1 Sam. 1:26 - Ebaibul

²⁶ Tema Ana, “Okoe ekapolon kaŋ! Ikwapei iyarya iyoŋ ekapolon kaŋ, ayoŋ aberu ŋina paaran awoi a ne alokiŋaren ŋina elipa neni a Ekapolon.

1 Sam. 1:26 Iomraidhean Croise

Akisy. 42:15

Epite lo iŋes ikikatakinere iyes: Ekoŋi ayoŋ alokiro a Parao atemar, nyirotokinete iyes anakwap a na, mati kebu ne lokaato kus ŋolo cici.

2 Sam. 11:11

Toboŋok Uria Daudi tema, “Eriŋa Asaduku ka Ŋisirael ta ŋituŋa a Yudaya iboiyete aloeemae, nabo Yoab daŋ ekapolon kaŋ ka ŋiketiyak a ekapolon kaŋ, iboiyete aneni elapat anariet. Apedori mono ayoŋ alosit kai kaŋ akimuj ka akimat, ido eryamakinos ka aberu kaŋ? Ekoŋi ayoŋ atemar ani eriŋa iyoŋ iyari, nyetiyakini ayoŋ ŋakiro ŋun.”

2 Sam. 14:19

Kiŋit erwosit iŋes tema, “Mam kire nyirworito iyoŋ ka Yoab ŋakiro ŋun daadaŋ a?” Toboŋok aberu ŋin tema, “Ekoŋi ayoŋ ekapolon kaŋ erwosit neni kon atemar ani ca kire eriŋa iyoŋ iyari, mam ituŋanan emaikina ikimunon iyoŋ ŋakiro ŋadi ŋuna iŋita iyoŋ ekapolon kaŋ erwosit. Iyookino, Yoab eketiyan kon abu ekecik ayoŋ, erae iŋes abu okolimok ayoŋ aketiyan kon ŋakiro daadaŋ ŋuna akalimok ayoŋ iyoŋ.

2 Ŋirw. 2:2

Ani eriŋa ikes elosete, tolimok Eliya Elisa tema, “Kidoŋ ne; anerae ekeyakit Ekapolon ayoŋ alosit Besel.” Nai abu Elisa kikoŋ tema, “Ikwaŋinapei eyaria Ekapolon ka ikwaŋinapei iyaria iyoŋ, nyakaesikini ayoŋ iyoŋ.” Torukosi nai ikes Besel;

2 Ŋirw. 2:4

Tolimok Eliya Elisa tema, “Kidoŋ ne; anerae ekeyakit Ekapolon ayoŋ alosit Yeriko.” Nai abu Elisa kikoŋ tema, “Ikwaŋinapei eyaria Ekapolon ka ikwaŋinapei iyaria iyoŋ, nyakaesikini ayoŋ iyoŋ.” Torukosi nai ikes Yeriko;

2 Ŋirw. 2:6

Tolimok nai Eliya Elisa tema, “Kidoŋ ne, anerae ekeyakit Ekapolon ayoŋ alosit naŋolol Yorodan.” Nai kikoŋ Elisa tema, “Ikwaŋinapei eyaria Ekapolon ka ikwaŋinapei iyaria iyoŋ, nyakaesikini ayoŋ iyoŋ.” Torukosi nai ikes ekwaakasi ŋiarei.

2 Ŋirw. 4:30

Kirworik nai toto a idya tema, “Ikwaŋinapei eyaria Ekapolon ka ikwaŋinapei iyaria iyoŋ, nyakaesikini ayoŋ iyoŋ jik.” Abu nai Elisa tonyou kiwuapak aberu ŋin.

1 Ŋakiro a ŋirwa 4:10

Abu Yabes kilip neni ka Akuj a Ŋisirael tema, “Okoe kiterereŋoe ayoŋ Akuj, inakinae ayoŋ akwap ŋina alalan. Oruko ka ayoŋ, ido kiuryarae ayoŋ anibore a ŋini aronon a daadaŋ a ŋini eyauni aryeba neni kaŋ.” Abu nai Akuj inak iŋes ŋakiro ŋuna elipa.

1 Sam. 17:55

Ani iŋolikini Saul Daudi elosi akisiiryakin Epilistait, kiŋit Abiner ŋolo arae ekarikon ajore keŋ tema, “Abiner, lokoku a ŋae esorokit lo?” Toboŋok Abiner tema, “Ikwapei iyarya iyoŋ okoe erwosit, nyayeni ayoŋ.”

1 Sam. 20:3

Nai abu Daudi kikoŋ tema, “Eyeni papa kon nooi atemar ikimina iyoŋ ayoŋ, ido ŋuna etami iŋes ikes nu ebe, ‘Nyemaikina kiteyenikinae Yonasan ŋakiro nu, acepaki iyaloloŋi.’ Nai kire jik, ikwapei eyarya Ekapolon ka ikwapei iyarya iyoŋ, eapi ayoŋ atwanare.”

1 Sam. 25:26

“Aŋun nai ekapolon kaŋ, ikwapei eyarya Ekapolon ka ikwapei iyarya iyoŋ; nabo ikwapei abunio Ekapolon ikiurya iyoŋ nyiar ka nyinyaŋ ŋimoe kon a ŋakan kon; kimyek ŋimoe kon ka ikes ŋulu iwarito akitiya aronis kikwaanikinos ka Nabal.