1 Sam. 1:28 - Ebaibul

²⁸ Aŋun, ainakini tokona ayoŋ iŋes neni ke Ekapolon, ŋirwa daadaŋ ŋulu eyarya iŋes, erae iŋes ŋini einakinitae neni ke Ekapolon.” Aŋun, abu Ana toesik Samuel a nen aŋuna ke Ekapolon.

1 Sam. 1:28 Iomraidhean Croise

Akisy. 24:26

Kijuuru ekile ŋol, kilip neni ke Ekapolon,

Akisy. 24:48

A nen, abu ayoŋ ejuuru elip neni ke Ekapolon, olakar neni ke Ekapolon a ŋolo erae Akuj a ekapolon kaŋ Aburaam, Akuj ŋina abu eketenu ayoŋ eyoun neni ka apese a ŋina erae nakoku a eyenet a ekapolon kaŋ, ikotere ayai iŋes toruwor aberu a lokoku a ekapolon kaŋ.

Akisy. 24:52

Ani iirari eketiyan ka Aburaam ŋuna alimunete ikes, kijuuru todol ereet kwap, tolakari neni ke Ekapolon.

Ŋakit. 31:2

Okoe ikaakoku ŋini irae aboŋokinet ŋina ka akilip kaŋ; okoe ikaakoku ŋini irae aboŋokinet ŋina ka akilip kaŋ!

Ekim. 6:8

Emaikina ikes torubakis esegak ŋirwa daadaŋ ŋulu eraakatar ikes Ŋinasari.

2 Tim. 3:15

Itamunit iyoŋ atemar ameun ŋinapei eriŋa iyoŋ irae ikoku, iyeni iyoŋ ŋakiro ŋuna igiritae Nakigireta, ŋuna epedorete ainakin iyoŋ aosou ŋina ikirikori naiuno alotooma anupit Yesu Kristo.

Ŋikat. 7:15

Kedau Gideon akiirar ŋakiro ŋuna erujat Emidianait ŋolo a Midian ŋol ka akisileerekinet a akirujaet a ŋin, abu iŋes toryedik kilip, toboŋo neni eboiyoto Ŋisirael, ido tolimok ikes tema, “Tonyoutu, anerae adau Ekapolon akipotokin ajore a Ŋimidian napedor kus.”

1 Sam. 1:11

Tolimu akikoŋet na ebe, “Okoe Ekapolon ŋolo Etiron, kerae ca kiŋolikini akitiditeuna kaŋ a aketiyan kon, ido itotamu iyoŋ ayoŋ, nyikimuryak ayoŋ aketiyan kon, nai ikiinak ayoŋ ŋina arae aketiyan kon ikoku ŋinisapat, ayauni ayoŋ iŋes kiŋaren kon erae ŋini italeunitoe, ŋini nyebanyio akitodol natwanare keŋ. Nyemasi iŋes epiini, kori ibore daadaŋ ŋini ikitemerakini, mam ituŋanan emaikina totapak ebanyet nakou keŋ.”

1 Sam. 1:22

Nai abu Ana nyelot, anerae abu iŋes tolimok lokile keŋ ebe, “Ani ejoŋoe ikoku akinak, ayai ayoŋ iŋes oinak neni ke Ekapolon, emyek kiboi alo Kai ke Ekapolon ŋirwa daadaŋ ŋulu ka akiyar keŋ. Ayai ayoŋ iŋes nen erae ŋini iwuanitae ŋirwa daadaŋ ŋulu ka akiyar keŋ.”

1 Sam. 2:11

Toboŋo nai Elkana lore keŋ Rama, kidoŋ Samuel Silo akitiyanakin Ekapolon, topolokinite esacaradoti Eli iŋes.

1 Sam. 2:20

Apaki ŋin nai aminar Eli akiterereŋ Elkana ka aberu keŋ, ido tema, “Elipi ikiinak Ekapolon iyoŋ ŋidwe anaberu a na kilunyokin neni a ŋini ibu iyoŋ ikilip ainakino aneni ke Ekapolon.” Ekaku nai a ŋun, toboŋosi ikes lore kec.

1 Sam. 28:2

Toboŋok Daudi tema, “Ejok nooi, iŋolikini iyoŋ a nen ŋuna etiyakini ayoŋ ŋolo arae eketiyan kon.” Tema Akis neni keŋ, “Ejok nooi, eketuruwori ayoŋ iyoŋ esigarit ŋolo ekeyokit ayoŋ ŋirwa daadaŋ.”