1 Sam. 1:12 - Ebaibul

¹² Ani eriŋa iŋes erubakinit ilipi alokiŋaren Ekapolon, torubak Eli ite akituk keŋ.

1 Sam. 1:12 Iomraidhean Croise

Luk. 18:1

Tosodi Yesu tolimok ŋikeekasyomak akitadapet aŋuna ka akitatamya ikes atemar itemokino ikes akilipenen jwi jwi tomam akiup.

Ŋiep. 6:18

Kitiyata ŋun daadaŋ alotooma akilip, iŋitasi akiŋarakino aneni ka Akuj. Kilipeneneete ŋapakio daadaŋ anapedor a ŋina ke Etau a ŋolo ka Akuj. Totenito, nyijamakis akilipanakin jwi jwi ŋituŋa ŋulu ka Akuj daadaŋ.

Ŋikol. 4:2

Torubakisi jik ilipete ka totenito anakilip, tolakara neni ka Akuj.

1 Ŋites. 5:17

kilipeneneete jwi jwi,

Yak. 5:16

Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.

1 Sam. 1:11

Tolimu akikoŋet na ebe, “Okoe Ekapolon ŋolo Etiron, kerae ca kiŋolikini akitiditeuna kaŋ a aketiyan kon, ido itotamu iyoŋ ayoŋ, nyikimuryak ayoŋ aketiyan kon, nai ikiinak ayoŋ ŋina arae aketiyan kon ikoku ŋinisapat, ayauni ayoŋ iŋes kiŋaren kon erae ŋini italeunitoe, ŋini nyebanyio akitodol natwanare keŋ. Nyemasi iŋes epiini, kori ibore daadaŋ ŋini ikitemerakini, mam ituŋanan emaikina totapak ebanyet nakou keŋ.”

1 Sam. 1:13

Apaki ŋin, elipi Ana ekililiŋat; arae ŋipon bon asubanakinosi, pa apupo etoil keŋ; aŋun, abu Eli totamak atemar emera iŋes.