1 Sam. 12:11 - Ebaibul

¹¹ Abu nai Ekapolon kiyakiu Yerubaal, Barak, Yepesa ka Samuson, ido apotu ikes itoiut iyes anapedor a ŋimoe kus alowaetin a akwap kus a daadaŋ, ido kiboiyoto emam ŋace.

1 Sam. 12:11 Iomraidhean Croise

2 Ŋirw. 13:5

Aŋun, inak Ekapolon Ŋisirael ekaiunan ikotere ikes eiunosi aneni a ŋituŋa ka Aram; toboŋosi akiboi emam ŋace lorerya kec, nenipei sek eboiyoto ka aŋorot.

1 Ŋakiro a ŋirwa 7:17

Ayakar Ulam esapat ŋolo anyaritae Bedan. Arae ŋul daadaŋ ŋipapae a Gilead alokoku a Makir, arae Gilead lopapait a Manase.

Ŋikat. 4:6

Akoloŋit apei, abu Debora kiyakiya ŋituŋa anyarare Barak lokoku ka Abinoam alo Kades alotaun a ŋolo ayai nakwap a Naputali, tolimok iŋes tema, “ikilimok iyoŋ Ekapolon Akuj a Ŋisirael ebe, ‘Ya ŋikilyok ŋalipyo ŋatomon ŋulu alokabila a Naputali ka Sebulon lomoru Tabor.

Ŋikat. 6:14

Tolimok nai Ekapolon Gideon tema, “Tolot a agogoŋu kon a ŋina etiron tolaku Ŋisirael anapedor a Ŋimidian, ayoŋ ekeyakiya iyoŋ akitiya ŋun.”

Ŋikat. 6:31

Nai tolimok Yoas ŋituŋa ŋulu acunakina ŋulu aŋoikinito iŋes tema, “Iriito mono iyes neni a Baal a? Icamito iyes aikin iŋes a? Ituŋanan daadaŋ ŋini eriit neni a Baal, emaikina toarae iŋes eriŋa nyiwalara akwap. Ani kerae iŋes akuj kimyekisi iŋes toiun bon aŋuna amunaarere namuroet keŋ.”

Ŋikat. 6:32

Aŋun, akoloŋit ŋin aponi tonyarae Gideon a ekiro alo Yerubaal, apolou keŋ ebe, “Kimyek Baal tojioto ka iŋes,” anerae abu iŋes tomunaa namuroet a Baal.

Ŋikat. 7:1

Akoloŋit ŋina atupakini ŋin taparacu sek, apotu Yerubaal (iŋes Gideon) ka ŋikilyok daadaŋ ŋulu arukitotor iŋes toloto kiboiyosi diyete elelya Arod, toyai neni eboiyoto Ŋimidian Kuju kec nakadipaalat ŋina ayai diyete ekamukumukut More.

Ŋikat. 8:29

Abu Yerubaal lokoku a Yoas tolot akiboi alokai keŋ a elope.

Ŋikat. 8:35

ka ŋitoodiut alakara kec neni a ekal a Yerubaal (iŋes Gideon) aŋuna ka ajokis a daadaŋ a ŋina abu iŋes kitiya neni a Ŋisirael.

1 Sam. 3:20

Toyenut nai ŋituŋa a Isirael daadaŋ, ŋinapei alo Dan tari Beeriseba atemar erae Samuel ekadwaran a Ekapolon ŋolo ikinyoma.

1 Sam. 7:13

Aŋun, apotu ikes toreut Ŋipilistin, ido apotu Ŋipilistin nyeboŋut nabo jik nakwap a Ŋisirael; atiŋit Ekapolon Ŋipilistin erono nooi ŋirwa daadaŋ ŋulu apolokinitor Samuel Ŋisirael.