1 Pet. 4:16 - Ebaibul

¹⁶ Ani kiryamut iyes ŋican aŋuna iraakatar Ŋikristo, nyitemokino ikiruma ŋileec, nai kitalakasi Akuj, anerae ikinyaritae iyes a ekiro a Kristo.

1 Pet. 4:16 Iomraidhean Croise

Isa. 24:15

Aŋun, emaikina ŋituŋa ŋulu alo Kide kitopoloosi Ekapolon, emaikina ŋituŋa ŋulu iboiyete alodiyete anam kitopoloosi ekiro a Ekapolon Akuj a Isirael.

Isa. 50:7

Ekeŋarakinit Ekapolon Akuj ayoŋ; aŋun, emam ajokis alemar aneni kaŋ, aŋun, emam akuryanu eyai loreet kaŋ, ido ayeni ayoŋ atemar nyekesurumyo ayoŋ ŋileec,

Isa. 54:4

Nyikuryaketa, anerae nyikisirumyo iyes ŋileec nyikikadanak, anerae nyikijamuwaryo iyes. Nyitamunete nabo iyes ŋileec ŋulu iyakatar iyes eriŋa isorokaka, nyitamunete nabo iyes ŋiyany ŋulu iboiyoto iyes isibito ŋapuseru.

Ŋitic. 11:26

Ani eryamuni, yau iŋes Antiokio. Yaasi ikes ekaru daadaŋ iryamiryameneneete ka ŋikanupak, kitatama daŋ ŋituŋa ŋulu alalak. Arae Antiokio esyakinere anyarare ŋikasyomak atemar Ŋikristo.

Ŋitic. 26:28

Tema Agripa neni a Paulo, “Emam ŋuna alalak ŋuna ebucara anakiro kon akituruwor ayoŋ Ekristoit!”

Ŋitic. 28:22

Nai ikicamit isua akiirar aneni kon ŋakiro ŋuna itami iyoŋ, anerae ikiyeni isua atemar anakwap a daadaŋ itoroniarito ŋituŋa atukot ŋina iyai iyoŋ.”

Ŋitic. 5:41

Tolomasi Ŋikiyakia a Natukot elakara nooi, anerae atamete ikes atemar amaikina ikes aryamun ŋican aŋuna ke ekiro a Yesu.

Ŋipil. 1:20

eitanit ayoŋ nooi ka egeno atemar nyekerumete jik ayoŋ ŋileec, nai ayakaunor atitinyu ŋina itemokino, anapakio a daadaŋ, nooi tokona, ikwapei sek itopolooritere Kristo aŋuna kaŋ, eriŋa ayari kori katwana.

Ŋipil. 1:29

Anerae nyeinakina Akuj iyes apaki ŋina nupet Kristo bon, nai ikiinak tari apaki ŋina ka akisicanio aŋuna keŋ.

2 Tim. 1:12

erae nai Ŋakiro ŋuna Ajokak ŋunapei ŋun ikes adaŋitor ayoŋ daŋ ŋican. Nai nyekerumito ayoŋ ŋileec, anerae ayeni ayoŋ ŋini ekinyomit ka ayeni kire atemar epedori iŋes akiyok ejok ŋuna adaun akicikakin ayoŋ akitodol Akoloŋit ŋina esidyon.

Yak. 2:7

Meere mono ikes iyanyete ekiro ŋolo kerer ŋolo ikiinakinitae iyes a?

1 Pet. 2:12

Itemokino ŋipitesyo kus toruworos ŋulu ajokak alotuŋa a ŋulu nyenupito Akuj; apaki ŋina ikisitakiniata ikes iyes ebasi ŋikasecak, eyenunete ikes ŋiticisyo kus ŋulu ajokak, ido kipuro Akuj Akoloŋit ŋina ka abunore keŋ.

1 Pet. 4:11

Ituŋanan ŋini itatami, itemokino kitatam ŋakiro ŋuna ka Akuj; ituŋanan ŋini itiyae etic, itemokino iŋes kitiya ka agogoŋu a ŋina einanakini Akuj iŋes, ikotere ipuroe Akuj aloboro a daadaŋ, alotooma Yesu Kristo, ŋolo eyakar apolou ka apedor ŋina a ŋikaru ka ŋikaru. Amen.

1 Pet. 4:14

Irereŋ iyes erae kikiyanyi aŋuna iraakatar ŋikewuapak a Kristo; eyai Etau ŋolo ka apolou a ŋina ka Akuj neni kus.

1 Pet. 4:19

Aŋun, ikes ŋulu eryamunito ŋican aŋuna ka acamit a ŋina ka Akuj, itemokino torubakis itiyaete ŋuna ajokak, inakinos neni ke Ekasuban kec, a ŋolo itiyae ŋuna adau akiikin.