1 Pet. 4:4 - Ebaibul

⁴ Tokona eumokinito ŋulu nyenupito Akuj ŋakiro ŋuna nyeriŋa iyes irukitotor ka ikes anakiyar kec a ŋina aronon ka ŋina emam ŋakiro etami atemar epote. Aŋun, irworosi ikes ŋakiro ŋuna aronok aŋuna kus.

1 Pet. 4:4 Iomraidhean Croise

Mat. 23:25

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Itesegete iyes ekopo ka asaani kiŋa bon, nai tooma kec ileleba akimuj ŋina demuna alotooma narorokanut.

Luk. 15:13

Ani eriŋa nyelunyara ŋirwa ŋulu alalak, abu edya ŋol tocunak ŋiboro ŋulu ayakar daadaŋ, towot lobuku ece ŋolo alwanan; kirika iŋes aina ŋiboro keŋ alopite a ŋolo aronon.

Ŋitic. 13:45

Nai ani iŋolikinete Ŋiyudayan ŋasepico, min arakao nooi neni kec, kitepega erwor a Paulo ka kiyanya iŋes.

Ŋitic. 18:6

Nai ani itepegete ikes iŋes ka kirworotor iŋes neni aronon, kilakilakaa iŋes ŋilowi keŋ tema, “Ani tokona kikitubok Akuj iyes, erae ŋun ŋuna kus! Emam ŋuna akatapito ayoŋ. Ameun tokona alosi ayoŋ lotuŋa ŋulu nyerae Ŋiyudayan.”

Ŋirom. 13:13

Eboiyoto ejok ikwa ŋituŋa ŋulu eya nakica ŋina ka apaaran; olemasi adakanu kori emeret, olemasi amalao kori akiŋobel, olemasi ejiye kori arakao.

Ŋiep. 5:18

Nyimerakinosi a ŋagwe a ŋuna epedorete amunaar iyes, nai tocamakisi Etau ŋolo ka Akuj kilelebikin neni kus.

1 Pet. 2:12

Itemokino ŋipitesyo kus toruworos ŋulu ajokak alotuŋa a ŋulu nyenupito Akuj; apaki ŋina ikisitakiniata ikes iyes ebasi ŋikasecak, eyenunete ikes ŋiticisyo kus ŋulu ajokak, ido kipuro Akuj Akoloŋit ŋina ka abunore keŋ.

1 Pet. 3:16

nai kitiyata ŋun ka apatanu ka akerit. Tocayete ŋatameta kus, ikotere ani ikiyanyo kisirumae ŋileec ŋituŋa ŋulu irworosi ŋakiro ŋuna aronok aŋuna a ŋipitesyo kus a ŋulu ajokak, ikwapei ŋikewuapak ŋulu a Kristo.

2 Pet. 2:12

Irworosi ŋituŋa lu iyanyete ibore ŋini nyeyenete ikes apolou keŋ. Ikote ikes ŋityaŋ ŋulu ka ariet, ŋulu nyetamete, ŋulu euruunitae kisurumae, tomunyarae. Ikwapei ŋityaŋ ŋul, emunyarosi ikes daŋ.

2 Pet. 2:22

Ŋuna apotu kitiyakin neni kec, itoodiunito atemar iyookino ŋakitadapeta nu, “Eboŋokini iiŋok akinyam ŋalyakan keŋ” ka “Epege ŋolo adaun akilotar, eboŋori akibelibelo alocoto.”

Yud. 1:10

Nai iyanyete ŋituŋa ŋul ibore daadaŋ ŋini nyeyenete ikes apolou keŋ, ka ibore daadaŋ ŋini idounitere ikes eyenete lopite ŋolo a ŋityaŋ iŋes pei inyasuni ikes.