1 Sam. 10:6 - Ebaibul

⁶ Elomari nai etau ke Ekapolon neni kon, ido kisyak iyoŋ akidwar kaapei ka ikes, igelaniar iyoŋ alopite a ŋolo sek iyakar.

1 Sam. 10:6 Iomraidhean Croise

Ekim. 11:17

Abuni ayoŋ, ido erworo ka iyoŋ a nen, tosodi alemari ayoŋ etau kaŋ edyo ŋolo sek ainakinit ayoŋ iyoŋ, oinak neni a ŋikasikou a ŋul, ido idaŋidaŋete ikes ŋakiro a ŋituŋa a lu kaapei ka iyoŋ, ikotere nyidaŋidaŋ iyoŋ bon ŋakiro kec.

Ekim. 11:25

Abu nai Ekapolon totiyaun eyai lodou kirwor neni a Moses, tolema etau keŋ edyo aneni a Moses inak neni a ŋikasikou a ŋulutomonikanikaarei, ani emini etau a Ekapolon neni kec, apotu ikes todwara. Nai nyedwara ikes nabo.

Ekim. 11:26

Apaki ŋin kidoŋito ŋikasikou ŋiarei nalomar, anyaritae epei Elidad ka ŋoloce Medad, abu etau min neni kec daŋ, anerae emarakinitae ikes daŋ lokasikou ŋulutomonikanikaarei, nai pa alosito ikes loeema, ŋolokilipet, aŋun apotu ikes todwara analomar.

Ekim. 11:29

Nai tolimok Moses iŋes tema, “Ililit iyoŋ aŋuna kaŋ a? Okoe kerae ca torae ŋituŋa a Ekapolon daadaŋ ŋikadwarak, ido inakinite Ekapolon ikes etau keŋ!”

Mat. 7:22

Akoloŋit ŋin, etemarete ŋikalalak neni kaŋ, ‘Ekapolon, Ekapolon! Pa aponi isua todwarae alokiro kon ka eritanasi ŋipyan alokiro kon; nabo etiyata ŋakujuwuanisya alokiro kon a?’

Ŋikat. 14:6

Atipei toloma etau ŋolo ke Ekapolon neni a Samuson, tonyilinyiliya Samuson iŋatuny ŋin a ŋakan bon, lopite ŋolo enyilinyiliya ituŋanan ikale koŋin. Nai nyelimokina iŋes papa keŋ, kori toto keŋ ŋuna abu iŋes kitiya.

Ŋikat. 15:14

Ani edoluni Samuson Lei, potu Ŋipilistin akisiryam iŋes ecelasi, atipei toloma etau ŋolo ke Ekapolon neni a Samuson, tosubut ŋaunoi ŋuna aenitere ŋakan keŋ ausi ŋina anom akim, totubutuboor ŋaunoi anakan keŋ.

Ŋikat. 3:10

Abu etau ŋolo ke Ekapolon min neni ka Osiniel, toruwor iŋes ekatubon ŋakiro alo Isirael, abu tolot lojie, ido abu Ekapolon kipotok erwosit Kusan-Risasaim ŋolo ka Aram napedor ka Osiniel, abu iŋes kilou Kusan-Risasaim.

1 Sam. 10:10

Ani erotokinete Saul ke eketiyan keŋ a nen elosete lomukura Gibea, kiryamunos iŋes ka atukot a ŋikadwarak, toloma etau ka Akuj neni a Saul, kisyak akidwar kaapei ka ŋikadwarak ŋul.

1 Sam. 10:9

Ani erotokini Saul aneni a Samuel, kitegelaan Akuj iŋes; kiyookin akoloŋit ŋin ŋakiro daadaŋ ŋuna a erwosit Samuel.

1 Sam. 11:6

Min etau ŋolo ka Akuj neni a Saul inak, apedor apaki ŋina eirarya ŋakiro ŋun, tonepu aŋoit aneni keŋ nooi.

1 Sam. 16:13

Tolemu nai Samuel amomwara ŋina ayai akimyet, kiosak akimyet lodya alokiŋaren ŋikaitotoi keŋ. Ameun akoloŋit ŋin, abu etau ŋolo ke Ekapolon min neni a Daudi nooi. Torotok nai Samuel a nen toboŋo Rama.

1 Sam. 19:20

Kiyakiya nai Saul ŋituŋa alosit ayaun Daudi. Ani iŋolikinete ŋituŋa ŋul atukot a ŋikadwarak edwari, ewoi Samuel ikwapei ekarikon kec, toloma etau ka Akuj neni a ŋituŋa a ŋulu eyakit Saul, kisyakis ikes daŋ akirworo edwarete.