1 Sam. 11:11 - Ebaibul

¹¹ Akoloŋit ŋina atupakini ŋin, abu Saul totyakatyaka ŋituŋa toruwor ŋajorei ŋauni. Ani taparacu eriŋa nyedolo esaa epei ŋolo ka apaaran, kicodokis ikes neni eboiyoto Ŋiamoni, toara Ŋiamoni akitodol ŋina amwanunia akoloŋ; kielaros Ŋiamoni ŋulu ariŋa eyarete a ŋipeipei, mam ŋulu apotu toema kaapei erae ŋiarei.

1 Sam. 11:11 Iomraidhean Croise

Akisy. 22:14

Aŋun, abu Aburaam tolimok ekiro a akibois a ŋin, “Elemuni Ekapolon”; tari tokona ebasi ŋituŋa, “Alomukura a ŋolo ke Ekapolon, ikilemikinio.”

2 Sam. 18:2

Totyak Daudi ajore keŋ toruwor ŋajorei ŋauni. Abu Yoab topolok ajore apei, topolok Abisai lokoku a Seruia lokaato a Yoab apei ka apei topolok Itai ŋolo arae Egititait. Tema, erwosit neni a ŋajorei, “Ikirukori ayoŋ kaapei ka iyes.”

Ŋikiru. 46:1

Akuj iŋes erae akaiunan ka agogoŋu yok, akeŋarakinan anapakio a daadaŋ a ŋuna a ŋican.

Awos. 14:24

Ani eapuuni akiwalar, toripiu Ekapolon kwap anadis ka anarira, kiŋolik ŋasigarya a Ŋijipitian, kisibiler ikes.

Mat. 7:2

anerae ikitubonokinio iyes ikwaŋinapei itubonokiniata iyes ŋuluce ka etyae ŋolo iinakinete iyes, iŋes ikiinakinio iyes.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.

Ŋikat. 1:7

Kirworik ekapolon a Besek tema, “Ayakar koloŋ ayoŋ ŋirwosi ŋatomonikanikaarei ŋulu atubonorosi ŋimoyo a ŋakan kec ŋulu apolok ka ŋimoyo a ŋakejen kec ŋulu apolok, ido edepete ŋirwosi ŋul ŋarare alokwap emesa kaŋ. Etiya Akuj neni kaŋ ŋuna abu ayoŋ etiya neni a ŋuluce.” Aponi nai yaarae ekapolon a Besek Yerusalem, ido totwan a nen.

Ŋikat. 4:16

Abu Barak kiwuap ŋasigarya a Sisera ŋuna adokito ŋagaari ka ŋuna alosete a ŋakejen tari Aroses-Agoim. Aponi toarae ŋasigarya a Sisera daadaŋ a ekileŋ, mam tari ipei daŋ ŋini abu topuu.

Ŋikat. 7:16

Totyak nai Gideon ŋirukitos keŋ ŋulu arae ŋamiae ŋauni toruworos ŋajorei ŋauni, tokorak ikes daadaŋ ŋamomwar a ŋimesekin ka ŋitwol ŋulu amam ibore ayai ka ŋagilae ŋuna ewuakinitae lotwol.

Ŋikat. 7:20

Aŋun, tokutakis ŋajorei ŋunauni daadaŋ ŋamomwar a ŋimesekin ka tobwaŋabwaŋasi ŋitwol; atiŋito ikes daadaŋ ŋagilae a ŋakan a ŋuna alokedyeny ka atiŋito ŋamomwar a ŋimesekin a ŋakan a ŋuna aloteten, ikotere ekusete tosodi tocelut temasi, “Toara a ekileŋ aŋuna ke Ekapolon ka aŋuna a Gideon!”

Ŋikat. 9:43

tonyarau iŋes ŋasigarya keŋ totyak toruworos ŋajorei ŋauni, tosodi tourumikis ŋituŋa a Sekem alomanikorin. Ani iŋolikini Abimelek ŋituŋa elomunito alotaun, abu tolot neni kec toar.

1 Sam. 11:2

Nai toboŋok Naas erwosit a Ŋiamoni ikes tema, “Ikicamun iwon erae kicamut iyes nu, ogorono ayoŋ akoŋu a ŋinituŋanan kus ŋina aloteten, olema ajokis aneni a Ŋisirael a daadaŋ.”

1 Sam. 14:47

Ani kedau Saul aruwor erwosit alo Isirael, abu kitiji ŋimoe a Ŋisirael alowaetin a Isirael a daadaŋ, kitiji ŋituŋa lu: Ŋimoabi, Ŋiamoni, Ŋiedomi, Ŋirwosi ŋulu a Soba ka Ŋipilistin. Ewae daadaŋ ŋolo abu iŋes tolot akitijiore ŋimoe keŋ, abu Saul toreu ŋimoe keŋ.