1 Pet. 5:12 - Ebaibul

¹² Silipano iŋes ekeŋarak ayoŋ akigir abaruwa ŋinauriyen na neni kus, ayeni ayoŋ atemar erae iŋes lokaato ŋolo ikinyoma. Acamit ayoŋ akisimukekin iyes ka akiteyenikin atemar erae ŋakiro ŋun ŋuna a kire ŋuna ka ajokis ka Akuj. Torubakisi jik anakirot a na!

1 Pet. 5:12 Iomraidhean Croise

Yoa. 21:21

Ani iŋolikini Petero iŋes, kiŋit Yesu tema, “Ani bo ekile lo?”

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 15:22

Tosodo nai Ŋikiyakia ka ŋikatukok kaapei ka ŋikanupak daadaŋ totyakut atemar, kejoikinit toseunae ŋikilyok ŋidi alokidiŋ kec, ido kiyakiyarae Antiokio kaapei ka Paulo ta Baranaba. Toseut ikes Silas ka Yuda ŋolo anyaritae Barasaba, ŋikilyok ŋulu akerer nooi alokanupak.

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

Ŋirom. 5:2

Aŋuna a Yesu Kristo, ikiyakar iwon apedor ŋinamoret ajokis na ŋina ka Akuj ka ikilelyani daŋ, anerae ikigeno atemar ikiruki moi ka Akuj anapolou keŋ.

1 Ŋikor. 15:1

Ŋikaitotoi kaŋ, acamit ayoŋ akitatamun iyes Ŋakiro ŋuna Ajokak ŋuna abu ayoŋ okolimok iyes, ŋuna ipotu iyes tocamut, ŋuna tokona icasitor anupit kus.

2 Ŋikor. 1:19

Anerae Yesu Kristo ŋolo erae Lokoku ka Akuj ŋolo apotu Silipano, Timoteo ka ayoŋ itolimonokin iyes ŋakiro keŋ--nyerae iŋes, “Ee” ka “Mam”, nai erae iŋes, “Ee” ŋolo ka Akuj.

2 Ŋikor. 1:24

Nyikicamit isua akitiŋakin iyes ŋuna itemokino tonupa; ikiyeni isua atemar icasito iyes ananupit kus. Akilo ŋun, ikitiyae isua kaapei ka iyes aŋuna ka alakara kus.

Ŋiep. 3:3

Arae nakitoodikinet abunio Akuj ekesileerek ayoŋ ŋakiro keŋ ŋuna imunono, ŋuna ŋoon sek abu ayoŋ egir euruwuaka.

Ŋiep. 6:21

Ikilimokini iyes Tuciko, ŋakiro daadaŋ ŋuna akatapito ayoŋ, ikotere toyenut iyes epite ŋolo ayakar ayoŋ. Erae iŋes lokaato ŋolo minat alotooma Ekapolon, ŋolo erae eketiyan ŋolo ikinyomitae isua.

Ŋikol. 1:7

Ipotu iyes toyenut ŋuna ka ajokis a ŋina ka Akuj aneni ke Epapuras, a ŋolo minat, a ŋolo ikitiyae kaapei ka isua. Erae iŋes eketiyan ŋolo a Kristo ŋolo ikinyomitae, ŋolo itiyae aŋuna kosi.

Ŋikol. 4:7

Ikilimokini iyes Tuciko ŋakiro ŋuna akatapito ayoŋ daadaŋ. Erae iŋes lokaato ŋolo minat alotooma Ekapolon Kristo, ŋolo erae eketiyan ŋolo ikinyomitae isua, ŋolo ikitiyae kaapei ka isua etic ŋolo ke Ekapolon.

Ŋikol. 4:9

Erukunete iŋes ka Onesimo, lokaato yok ŋolo minat alotooma Kristo, ŋolo ikinyomitae isua, ŋolo erae ekaatukot kus. Ikilimokinete ikes iyes ŋakiro daadaŋ ŋuna itiyasi a ne.

1 Ŋites. 1:1

Ayoŋ Paulo ka Silipano ta Timoteo ikigirit abaruwa na neni ka atukot a Ŋikristo a ŋulu eyakasi Tesalonika, a ŋulu erae ŋulu ka Akuj Papa ka ŋulu ke Ekapolon Yesu Kristo. Toyai neni kus ajokis ka ekisil.

2 Ŋites. 1:1

Ayoŋ Paulo ka Silipano ta Timoteo ikigirit abaruwa na neni ka atukot a Ŋikristo a ŋulu eyakasi Tesalonika, a ŋulu erae ŋulu ka Akuj Papa yok ka ŋulu ke Ekapolon Yesu Kristo.

Ŋibur. 13:22

Ekemaimai ayoŋ iyes ŋikaitotoi kaŋ atemar topupokis alotooma akidaŋidaŋakinit ŋakiro nu ŋuna ka akitumunikin, anerae nyeoya abaruwa na ŋina ekegirak ayoŋ iyes.

1 Pet. 1:13

Aŋun, totenito anatameta kus aŋuna ke etic. Totenito anatameta ka kiwuakinito akigeno kus daadaŋ najokis ŋina ikiinakinio iyes apaki ŋina isileereunere Yesu Kristo.

1 Pet. 4:10

Einakinit Akuj ŋinituŋanan alokidiŋ kus ŋainakineta ŋuna egelegelya; aŋun, ikwapei iraakatar iyes ŋulu iyokito ikes, kisitiyata ŋainakineta kus ejok aŋuna a ŋuluce.

2 Pet. 1:12

Aŋun, arubakini ayoŋ eketatamunit iyes jik ŋakiro nu, tari sek kiyenete ka kerubit ayenut kus ŋuna a kire.

2 Pet. 2:15

Aesikis ikes erot ŋolo idiiri, aoliyosi alorot kec; atupakis erot a Balaam, a lokoku a Bior a ŋolo amina ŋisiliŋa ŋulu aryamununui iŋes alorotin a ŋulu aronok.

3 Yoa. 1:12

Iteyenunito ŋituŋa daadaŋ ŋuna ajokak aŋuna a Demetrio; ŋakiro ŋuna a kire daŋ iteyenunito aŋuna keŋ. Ikiteyenunit isua daŋ aŋuna keŋ, ka eteyenunit ayoŋ atemar erae kire.

Yud. 1:3

Ŋikaitotoi ŋulu minan, ikwaŋina acamitor ayoŋ akigir neni kus aŋuna ka aiuno a ŋina ikimori iwon, abu oanyu atemar itemokino egir anakilipit iyes tojioto aŋuna ka anupit a ŋina abu Akuj inak ŋituŋa keŋ apeiinakinet kirikakin.