1 Sam. 11:6 - Ebaibul

⁶ Min etau ŋolo ka Akuj neni a Saul inak, apedor apaki ŋina eirarya ŋakiro ŋun, tonepu aŋoit aneni keŋ nooi.

1 Sam. 11:6 Iomraidhean Croise

Awos. 32:19

Adolun Moses diyete alomari bon, kiŋolik etorube a itaok ewoi ka kiŋolik ŋituŋa idoŋaete, toŋo Moses nooi, tonomosi ŋun iŋes etau, kimasa ŋamoru ŋunadapal ŋun, tobwaŋak nakeju a emoru.

Ekim. 12:3

Arae Moses ituŋanan ŋini etiditeuna bon nooi akilo ŋituŋa daadaŋ anakwap.

Mar. 3:5

Kitek Yesu ikes daadaŋ eŋoit, kitiilito daŋ aŋuna ka aniniku a ŋakecetameta. Tolimok nai ekaŋwalan tema, “Toriyo akonikan.” Toriyo iŋes, toŋaleu akeekan.

Ŋiep. 4:26

Ani kiŋoa iyes, nyicamut aŋoit kus ikiteseci iyes ka kisila eriŋa akoloŋ nyedoiyoro;

Ŋikat. 11:29

Abu nai etau ŋolo ke Ekapolon min neni a Yepesa, tolot iŋes kitor kidiŋ akwap a Gilead ka Manase. Tolot kiŋaren tari Misipa lotaun ŋolo alo Gilead, tolot nabo kiŋaren todol nakwap a Ŋiamoni.

Ŋikat. 13:25

Togeu etau ŋolo ke Ekapolon akitogogoŋ iŋes apaki ŋina ayakar iŋes Manedan kidiŋ Sora ka Esitaol.

Ŋikat. 14:6

Atipei toloma etau ŋolo ke Ekapolon neni a Samuson, tonyilinyiliya Samuson iŋatuny ŋin a ŋakan bon, lopite ŋolo enyilinyiliya ituŋanan ikale koŋin. Nai nyelimokina iŋes papa keŋ, kori toto keŋ ŋuna abu iŋes kitiya.

Ŋikat. 15:14

Ani edoluni Samuson Lei, potu Ŋipilistin akisiryam iŋes ecelasi, atipei toloma etau ŋolo ke Ekapolon neni a Samuson, tosubut ŋaunoi ŋuna aenitere ŋakan keŋ ausi ŋina anom akim, totubutuboor ŋaunoi anakan keŋ.

Ŋikat. 3:10

Abu etau ŋolo ke Ekapolon min neni ka Osiniel, toruwor iŋes ekatubon ŋakiro alo Isirael, abu tolot lojie, ido abu Ekapolon kipotok erwosit Kusan-Risasaim ŋolo ka Aram napedor ka Osiniel, abu iŋes kilou Kusan-Risasaim.

Ŋikat. 6:34

Nai abu Etau ŋolo ke Ekapolon min neni a Gideon, ido tokutak Gideon amomwara a emesek, tonyaraunae ŋituŋa ŋulu ka Abieser akiwuapakin iŋes.

1 Sam. 10:10

Ani erotokinete Saul ke eketiyan keŋ a nen elosete lomukura Gibea, kiryamunos iŋes ka atukot a ŋikadwarak, toloma etau ka Akuj neni a Saul, kisyak akidwar kaapei ka ŋikadwarak ŋul.

1 Sam. 10:6

Elomari nai etau ke Ekapolon neni kon, ido kisyak iyoŋ akidwar kaapei ka ikes, igelaniar iyoŋ alopite a ŋolo sek iyakar.

1 Sam. 16:13

Tolemu nai Samuel amomwara ŋina ayai akimyet, kiosak akimyet lodya alokiŋaren ŋikaitotoi keŋ. Ameun akoloŋit ŋin, abu etau ŋolo ke Ekapolon min neni a Daudi nooi. Torotok nai Samuel a nen toboŋo Rama.

1 Sam. 16:14

Apaki ŋin, keris etau ke Ekapolon kelot aneni a Saul, ido abu Ekapolon kiwuak ekipye neni a Saul, kisican iŋes.