1 Pet. 4:3 - Ebaibul

³ Ipotu iyes yaa apaki ŋina aoyan alorwa a ŋulu alunyar itiyaete ŋuna a ŋulu nyenupito Akuj: anasiilyanut, alokibure a ŋolo a ŋawat kus, anamera ka anaronis a ŋina ilipyata ŋakujo ŋuna itiyaunitae.

1 Pet. 4:3 Iomraidhean Croise

2 Sam. 13:28

Kicik Abusalom ŋiketiyak keŋ tema, “Kiirasi! Ani emerakin Aminon nooi kedau akimat epiini, apaki ŋina akalimokinia ayoŋ iyes ebe, ‘Toara Aminon,’ emaikina iyes toara iŋes. Nyikuryaketa, meere mono ayoŋ abala iyes toara a?”

1 Ŋirw. 21:26

Abu iŋes kitiya ŋasecisya ŋuna a ŋileec nooi aŋuna abunio tolomakinia akilip neni a ŋakujo lopite ŋolo aponiata Ŋiamori kitiyata; Ŋiamori ŋulu abu Ekapolon kirita anakwap kec apaki ŋina adolunioto Ŋisirael nen.)

2 Ŋakiro a ŋirwa 15:8

Ani iirari Asa ŋakiro ŋun, ŋuna adwari Asaria lokoku ka Oded, abu atitinyu min neni keŋ. Tolema ŋitorubei a ŋakujo anakwap a Yudaya ka Benjamin daadaŋ ta alotaunio a ŋulu abu iŋes kikama anakwap a ŋina a ŋikamukumukui, a ŋina ke Epuraim. Abu iŋes todukok nabo Namuroet ŋina ke Ekapolon kiŋaren ebarasan ŋolo ayai kiŋaren Akai a Ekapolon.

Isa. 28:7

Etooliyo epiini lu daŋ, ido iteriterosi aŋuna ke epiini a ŋolo adwaran; aoliyosi ŋisacaradotin ka ŋikadwarak anakimat epiini ŋolo adwaran, esimatimataiya ikes epiini, iteriterosi aŋuna ke epiini a ŋolo adwaran; nyisiyoonokinete ŋuna isileerekini Akuj ikes anakiruja, nyetubete ŋakiro a ŋituŋa a akiyookino.

Isa. 5:11

Ekaŋ iyes ŋulu ikyenyununeete taparacu sek, aŋuna ka akiwarit ŋagwe ŋuna adwarak, iyes ŋulu ideŋonorosi eboŋ tari ŋina imerakinotor.

Isa. 65:4

a ŋituŋa a ŋulu iboiyete alotooma ŋalyalin ka iboiyete nakwaare anakiboisyo a ŋuna nyeyenio; a ŋituŋa a ŋulu enyamete akiriŋ a ŋiguruwei ka eboka ŋolo eya ŋiboorei ŋulu itoroniyaritae;

Yer. 16:11

Iboŋokini iyoŋ ikes tema, ‘Erae ŋun, anerae apotu atapapaa kus okoŋero ayoŋ, aloto akiwuap ŋakujo ŋace ka etiyanakis ŋakujo ŋun, elipa neni kec, ido akaŋero ayoŋ ka nyiwuapa ŋikisila kaŋ

Yer. 16:18

Aboŋokini ayoŋ akisican ikes nabo aŋuna ka aronis kec ka aŋuna ka asecit kec, anerae apotu ikes kitoroniyasi akwap kaŋ a ŋalyalin, a ŋamuja, a ŋakujo kec a ŋuna nyeyarete, ido elelebikis nakwap kaŋ asiilyo.

Esek. 44:6

Tolimok Ŋisirael, ŋituŋa ŋulu erae ŋikaŋerok ŋul atemar, alimu Ekapolon Akuj ŋakiro nu ebe, ‘Okoe Ŋisirael! Tojoŋoto akitiya ŋakiro daadaŋ ŋuna ka asiilyo a ŋina itiyaete iyes.

Esek. 45:9

“Alimu Ekapolon Akuj atemar, okoe ŋikepukak a Isirael, itiyata iyes akisec ŋinapei paaran, toesikisi aryenyeo ka akisicanit ŋuluce, kitiyata ŋuna ajokak ka ŋuna iyookino, tojoŋoto akirisit ŋituŋa kaŋ anakwap kec, ayoŋ Ekapolon Akuj akalimokinit iyes.”

Mar. 7:22

elomi, akiŋobel, aronis, amodiyo, ekibure ŋolo aronon, arakao, akiyany, akisupa, abaŋao;

Ŋitic. 17:30

Akitodol apaki na, abu Akuj nyimaraki ŋapakio ŋuna pa ayeniata ŋituŋa iŋes, nai tokona ecikak ŋituŋa anakwapin a daadaŋ akibelekin neni keŋ.

Ŋirom. 13:13

Eboiyoto ejok ikwa ŋituŋa ŋulu eya nakica ŋina ka apaaran; olemasi adakanu kori emeret, olemasi amalao kori akiŋobel, olemasi ejiye kori arakao.

1 Ŋikor. 12:2

Iyenete iyes atemar apaki ŋina iraakatar iyes ŋituŋa ŋulu pa inupito Akuj ŋina a kire, aponi ikitooliyor iyes alorotin a ŋulu alalak nakujo ŋace ŋuna etwakito.

1 Ŋikor. 6:11

Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.

2 Ŋikor. 12:21

Akabulit ayoŋ atemar ŋina adolunio inaa, ebuni Akuj kaŋ akisurum ayoŋ ŋileec alokiŋaren kus ka abuni nai ayoŋ akigworo aŋuna a ŋulu alalak, a ŋulu apotu toseca ŋapakio ŋuna alunyarosi toriŋa nyekiwa ŋipitesyo kec ŋulu ka aronis, ebe adoteu ka amalao.

Ŋigal. 5:19

Ileere aseconu ŋina itiya alotooma ituŋanan anakiro a nu: amalao, asiilyanut, adoteu,

Ŋigal. 5:21

akimanit, emeret, amatanu ŋagwe ka ŋace daŋ ŋuna ikote nenipei nen. Akalimokini tokona ayoŋ iyes ikwapei sek akalimokinitor: ikes ŋulu eyakatar ŋun, nyeyakaun Napukan ka Akuj.

Ŋiep. 5:18

Nyimerakinosi a ŋagwe a ŋuna epedorete amunaar iyes, nai tocamakisi Etau ŋolo ka Akuj kilelebikin neni kus.

1 Ŋites. 4:5

Meere alokibure a ŋolo aronon, ikwa ŋituŋa ŋulu a ŋakwapin ŋulu nyeyenete Akuj.

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.

1 Pet. 1:14

Ikwapei ŋidwe ŋulu ka Akuj, ŋulu ikerito iŋes, nyicamakis akiyar kus ilocokini ekibure ŋolo sek iyakatar iyes apaki ŋina ibaŋaakyata nyiyenete Ŋakiro ŋuna Ajokak.

Yud. 1:4

Anerae erepunosi kidiŋ kus ŋituŋa ŋice ŋulu eŋerito Akuj. Ilocete ikes ajokis ŋina ka Akuj yok aŋuna ka akitiya asiilyanut ka eŋerito Yesu Kristo Ekarikon ka Ekapolon yok ŋolo erae epei bon. Asubakinitae koloŋ sek atubokino aŋuna kec.