1 Sam. 1:20 - Ebaibul

²⁰ Aŋun nai, abu Ana topoti, kidou ikoku ŋinisapat. Tolimok Ana ekiro a ikoku Samuel, anerae abu iŋes tema, “Abu ayoŋ eŋit Ekapolon ainakin ayoŋ ikoku.”

1 Sam. 1:20 Iomraidhean Croise

Akisy. 16:11

Tolimok emalaika ke Ekapolon iŋes tema, “Kiira, ipoti iyoŋ, ka idouni iyoŋ isapat; tolimok ekiro keŋ Isimael, anerae eira Ekapolon ŋakiro a ŋican kon.”

Akisy. 30:22

Totamu nai Akuj Rakel, kiira ŋakiro keŋ, toŋaa akook keŋ.

Akisy. 4:25

Kiryamakin nabo Adam ka Epa, kidou Epa isapat tolimok ekiro Set, anerae abu iŋes tema, “Akainaki ayoŋ Ekapolon ikoku ice ŋini ilunyokin lorot ka Abel a ŋolo abu Kain toar.”

Akisy. 5:29

Tolimok ekiro a esapat a ŋol Noa, ebala, “A ŋalup a ŋuna adau Akuj akicen, ikiŋarakini iwon lo alotic yok a ŋolo agogoŋon a ŋolo a ŋalup a ŋuna koloŋ abu Akuj kicen.”

1 Ŋakiro a ŋirwa 4:10

Abu Yabes kilip neni ka Akuj a Ŋisirael tema, “Okoe kiterereŋoe ayoŋ Akuj, inakinae ayoŋ akwap ŋina alalan. Oruko ka ayoŋ, ido kiuryarae ayoŋ anibore a ŋini aronon a daadaŋ a ŋini eyauni aryeba neni kaŋ.” Abu nai Akuj inak iŋes ŋakiro ŋuna elipa.

Ŋikiru. 120:1

Alotooma ŋican kaŋ, abu ekaloik Ekapolon, ikotere iŋes akaboŋokini ayoŋ. Abu otema,

Awos. 2:10

Ani epolouni ikoku, ya aberu ŋin iŋes neni anakoku a Parao, ido abu nakoku a Parao ya idya ŋin erae lokoku keŋ. Tolimok ekiro keŋ Moses ebala, “Alemuni ayoŋ iŋes anakipi.”

Awos. 2:22

Abu Sipora kidou, ikoku ŋinisapat, tolimok Moses ekiro a ikoku a ŋin Gerisom, ebala, “Arae ayoŋ egelaanot anakwap a ŋinagela.”

Mat. 1:21

idouni iŋes ikoku ŋini sapat, ilimokini iyoŋ ekeekiro Yesu, anerae eiuni iŋes ŋikeetuŋa anasecisya kec.”

Ŋibur. 11:32

Kapedo ayoŋ alimun ŋuna a ŋikalalak, nai emam ayoŋ apaki ŋina limunet ŋuna a Gideon, ŋuna a Barak, ŋuna a Samsom, ŋuna a Yepesa, ŋuna a Daudi ka ŋuna a Samuel ta ŋuna a ŋikadwarak.