1 Sam. 10:27 - Ebaibul

²⁷ Nai apotu ŋasyanisya ŋace temasi, “Epedori mono etuŋanan lo aiun iwon a?” Tojamuwasi ikes Saul, ido nyeaut ŋainakineta ŋadi neni a Saul. Nai abu Saul nyemitak ŋakiro kec. Apaki ŋin, atiŋit neni aronon nooi Naas erwosit ŋolo a Ŋiamoni erwosit ŋolo a Ŋigadi ka ŋolo a Ŋirubeni. Amina Naas agoronor ŋakonyen ŋuna aloteten ŋuna a ŋimoe keŋ a ŋul, ido pa acamit ainakin Ŋisirael ekaiunan. Mam Ŋisirael ŋulu eboiyete alokekwaye Yorodan ŋulu abu Naas erwosit a Ŋiamoni toesik nyegororo ŋakonyen ŋuna aloteten. Nai ayakasi Ŋisirael ŋalipyo ŋakanikaarei ŋulu kepotu tosiwa aneni a Ŋiamoni toloto Yabes-Gilead.

1 Sam. 10:27 Iomraidhean Croise

2 Sam. 20:1

Ayai nen Ebenjaminait ece ŋolo aronon ŋolo anyaritae Seba. Arae iŋes lokoku a Biciri. Abu iŋes tokutak abureryaŋ a emesek, ido tocelu tema, “Mam ibore yok eyai neni a Daudi, Mam ibore ikiryamuni iwon aneni alokoku a Yese! Ŋisirael potu daadaŋ oboŋosi, ŋinituŋanan toboŋo lore keŋ!”

2 Sam. 8:2

Abu Daudi kilou tari Ŋimoabi, kiperik ikes kwap, kimaru ŋilaino ŋiarei ŋulu a ŋulu emaikina toarae ka elain epei ŋolo a ŋulu emaikina kimyekinae toyara. Aŋun, apotu Ŋimoabi toruwor ŋiketiyak a Daudi, kisyakis akitac ocur neni a Daudi.

1 Ŋirw. 10:25

Ayaununui ŋinituŋanan abuni aanyun Solomon ŋiboro ŋulu arae ŋainakineta ŋulu etiyaunitae a esilipa ka egolid. Ayaununeete ikes ŋilowi, ŋiboro ŋulujiet, ŋikito ŋulu ekukuny, ŋaŋolei ka ŋaŋolei-sigirya. Ayaununuyo ŋul elalak a ŋolokaru.

1 Ŋirw. 4:21

Arae Solomon apolokinit ŋakwapin ŋun daadaŋ anyoun anaŋolol a ŋina enyaritae Eupurate akitodol nakwap ŋina a Ŋipilistin, kiropo lokukor ŋolo a Ijipit. Atacete ŋakwapin ŋun ocur neni Solomon ka etiyanakinete ŋakwapin ŋun Solomon ŋirwa ŋulu a akiyar keŋ daadaŋ.

1 Ŋirw. 5:1

Ani iirari Iram, erwosit ŋolo a Tiro atemar eturuwor Solomon erwosit, elunyokin lorot a papa keŋ Daudi, kiyakiya iŋes ŋiketiyak keŋ neni a Solomon, anerae kerae sek iŋes ekone a Daudi.

2 Ŋakiro a ŋirwa 13:7

Abu Yeroboam tocunak ŋasyaanisya ŋace ŋuna koŋinae, toloto toŋero Reoboam lokoku a Solomon apaki ŋina ariŋaakar edit emam ŋuna ayeni akitepegia ikes.

2 Ŋakiro a ŋirwa 17:5

Aŋun, abu Ekapolon kitogogoŋ apukan a akwap a Yudaya apaki ŋin ŋina epukator Yeosapat. Apotu ŋituŋa a Yudaya daadaŋ yaut ŋainakineta neni a Yeosapat, toryamu iŋes ebari ŋolo alalan nooi ka kitopolooroe iŋes nooi.

Ŋikiru. 38:13

Nai ikikwaan tokona ayoŋ ka ekiŋim, emam ŋuna apupi ayoŋ; ikikwaan tokona ayoŋ ka ŋini nyepupo irworo, nyepedorit alimun ŋakiro,

Ŋikiru. 72:10

Emaikina inakis ŋirwosi ŋulu a Tarisis ka ŋulu a ŋiculeta iŋes ocur, emaikina yaut neni keŋ ŋirwosi a Ceba ka Seba ŋainakineta.

Ekal. 7:21

Nyejok ikibobokinit iyes akiirar ŋakiro daadaŋ ŋuna irworosi ŋituŋa, acepaki ipedorete iyes tari akiirar ŋiketiyak kus ikicenete iyes,

Isa. 36:21

Nai apotu Eliakim, Sebina ka Yoa kililiŋa, nyeboŋokis iŋes akirot adio, anerae ecikit erwosit ikes ebe, “Nyiboŋokis ŋakiro keŋ.”

Mat. 2:11

Tolomasi ikes kai, kiŋolikis ikoku ka toto keŋ Maria, toryediko ikes alokiŋaren keŋ, tomaa, toŋaasi nai ŋicweei kec, tolemikis iŋes ŋainakineta nu: egolid, eminae ŋolo ke ekinyate ka eceminae ŋolo akukunyon nooi.

Ŋitic. 7:35

“Arae lo Moses ŋolopei apotu Ŋisirael toŋero apaki ŋina aponiata tolimokis iŋes temasi, ‘Ŋae ikituruwori iyoŋ ekepukan ka ekatubon ŋakiro kosi?’ Iŋes pei abu Akuj alope kiyakiya neni kec aruwor ekepukan ka ekalakunan kec, alorwor a emalaika a ŋolo atakanikinit iŋes anamoni.

Ŋikis. 13:13

ŋituŋa kus ŋulu itiyaete aronis, ŋulu arikokis ŋituŋa ŋulu iboiyete alotaun a ŋol akitiya ŋuna aronok ka elimonokinete ŋituŋa ebe, “Oloto elipa neni a ŋakujo a ŋace,” (ŋuna nyeyenuna iyes.)

1 Sam. 11:12

Temasi ŋituŋa neni a Samuel, “Ataŋae mono ŋoon eŋitasi ebe, ‘Epedori mono Saul akipuka iwon a?’ Yautu ŋituŋa ŋul neni kosi ikotere toarae isua ikes.”

1 Sam. 11:13

Nai tema Saul, “Mam ituŋanan emaikina toarae nakoloŋit na, anerae aiu Ekapolon Ŋisirael nakoloŋit na.”

1 Sam. 16:20

Tolemu Yese esigirya toenik, kiwuak ŋamugati, ecwee ŋolo ke epiini ka ikale ŋini ka ameot, kiyakiya lokoku keŋ Daudi ya neni a Saul.

1 Sam. 2:12

Arae ŋidwe ke Eli ŋulusapa ŋidwe ŋulu aronok nooi, pa amisito ikes ŋakiro ŋuna ke Ekapolon;

1 Sam. 25:17

Totamatama mono iyoŋ tokona, ido toanyu ŋuna kitiyakina, anerae atubut ŋituŋa akitiya aronis neni a ekapolon yok ka neni a ŋituŋa a ekal keŋ daadaŋ. Erae ekapolon yok ituŋanan ŋini aronon, ŋini emam nyepupi ŋakiro a ŋituŋa a ŋuluce.”