1 Sam. 1:10 - Ebaibul

¹⁰ Anakiyaloloŋ a ŋina apipilan nooi, abu Ana kilip neni ke Ekapolon ka kigwor nooi.

1 Sam. 1:10 Iomraidhean Croise

Akisy. 30:1

Ani eanyuni Rakel atemar emam ŋidwe edoe iŋes aŋuna a Yakob, torakaanik nakaato keŋ; tolimok Yakob tema, “Kiteryamunae ayoŋ ŋidwe, ani kemam atwani ayoŋ!”

Akisy. 50:10

Ani edolunete ikes nalos ŋina ka Atad, ŋina eyai diyete Yorodan, kigworo a nen nooi iyaloloŋete; kigwor Yosepu papa keŋ a nen ŋirwa ŋikanikaarei.

2 Sam. 13:36

Akirikakin Yonadab erwor bon, todolunete ŋidwe a erwosit ŋulusapa, kiworout nooi, kikalout, kikalout erwosit daŋ ka ŋiketiyak keŋ daadaŋ nooi.

2 Sam. 17:8

Torubak Usai irworo tema, “Iyeni robo ca iyoŋ atemar ejioko papa kon ka ŋikilyok ŋulu erukitotor. Ededeŋ ikes ikote aŋatuny anariet ŋina edemaritae ŋitak keŋ. Nabo daŋ, eyeni papa kon ejie nooi; nyeperi iŋes neni epereneneete ŋasigarya keŋ.

2 Ŋirw. 20:3

“Ekapolon totamunite epite ŋolo ekekinyomitor ayoŋ iyoŋ a etau kaŋ a daadaŋ ka epite ŋolo etiyator neni kon ejok.” Kigwor Esekia nooi.

Yob 10:1

Kiyatak Yob erwor keŋ tema, “Aluŋ ayoŋ akiyar kaŋ; alimuni ayoŋ emam akuryanu ŋakiro ŋuna eŋuruŋura ayoŋ; erwori ayoŋ aŋuna ka aŋoit a ŋina ileleba lotau kaŋ.

Yob 7:11

“Aŋun, nyeliliŋi ayoŋ jik, erwori ayoŋ ŋakiro anaryeba a ŋina a etau kaŋ, arubakini ayoŋ eŋuruŋura anaŋoit a ŋina ka akiyar kaŋ.

Yob 9:18

nyekemyekini iŋes ayoŋ eeŋa aryeba, nai akainakini iŋes ayoŋ ŋican ŋulu apipilak.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 91:15

Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

Ŋakit. 14:10

Eyeni ŋolotau ŋuna itoŋoito iŋes, mam ituŋanan emorete ka ŋinice alelyanu ŋina eyai lotau keŋ.

Isa. 38:15

Nai anukiro tokona alimuni ayoŋ? Anerae adau iŋes akirwor neni kaŋ, iŋes elope adau akitiya nu neni kaŋ. Adaun ŋajo aneni kaŋ aŋuna ka apodo a ŋina eyai lotau kaŋ.

Isa. 54:6

Ikinyar iyoŋ Ekapolon esibit irae iyoŋ aberu ŋina eŋeritoe, ŋina iyaloloŋi alotau keŋ, esibit irae iyoŋ ateran ŋina iritari ekile eriŋa esorokana.

Yer. 13:17

Nai ani pa kiirasi iyes ŋakiro keŋ, alosi ayoŋ akigwor anakimunono aŋuna kaakituro kus egwori ayoŋ nooi kibwaliyasi ŋakiyo ŋakonyen kaŋ anerae erikoryo ŋituŋa a Ekapolon nakwap ace.

Yer. 22:10

“Okoe ŋituŋa a Yudaya, nyigworo aŋuna a erwosit Yosia, kori nyigworo aŋuna atwania iŋes; emaikina iyes kigworo aŋuna a ŋini arikor iwace, anerae nyeboŋuni iŋes nabo akiŋolikin akwap keŋ.”

Aum. 3:15

Eketeryamu Akuj ayoŋ ŋican ŋulu apolok nooi, eketeryamu Akuj ayoŋ ŋican ŋulu nyapedorit akidaŋidaŋ.

Luk. 22:44

Kilip iŋes imukekinit toryeba nooi alotau, kikokis ŋakinyinyir keŋ edoete kwap ŋaokot.]

Ŋibur. 5:7

Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.

Ŋikat. 21:2

Apotu nai Ŋisirael toloto Besel, kiboiyoto a nen alokiŋaren Ekapolon tari ŋina awarya akwap, kiworout a nen nooi kigworo nooi.

Rus. 1:20

Tolimok Naomi ikes tema, “Nyikinyarata ayoŋ nabo Naomi, (A ŋaburaniyae apolou a Naomi iŋes atemar alakar ) tonyarae ayoŋ Mara, (A ŋaburaniyae apolou a Mara iŋes atemar amamu alakar.) anerae etiya Ekapolon ŋolo etiron erono nooi neni kaŋ.

1 Sam. 1:11

Tolimu akikoŋet na ebe, “Okoe Ekapolon ŋolo Etiron, kerae ca kiŋolikini akitiditeuna kaŋ a aketiyan kon, ido itotamu iyoŋ ayoŋ, nyikimuryak ayoŋ aketiyan kon, nai ikiinak ayoŋ ŋina arae aketiyan kon ikoku ŋinisapat, ayauni ayoŋ iŋes kiŋaren kon erae ŋini italeunitoe, ŋini nyebanyio akitodol natwanare keŋ. Nyemasi iŋes epiini, kori ibore daadaŋ ŋini ikitemerakini, mam ituŋanan emaikina totapak ebanyet nakou keŋ.”

1 Sam. 1:9

Ani kedaut ikes akimuj ka akimat alo Silo, tonyou Ana tolot kitoodiyar neni ke Ekapolon. Apaki ŋin, eboi esacaradoti Eli alokicoloŋ a ŋolo a Kai ŋinakilipet.