŋakoŋinae. Eyai Akuj apei bon.

Ŋikis. 11:16

tocoito, anerae acepaki ikisuparyo iyes akitiyanakin ŋakujo ŋace ka akilip neni kec,

Ŋikis. 30:17

Nai kiŋero iyes akiwuap ŋakiro ka Akuj, towout akiirar, ido tocamut akitooliyoro, kilipa neni a ŋakujo ka kitiyanakis ikes,

Ŋikis. 32:21

Apotu ikes eketililikis ayoŋ ibore ŋini nyerae akuj, eketoŋoa ayoŋ a ŋitorubei kec a ŋulu a ŋakujo. Aŋun, ainakini ayoŋ ikes tolilikis ibore ŋini nyerae ituŋanan, kitoŋoa ŋituŋa ŋulu abaŋaaka ikes.