1 Pet. 5:5 - Ebaibul

⁵ Ikwaŋinapei ikoŋin, iyes daŋ ŋisorok, tokerito ŋikasikou. Itemokino iyes daadaŋ itiditeuna aneni a ŋuluce, ikotere kiŋaranakinos make, anerae igiritae Nakigireta ebe, “Itepegi Akuj ŋulu iturosi, nai erimaana aneni a ŋulu itiditeuna.”

1 Pet. 5:5 Iomraidhean Croise

2 Ŋakiro a ŋirwa 6:41

Tonyou tokona, okoe Ekapolon Akuj, ido tolot nakibois ŋina emaikina iyoŋ kiboiyo, iyoŋ kaapei ka Asaduku ŋina ka Acamunet a ŋina ka apedor kon. Okoe Ekapolon kiterereŋ ŋisacaradotin kon alotooma daadaŋ ŋuna itiyaete, kimyek ŋituŋa kon daadaŋ tolakaros aŋuna ka ajokis kon neni kec.

Yob 22:29

Elemanari Akuj akituro a ŋulu iturosi, ido eiununui ŋulu itiditeuna bon.

Yob 29:14

Abu ayoŋ etiya ŋuna iyookino neni a ŋituŋa ka arae ŋun ŋuna apolok aneni kaŋ lopite ŋolo inapitor elou, abu akiyookino kaŋ kikwaanikin ka anapit ekaaso ka akopiya, ŋinapen ŋulu ka apolou.

Ŋikiru. 132:16

Eterereŋi ayoŋ ŋisacaradotin keŋ alotooma daadaŋ ŋuna itiyaete, ido eikinete ŋituŋa keŋ, tocela alotooma alelyanu.

Ŋikiru. 132:9

Elipi kitiyata jwi jwi ŋisacaradotin kon ŋuna iyookino, elipi toeoto ŋituŋa kon aŋuna ka alelyanu.

Ŋikiru. 138:6

Tari daŋ keyai Ekapolon kidiama, iŋarakinit iŋes ŋulu epapanunito, nai ite iŋes aneni alwanan nooi ŋiketurok itiyaete ŋuna aronok.

Ŋakit. 25:7

anerae ejok ikilimokinio ebe, “Bua laalo,” akilo iyoŋ akisiyotor iwace alodiyete ŋikapolok.

Ŋakit. 3:34

Itepegi Akuj ŋiketurok, nai itoodikini ajokis neni a ŋulu itiditeuna.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 61:10

Alelyani ayoŋ nooi alotooma Ekapolon, itopoloori akiyar kaŋ daadaŋ Akuj kaŋ; anerae eketanap iŋes ayoŋ elou ŋolo ka aiuno, ekemuko iŋes ayoŋ a elou a ŋolo ka akiyookino, lopite ŋolo ilelebar alakara lotau a eteran ka lopite ŋolo esiryo ateran a ŋinapen a ŋulu ebusak.

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Esek. 26:16

Apaki ŋin, eŋerete ŋirwosi daadaŋ ŋulu a ŋiculeta ka anam araakau ŋirwosi, elacarete ŋikaasoi kec ŋulu eraakatar ŋirwosi, elacarete ŋilowi kec ŋulu isibusitae. Emaranikinete ikes ebulit nooi ka iboikinosi kwap; emini amaran neni kec a ŋinapaki iŋolikinete ŋican ŋulu iryamut iyes.

Dan. 11:12

Kedau iŋes akikamar ŋasigarya ŋuna alalak ŋun, iturokin erwosit ŋolo alowae a ŋolo alo Kwap nooi, tosodi toar ŋasigarya ŋalipyo ŋuna alalak, nai nyerubakini iŋes erae ŋolo elounan.

Ŋilep. 19:32

“‘Tonyoutu epote neni kus ŋituŋa ŋulu emojoŋito, kitoodiutu atemar itopoloorito iyes ŋulu emojoŋito ka itopoloorito iyes Akuj kus. Arae ayoŋ Ekapolon.

Luk. 22:26

Nai nyitemokino ŋakiro ikote neni aneni kus; itemokino ŋini epol aneni kus kikwaanikin ka ŋini edit ka ekarikon kikwaanikin ka eketiyan.

Ŋirom. 12:10

Tominin make ejok ikwaŋina iraakatar ŋikaitotoi alotooma Kristo ka tolelakinito akitoodiunit akitopoloorit ŋuluce.

Ŋirom. 13:14

Nai tolemutu ŋiboro ŋulu ke ejiye ŋulu erae ŋulu a Yesu Kristo, ido tojoŋoto atamunit aseconu ŋina a ŋawat kus aŋuna ka akitiya ŋuna ecamito ikes akitiya.

Ŋiep. 5:21

Topuponoros make aŋuna ka akerit kus Kristo.

Ŋipil. 2:3

Nyitiyata idiobore anakiloiloa kori anakisupa, nai anakitiditeuna; yaito ŋuluce erae ŋulu ejokak akilo iyes.

Ŋikol. 3:12

Ikwapei tokona iraakatar iyes ŋituŋa ŋulu ka Akuj, ŋulu ikiseu ka ŋulu emina iŋes, itemokino nai iyes kitoodiut akisyon, arimao, akitiditeuna, akiyapara ka atitinyikinit.

1 Tim. 5:1

Nyisibura ekasikout edio, nai kisiyan iŋes ikwa papa kon. Kisirwor ŋisorok ikwa ŋikaitotoi kon,

Ŋibur. 13:17

Tokerito ŋikarikok kus ka kiwuapito ŋakiro kec; anerae itemokino ikes tolimosi neni ka Akuj epite ŋolo ikiyokiyoto ikes iyes. Kitiyata ŋun alopite a ŋolo italakari ikes, meere alopite a ŋolo isiyaloloŋi ikes, anerae iyes pei ŋilopeyek itwakiyarete.

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”

1 Pet. 3:8

Aŋetakini, itemokino iyes daadaŋ iraakasi ŋipei alotai kus; toyakatar akisyoniyenen, tominanaros make ikwa ŋikaitotoi, torimaaka ka toruworos ŋulu itiditeuna aneni a ŋuluce.

1 Pet. 4:1

Ikwaŋina abunio Kristo toryamunia ŋican alokuwane, itemokino iyes daŋ kitogogoŋos alopite a ŋolo atamya iŋes; ituŋanan ŋini aryamu ŋican alokuwane, amulen iŋes asecit.

1 Pet. 4:5

Nai isisaunete ikes ŋakiro kec alokiŋaren Akuj ŋina etenit atubokin ŋulu eyarete ka ŋulu atwaka.