1 Sam. 12:14 - Ebaibul

¹⁴ Ani kitopoloosi iyes Ekapolon, kitiyanakis iŋes, topupo ŋuna ebala iŋes, ido nyiŋero ŋakiciketa keŋ ka ani kiwuapa iyes ke erwosit ŋolo ikipukat iyes Ekapolon Akuj kus, ejokyata ŋakiro aneni kus.

1 Sam. 12:14 Iomraidhean Croise

2 Ŋakiro a ŋirwa 15:2

Tolot Asaria neni ka Asa tema, “Kiirasi ŋakiro kaŋ, iyoŋ Asa ka ŋituŋa a Yudaya daadaŋ ta ŋulu a Benjamin. Irukito iyes ke Ekapolon erae ca kirukito iyes ka iŋes. Ani kiwara iyes iŋes, ikimyekini iŋes iyes toryamut iŋes, nai ani kimyekis iyes iŋes, ikimyekini iŋes daŋ iyes.

Ŋikiru. 105:28

Abu Akuj kiyaku akirwonut, kirwoniar akwap a Ijipit cuc, nai apotu Ŋijipitian toŋero ŋakiro ka Akuj.

Isa. 3:10

Tolimokisi ŋulu iyookino atemar ejokak ŋakiro aŋuna kus, anerae imujete ikes akimuj ŋina a ŋakinyinyir kec.

Aum. 1:18

Ebasi ŋituŋa a Yerusalem, “Erae Ekapolon ŋolo iyookino, nai isua aŋeri ŋakiro keŋ. Topupokisi mono iyes ŋituŋa daadaŋ; kiŋolikisi ŋican ŋulu ikiryamunit isua. Arikor nakwapin ŋisorok ka ŋasorok kosi.

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

Ŋikis. 13:5

Nai emaikina toarae ŋikadwarak ka ŋikerujak ŋul ŋulu edwarete ŋakiro ŋuna eponito ŋul aŋuna erworotor ŋakiro ŋuna ka akiteŋer iyes Ekapolon Akuj kus ŋina ikiyauni iyes anakwap a Ijipit a ŋina ikilakunia iyes anapitoonut. Aŋun ilemarete iyes aronis alokidiŋ kus.

Yos. 24:14

“Tokona nai, itemokino iyes tokerito Ekapolon ka kitiyanakis iŋes anakikinyoma kus a daadaŋ. Toŋero akitiyanakin ŋakujo ŋuna ewuapito atapapaa kus alokekwaye aŋolol Eupurate ka anakwap a Ijipit, nai kitiyanakisi Ekapolon.

Yos. 24:20

Ani ca kiŋero iyes Ekapolon, kitiyanakis ŋakujo ŋunagelae, ikimani iŋes iyes, ido ikisican, itomunya iyes, torae bo sek ajok Ekapolon aneni kus.”