1 Sam. 11:15 - Ebaibul

¹⁵ Aŋun, apotu ŋituŋa daadaŋ toloto Giligal, kituruwosi Saul erwosit a nen alokiŋaren Ekapolon. Toara ŋamuronisya ŋuna ke ekisil a nen alokiŋaren Ekapolon. Tolelyana nooi Saul ka Ŋisirael daadaŋ a nen.

1 Sam. 11:15 Iomraidhean Croise

2 Sam. 19:15

Aŋun, abu erwosit toboŋu aneni ayai tari Yorodan; ido apotu ŋituŋa a Yudaya toloto Giligal akisiryam erwosit, kitodokut ekekwalo Yorodan.

Awos. 24:5

Ani kedau ŋun, abu kiyakiya ŋisorok a Ŋisirael, toloto ŋul inakis Ekapolon ŋainakineta ŋuna epeyo ka ŋamuronisya ŋuna a ŋimoŋin a ŋulu apolounok ikwapei ŋainakineta ŋuna ka akimorikina ke Ekapolon.

Yak. 4:16

Nai tokona iturosi ka isupasi iyes; akisupa ŋin daadaŋ erae aronis.

1 Sam. 10:17

Tonyarau Samuel Ŋisirael neni ke Ekapolon, nakibois ŋina anyaritae Misipa.

1 Sam. 10:24

Kiŋit Samuel ŋituŋa daadaŋ tema, “Iŋolikis iyes ekile ŋolo aseu Ekapolon a? Mam ituŋanan ikwaanatar iŋes alotuŋa a daadaŋ.” Tocelut ŋituŋa daadaŋ temasi, “Ikigasi torubak erwosit eyari!”

1 Sam. 10:8

Ekaku a ŋun, itemokino iyoŋ totiyaar Giligal eriŋa ayoŋ nyeloto inaa; ido abuni ayoŋ neni kon ainakin Akuj ŋainakineta ŋuna epeyo ka ŋamuronisya ŋuna a ekisil. Kidarae ayoŋ a nen ŋirwa ŋikanikaarei, akitodol ŋina abunio ayoŋ neni kon, eketoodik iyoŋ ŋuna itemokino kitiya.”

1 Sam. 12:1

Tema Samuel neni a Ŋisirael a daadaŋ, “Adau ayoŋ acamun ŋakiro kus daadaŋ ŋuna ikilimokis iyes ayoŋ, ido akainak ayoŋ iyes erwosit ŋolo ikipukae.

1 Sam. 12:17

Meere apaki ŋina elemere ŋaganoi na, ŋina emamukar akiru a? Anyarae ayoŋ Ekapolon yau agiro ka akiru; ikotere iyes iyenunete ka iŋolikinete atemar eroko nooi ŋuna itiyata iyes alokiŋaren Ekapolon, anerae ipotu iyes kiitana aryamun erwosit ŋolo ikipukae iyes.”

1 Sam. 8:19

Nai apotu Ŋisirael towout akiirar ŋakiro a Samuel temasi, “Mam! Ikiitanit isua jik aryamun erwosit ŋolo ikipukae isua,