1 Pet. 5:6 - Ebaibul

⁶ Aŋun, kitiditeunos iyes anakan a ŋina ka apedor a ŋina ka Akuj, ikotere nai ikitopoloori iŋes iyes apaki ŋina ecamitor iŋes.

1 Pet. 5:6 Iomraidhean Croise

1 Ŋirw. 21:29

“Idau ba iyoŋ aanyun epite ŋolo etiditeunor Aab alokiŋaren kaŋ? Aŋuna etiyaa iŋes ŋun, nyacamakini ayoŋ ŋican potu neni keŋ alorwa a ŋulu ka akiyar keŋ, nai epote ŋican ŋul lotuŋa ka Aab edoli ŋirwa ŋulu ka akiyar a lokoku keŋ.”

2 Ŋirw. 22:19

‘Aŋuna ibunio iyoŋ toki alotau kon ka kitiditeun apaki ŋina iirarya ŋakiro ŋuna abu ayoŋ erwor etoroniyarit akwap na ka ŋituŋa keŋ ka aŋuna iciliciliya ŋilowi kon, ido ikikaloik ayoŋ, adau ayoŋ daŋ akiirar iyoŋ.

2 Ŋakiro a ŋirwa 12:12

Aŋuna abunio Reoboam kitiditeun bon, abu Ekapolon tojoŋo anyunyurikinit iŋes ikotere nyemunya ikes todaunos jik; kikote neni daŋ, aya ŋakiro ŋace ŋuna ajokak alo Yudaya.

2 Ŋakiro a ŋirwa 30:11

Tari ŋina aponiata ikes kitiyata ŋun, apotu ŋituŋa ŋidikudyo ŋulu a ekabila ka Aser, a Manase ka Sebulon kitiditeunos make, toloto Yerusalem.

2 Ŋakiro a ŋirwa 32:26

Abu nai Esekia toki alotau ŋuna sek abu iŋes tojamuwa, tokiwa ŋituŋa a Yerusalem daŋ ŋun; aŋun, abu anyunyura ŋina ke Ekapolon nyebu neni kec alorwa a ŋulu araakar Esekia erwosit.

2 Ŋakiro a ŋirwa 33:12

Ani eyakaun Manase locan ŋul, abu kiwar ajokis ŋina a Ekapolon Akuj keŋ, kitiditeun bon nooi aneni ka Akuj atapapaa keŋ.

2 Ŋakiro a ŋirwa 33:19

Ŋakiro ŋuna ka akilip a Manase, epite ŋolo ainakinia Akuj Manase ŋuna ewarit Manase ka ŋuna a ŋakiboisyo a ŋuna abu iŋes toduk nenimukur, ido kiwuanak ŋitorubei a akuj a ŋina anyaritae Asera ka ŋitorubei ŋice daŋ eriŋa nyitiditeuna bon, igiritae lokitaaboi ŋulu igiritae ŋakiro a ŋiketeyenikinak.

2 Ŋakiro a ŋirwa 33:23

Abu Amon nyitiditeun bon aneni ke Ekapolon ikwa papa keŋ, abu kitalala asecit keŋ.

2 Ŋakiro a ŋirwa 36:12

Etiyat iŋes ŋakiro ŋuna aronok aneni ke Ekapolon Akuj keŋ. Abu iŋes toŋer akitiditeun bon aneni a Yeremia a ekadwaran a ŋolo abu kirwor ŋakiro ke Ekapolon neni keŋ.

Yob 36:22

Kiira, itopolooritae Akuj anapedor keŋ; ŋae erae eketataman keŋ?

Ŋikiru. 75:10

Elemari Akuj apedor a ŋulu aronok a daadaŋ, nai iatakini apedor a ŋulu iyookino.

Ŋikiru. 89:13

Epol nooi agogoŋu kon, itopolooritae nooi apedor kon.

Awos. 10:3

Aŋun, apotu Moses ka Aron toloto neni a Parao temasi neni keŋ, “Ŋakiro ŋuna iŋita Ekapolon Akuj a Ŋiburaniyae ikes nu: Tari ori iwounit iyoŋ akitiditeun aneni kaŋ? Kimyek ŋituŋa kaŋ toloto, ikotere ilipete neni kaŋ.

Awos. 3:19

Ayeni kire ayoŋ atemar nyikimyekini iyes erwosit a Ijipit toloto mati kereikin atemar ikimyek iŋes iyes toloto.

Awos. 32:11

Nai abu Moses kimaima Ekapolon Akuj keŋ, kiŋit tema, “Okoe Ekapolon, kaanukiro itonomorya iyoŋ ŋituŋa kon anaŋoit kon, ŋituŋa kon ŋulu ibu iyoŋ iyau anakwap a Ijipit anapedor kon a ŋina apolon nooi ka anakan kon a ŋina etiron?

Ŋakit. 29:23

Epedori akituro a ituŋanan aun ŋileec neni keŋ ekaku, nai iŋes ŋini itiditeuna alotau keŋ, eryamuni akitopolooro.

Isa. 2:11

Itiditeunio ŋulu itopolooro ka ejamuwaryo ŋulu iturosi. Tosodi, Ekapolon bon itopolooryo akoloŋit ŋin.

Isa. 40:4

Itemokino ŋakadipaalae daadaŋ kitiriyanae, itemokino ŋimoru ka ŋikamukumukui daadaŋ tobwaŋabwaŋae; itemokino nenimukur todipal iwace kitiriyanae, itemokino ŋakiboisyo ŋuna esagam kitusulutae.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Yer. 13:18

Abu nai Ekapolon okolimok ayoŋ tema, “Tolimok erwosit ka arwosit ebe, ‘Kitiditeun bon anerae alemar ebokot ŋolo ebusan anakou kon,

Yer. 44:10

Nyekiwa ikes, kori nyebulo ikes akitodol tari nakoloŋit na, nyiricakina ikes tari ŋikisila kaŋ ka ŋakiro ŋuna atubunit ayoŋ ŋuna abu ayoŋ okoinak iyes ka oinak atapapaa kus.

Esek. 17:21

Earyo ŋasigarya keŋ daadaŋ apaki ŋina ebwaŋatar, ido ŋuna idoŋete, ielaryo ŋolowae ka akwap daadaŋ. Ŋakiro ŋun nai iyenunia iyoŋ atemar ayoŋ Ekapolon abu erwor ŋakiro ŋun.’ ”

Esek. 21:6

Aŋun lokoku a ituŋanan, toumen esibit eyakasi ŋakiro ŋuna ikinomito etau nooi. Toumen iyalaloŋi aneni epedoryata ŋituŋa daadaŋ akiŋolikin iyoŋ.

Dan. 5:22

Tosodi iyoŋ Belisasar lokoku keŋ, nyitiditeuna iyoŋ bon alotau kon, tari kiyeni iyoŋ ŋakiro daadaŋ,

Ŋilep. 26:41

ido abu ayoŋ daŋ oŋer ikes eela nakwapin a ŋimoe kec; ani nai kitiditeuna ikes tokona alotai kec; kekiito ŋasecisya kec,

Mika 6:8

Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Mat. 23:12

Ituŋanan ŋini itopolooro bon, itiditeunio ka ŋini itiditeuna bon, itopolooryo.

Luk. 1:52

Ekota iŋes ŋikapolok alokicoloŋo kec, ka etopoloo ŋulu itiditeuna alotai kec.

Luk. 14:11

Anerae ŋinituŋanan itopolooro bon, itiditeunio; nai ŋini itiditeuna bon, itopolooryo.”

Luk. 18:14

Akalimokini ayoŋ iyes atemar, abu ekeriran ocur tolot lore keŋ iyookino alokiŋaren Akuj, akilo Eparisayot; anerae ŋinituŋanan itopolooryo bon, itiditeunio; nai ŋini itiditeuna bon, itopolooryo.”

Ŋirom. 5:6

Anerae ani eriŋa iwon ikipalag aŋuna ikipukator asecit iwon, abu Kristo totwan aŋuna yok a ŋikasecak apaki ŋina aseunit Akuj.

1 Ŋikor. 10:22

Ikicamit mono iwon akitoŋo Ekapolon a? Ikigogoŋ mono iwon akilo Akuj a?

Ŋikis. 32:35

Erae akinyaŋanar ŋina kaŋ ka ayoŋ esicani ikes apaki ŋina eseciata, anerae eapi akoloŋit ŋina a ŋican kec, edoluni amunyaro kec atipei.

1 Tim. 2:6

Abu iŋes elope tojal akiyar keŋ aiunia ŋituŋa daadaŋ. Ŋakiro ŋun, ikes apotu toruworos akitoodikinet anapaki a ŋina eyookino atemar ecamit Akuj aiun ŋituŋa daadaŋ.

Tito 1:3

ka anapaki a ŋina eyookino, abu kisileereu akiikinet ŋin anakirot keŋ. Abu Akuj, ŋina erae Akaiunan yok, ekecikak ayoŋ alimonokin ŋakiro ŋun neni a daadaŋ.

Yak. 4:10

Kitiditeunos alokiŋaren Ekapolon, ido ikitopoloori iŋes iyes.

Yak. 4:7

Aŋun, inakinos neni ka Akuj. Kitepega Satan, eemi iŋes aneni kus.

Yak. 5:10

Ŋikaitotoi, totamutu ŋikadwarak ŋulu erworosi alokiro a ŋolo ke Ekapolon; toanyutu atemar erae ikes akitaanyikinet ŋina ka atitinyikinit alotooma ŋican.