1 Sam. 12:17 - Ebaibul

¹⁷ Meere apaki ŋina elemere ŋaganoi na, ŋina emamukar akiru a? Anyarae ayoŋ Ekapolon yau agiro ka akiru; ikotere iyes iyenunete ka iŋolikinete atemar eroko nooi ŋuna itiyata iyes alokiŋaren Ekapolon, anerae ipotu iyes kiitana aryamun erwosit ŋolo ikipukae iyes.”

1 Sam. 12:17 Iomraidhean Croise

Ŋikiru. 99:6

Arae Moses ka Aron ŋice a ŋisacaradotin keŋ, arae Samuel daŋ epei a ŋulu elipete neni keŋ aŋuna a ŋituŋa; apotu ikes kilipa neni ke Ekapolon aŋuna a ŋituŋa, ido abu Ekapolon toboŋok ikes.

Awos. 32:30

Akoloŋit ŋina atupakini ŋin, abu Moses tema neni a ŋituŋa, “Iseca iyes nooi. Nai aboŋori ayoŋ tokona kidiama emoru neni ke Ekapolon, acepaki epedori iŋes akisyon asecit kus kadyek ayoŋ iŋes.”

Ŋakit. 26:1

Nyejok ainakin apolou neni a ibaŋaanot, ikwaan nen ka elwac ŋolo ka akamu, kori akiru ŋina eyakaunun ŋapakio ŋuna elemere.

Yer. 15:1

Abu nai Ekapolon okolimok ayoŋ tema, “Tari kewua Moses ka Samuel alokiŋaren kaŋ akilip aŋuna a ŋituŋa, nyeminakini etau kaŋ ŋituŋa lu. Kirita ikes alokiŋaren kaŋ, emaikina ikes toloto.

Yos. 10:12

Akoloŋit ŋina epotokinio Ekapolon Ŋiamori neni a Ŋisirael amunyar, abu Yosua kirwor neni ke Ekapolon epupete Ŋisirael tema, “Akoloŋ, towo kitiirakin kidiama Gibeon. Elap, towo kitiirakin kidiama akadipaalat Aijalon.”

1 Sam. 12:13

Kiŋolikisi, erwosit ŋolo iseut iyes lo, ipotu iyes temasi ikicamit erwosit; kiŋolikisi ikiinak iyes Ekapolon erwosit ŋolo ikipukae.

1 Sam. 12:19

Temasi ŋituŋa daadaŋ neni a Samuel, “Kilip neni ke Ekapolon Akuj kon aŋuna kosi a ŋiketiyak kon, ikotere nyikitwaka, anerae eyatakin isua nasecisya kosi daadaŋ asecit ŋina ikicamitor erwosit ŋolo ikipukae isua.”

1 Sam. 2:10

Ielari Ekapolon ŋituŋa ŋulu itepegete iŋes, eari Ekapolon ŋul a agirokinet a ŋina ebunit anakuj; etubokini Ekapolon ŋituŋa a akwap a daadaŋ; einakini Ekapolon apedori neni a erwosit keŋ; einakini Ekapolon agogoŋu neni a erwosit a ŋolo adau iŋes aseun.”

1 Sam. 7:5

Tema nai Samuel, “Tocunakisi Ŋisirael daadaŋ Misipa, ido elipi ayoŋ neni ke Ekapolon aŋuna kus.”

1 Sam. 8:6

Nai apotu ŋun nyitalakasi Samuel elimunete ikes ebe, “Inakinae isua erwosit ŋolo ikipukae isua.” Aŋun, abu Samuel kilip neni ke Ekapolon.

1 Sam. 8:7

Tema nai Ekapolon neni a Samuel, “Tocamu ŋakiro daadaŋ ŋuna irworosi ŋituŋa neni kon; anerae nyikiŋerito iyoŋ ŋituŋa aruwor Ekapolokiniton kec, nai ayoŋ akaŋero ŋituŋa araakau erwosit ŋolo epukat ikes.