1 Sam. 10:25 - Ebaibul

²⁵ Tolimok nai Samuel ŋituŋa ŋakiro ka arwosiyo ŋuna itemokino kiwuapae ka kitiyae. Kigirak Samuel ŋakiro ŋun lokitaabo, ido ya ekitaabo kiwuak neni etaletoi. Tolimok nai ŋituŋa daadaŋ toboŋosi lorerya kec.

1 Sam. 10:25 Iomraidhean Croise

2 Ŋirw. 11:17

Abu Yeoida ŋolo arae esacaradoti kiwuak acamunet kidiŋ Ekapolon ke erwosit ta ŋituŋa, ikotere toruworos ikes ŋituŋa ke Ekapolon. Kiwuak daŋ acamunet kidiŋ erwosit ka ŋituŋa.

Ŋikis. 31:26

“Yaasi ekitaabo lo ŋolo a ŋikisila, kiwuakis diyete Asaduku ŋina ka Acamunet a Ekapolon Akuj kus, emaikina iŋes eyai nen ikwapei esuuda a ŋakiro aŋuna a eŋerenu kus;

1 Tim. 2:2

aŋuna a ŋirwosi ka aŋuna a daadaŋ a ŋulu einakinitae apolou, ikotere nai ikiboi iwon anakiyar a ŋina inapakina ka ŋina isilit; ŋina ecamit Akuj ka alopitesyo a ŋulu ajokak.

Tito 3:1

Tolimok ŋituŋa kon atemar itemokino ikes ekerito ŋikepukak ka ŋikapolok, toruworos ŋulu epupete ŋakiro, ŋulu imuit akitiya ŋuna ajokak alopitesyo a daadaŋ.

Yos. 22:6

Abu nai Yosua kiterereŋ ikes, ido kitoboŋo lorerya kec.

1 Sam. 11:14

Tema Samuel neni a ŋituŋa, “Potu apena oloto Giligal, etogogoŋo arwosiyo a nen.”

1 Sam. 8:9

Itemokino iyoŋ kiira ŋuna irworosi ikes. Nai tolimok ikes tocoito ka kitoodik ikes ŋuna emaikina kitiya erwosit ŋolo ebuni akipuka ikes.”