1 Sam. 1:19 - Ebaibul

¹⁹ Tonyout ikes taparacu sek kilipa neni ke Ekapolon; toboŋosi nai lore kec Rama. Kiryamakinos Elkana ka aberu keŋ Ana, ido abu Ekapolon toboŋok akilip ka Ana.

1 Sam. 1:19 Iomraidhean Croise

Akisy. 21:1

Abu Ekapolon kiterereŋ Sara ikwapei sek eikinitor, ido abu kitiyak neni a Sara ŋuna aris kiik iŋes.

Akisy. 30:22

Totamu nai Akuj Rakel, kiira ŋakiro keŋ, toŋaa akook keŋ.

Akisy. 4:1

Kiryamakin Adam ka aberu keŋ Epa, toryamu akook, kidou Kain, ido tema, “Edou ayoŋ ekile anakiŋarakinet a ŋina ke Ekapolon.”

Akisy. 8:1

Nai abu nyimuryak Akuj Noa ka ŋibaren ta ibore daadaŋ ŋini ayari ŋini aya ka iŋes nataker. Kitukut Akuj ekuwuam anakwap, kitidipaiya ŋakipi.

2 Ŋirw. 4:17

Abu aberu ŋin topoti kidou ikoku ŋinisapat edoli ŋirwa ŋulu aris Elisa kelimoki iŋes.

Ŋikiru. 119:147

Anyoununui ayoŋ eriŋa nyiwalara, ido ekekaloik iyoŋ akiŋarakin ayoŋ; ewuakinit ayoŋ akigeno kaŋ nakiro kon.

Ŋikiru. 136:23

Iŋes abu itotamu iwon apaki ŋina aponere itoreun, anerae erae amina keŋ ŋina nyiryaŋiryaŋa ŋina a ŋikaru ka ŋikaru.

Ŋikiru. 25:7

Tojoŋo atamunit ŋasecisya ŋuna ka asorokanut kaŋ, kori ŋipitesyo kaŋ ŋulu akaŋereneneo ayoŋ iyoŋ; totamunae ayoŋ anamina kon a ŋina nyiryaŋiryaŋa, anerae ijok iyoŋ, okoe ekapolon.

Ŋikiru. 5:3

Okoe Ekapolon, ipupi iyoŋ etoil kaŋ a ŋina taparacu; akalimonokini ayoŋ iyoŋ a ŋina taparacu ŋuna acamit, ido edarununui egeno atemar aryamuni.

Ŋikiru. 55:17

Egworo ayoŋ anaryeba eboŋ ka taparacu ta kidiŋ apaaran, ido iirari Akuj ŋakiro kaŋ.

Mar. 1:35

Ani taparacu eriŋa akoloŋ nyipiripiruna, tonyou Yesu, tolot neni asilon akilip.

Luk. 23:42

Ido tema iŋes, “Yesu, totamunitetei ayoŋ, ŋina iboŋunio iyoŋ irae Erwosit.”

Yos. 18:25

Gibeon, Rama, Beeros,

1 Sam. 1:1

Ayai nakwap ŋina a ŋikamukumukui ŋina a Epuraim ekile ece ŋolo abunit alo Romasaim. Anyaritae ekiro keŋ Elkana, arae iŋes Esupait lokoku a Yeroam a ŋolo arae lokoku a Eliu, a ŋolo arae lokoku a Tou, a ŋolo arae lokoku a Sup a ŋolo arae Epuramait.

1 Sam. 1:11

Tolimu akikoŋet na ebe, “Okoe Ekapolon ŋolo Etiron, kerae ca kiŋolikini akitiditeuna kaŋ a aketiyan kon, ido itotamu iyoŋ ayoŋ, nyikimuryak ayoŋ aketiyan kon, nai ikiinak ayoŋ ŋina arae aketiyan kon ikoku ŋinisapat, ayauni ayoŋ iŋes kiŋaren kon erae ŋini italeunitoe, ŋini nyebanyio akitodol natwanare keŋ. Nyemasi iŋes epiini, kori ibore daadaŋ ŋini ikitemerakini, mam ituŋanan emaikina totapak ebanyet nakou keŋ.”

1 Sam. 15:34

Tonyou nai Samuel a nen tolot Rama; ido tonyou Saul a nen kitipeiyo lore keŋ Gibea nakibois ŋina a Saul.

1 Sam. 16:13

Tolemu nai Samuel amomwara ŋina ayai akimyet, kiosak akimyet lodya alokiŋaren ŋikaitotoi keŋ. Ameun akoloŋit ŋin, abu etau ŋolo ke Ekapolon min neni a Daudi nooi. Torotok nai Samuel a nen toboŋo Rama.

1 Sam. 19:18

Tolot Daudi tosi Rama neni a Samuel, tolimok Daudi Samuel ŋakiro daadaŋ ŋuna etiya Saul neni keŋ. Toloto iŋes ka Samuel kiboiyosi Naios.

1 Sam. 2:11

Toboŋo nai Elkana lore keŋ Rama, kidoŋ Samuel Silo akitiyanakin Ekapolon, topolokinite esacaradoti Eli iŋes.

1 Sam. 25:1

Apaki ŋin, abu Samuel totwana. Tocunakinos Ŋisirael daadaŋ kigworo aŋuna keŋ; ido tonuka ikes iŋes lore keŋ Rama. Tonyou nai Daudi anaturukanin a ŋuna aŋopitor, tolot naloŋisat ŋina a Paran.

1 Sam. 7:17

Nai amina iŋes aboŋonor Rama, anerae nen iŋes ayai akai keŋ, ido abu iŋes kipuka Isirael a nen ka abu todukok nen Namuroet aŋuna ke Ekapolon.

1 Sam. 8:4

Apotu nai ŋikasikou daadaŋ tocunakinos toloto Rama neni a Samuel,

1 Sam. 9:26

Ani nai esodi akwap akiwalar, tonyarau Samuel Saul alokidiama akai tema, “Tonyou, ikotere eketolot ayoŋ iyoŋ.” Tonyou Saul, torukosi ka Samuel kiŋa akai toloto lorot.