1 Pet. 4:10 - Ebaibul

¹⁰ Einakinit Akuj ŋinituŋanan alokidiŋ kus ŋainakineta ŋuna egelegelya; aŋun, ikwapei iraakatar iyes ŋulu iyokito ikes, kisitiyata ŋainakineta kus ejok aŋuna a ŋuluce.

1 Pet. 4:10 Iomraidhean Croise

Mat. 20:28

Ikwaŋinapei, pa abunit Lokoku a Ituŋanan akitiyanakino, nai abunit akitiyanakin ka akijal akeekiyar tolakunere ŋulu alalak.”

Mat. 24:14

Itatamio Ŋakiro ŋuna Ajokak ŋuna ka Apukan ka Akuj nakwapin daadaŋ, toyenut ŋituŋa daadaŋ, ani irikakin todolu asalunet.

Mat. 24:21

Anerae alorwa a ŋul, eyakaunosi ŋakisicaneta ŋuna nyetakanuna ŋinapei kesubia Akuj akwap tari tokona, kori nyepote nabo jik ŋican ŋul.

Mat. 24:45

“Ŋae nai erae eketiyan ŋolo aoson ŋolo kikinyoma, ŋolo aseu ekapolon keŋ apolokin ŋuluceketiyak tokoranakini akimuj edoli apaki?

Mat. 25:17

Ikwaŋinapei, eketiyan daŋ ŋolo akorakinitae ŋicweei ŋiarei, abu toryamu ŋicweei ŋice ŋiarei.

Mat. 25:44

“Eboŋokinete nai ikes daŋ temasi, ‘Ekapolon, ori ikianyunitor isua iyoŋ ikinyamit akoro kori akure, irae egela kori ileri, idyaka kori ikienitae alomabus, ido nyikiŋarakin isua iyoŋ?’

Mar. 10:45

Anerae pa abunit Lokoku a Ituŋanan akitiyanakino, nai abunit akitiyanakin ka akijal akeekiyar, toiunere ŋituŋa ŋulu alalak.”

Luk. 12:42

Toboŋok Yesu tema, “Ŋae bo erae eketiyan ŋolo aoson ŋolo kikinyoma, ŋolo iwuakini ekapolon toruwor ekapolokiniton ŋolo a ŋiketiyak keŋ, tokoranakini ikes akimuj apaki ŋina ecamitere?

Luk. 19:13

Tosodi iŋes tonyarau ŋiketiyak keŋ ŋitomon eriŋa iŋes nyerotokino, tokorak ikes ŋisiliŋa ŋitomon ŋulu etiyaunitae ke egolid itiriyanit tolimok tema, ‘Kicurutaata ikes tari ŋina aboŋunio ayoŋ.’

Luk. 8:3

Joanna, aberu a Kusa a ŋolo eyokit ŋiboro ŋulu ke Erode, ka Susanna ka ŋace ŋuna alalak ŋuna eŋaranakinete ikes a ŋiboro kec.

Ŋirom. 15:25

Nai alosi mono ayoŋ Yerusalem akiya ŋainakineta ŋadi aŋuna a ŋituŋa a ŋulu ka Akuj aina.

Ŋirom. 15:27

Erae ŋakiro ŋun ŋuna apotu ikes ŋilopeyek totubut akitiya. Erae tari amica aneni kec aŋuna a ŋituŋa a ŋul. Anerae ikwapei adauniata Ŋiyudayan akimor ka ŋulu nyerae Ŋiyudayan ŋarereŋisyo ŋuna ka Akuj, itemokino ŋulu nyerae Ŋiyudayan daŋ tomora ka Ŋiyudayan ŋarereŋisyo ŋuna a ŋiboro ka akwap.

1 Ŋikor. 15:10

Nai aŋuna ka ajokis a ŋina ka Akuj, arae ayoŋ tokona ekiyakia ka nyeruworo ajokis ŋina abu iŋes okoinak ayoŋ akoŋinait. Akilo, etiya ayoŋ nooi adepar Ŋikiyakia ŋuluce daadaŋ, tari pa kerae agogoŋu kaŋ a elope etiyae, nai ajokis ŋina ka Akuj ŋina eyai neni kaŋ.

1 Ŋikor. 3:10

Aŋuna ka ajokis a ŋina abu Akuj okoinak ayoŋ, abu etiya ikwa ekadukon ŋolo aoson, odukok akisyakinet ŋina ka akai, ido eduki ituŋanan ice akai ŋin. Nai itemokino ŋinituŋanan tocoikinete epite ŋolo edukyo akai ŋin.

1 Ŋikor. 4:7

Anerae anityaketait mono iyakar iyoŋ aneni a ŋuluce? Akuj iŋes ikiinakinit iyoŋ ŋiboro daadaŋ ŋulu iyakar iyoŋ. Ikokini nai iyoŋ ituro ai esibit nyerae ŋiboro ŋulu iyakar iyoŋ ainakinet?

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

2 Ŋikor. 9:1

Ecaryono ayoŋ akigirakin iyes abaruwa ŋina etapit ŋainakineta ŋuna iyakiyanaryo lotuŋa ŋulu ka Akuj alo Yudeya.

Ŋiep. 3:8

Arae neni kaŋ a ŋolo arae ecaryoit alotuŋa a daadaŋ a ŋulu ka Akuj aponi okoinakin ajokis ŋina limonokinet Ŋakiro ŋuna Ajokak neni a ŋulu nyerae Ŋiyudayan--ŋakiro ŋuna ka ajakaanut a Kristo a ŋina nyeŋicun etyae keŋ.

Ŋiep. 4:11

Iŋes ŋolo egiritae ebe, “Inak ŋainakineta lotuŋa”; abu inak ŋice aruwor ŋikiyakia, ŋice ŋikadwarak; ŋice aruwor ŋikalimonokinak, ŋice ŋikeyokok ŋulu a ŋatukon a Ŋikristo ka ŋiketatamak.

2 Tim. 1:18

Elipit ayoŋ Ekapolon kisyoni Onesiporo Akoloŋit ŋina esidyon! Iyeni iyoŋ nooi ŋuna abu iŋes kitiya aŋuna kaŋ alo Epeso.

Tito 1:7

Ikwapei eraakar ekarikon ŋolo a Ŋikristo epolokinit etic ŋolo ka Akuj, itemokino iŋes pa itoronitae. Nyitemokino iŋes ituro kori epatana akiŋo kori emerana kori eryenyaana kori erorokana alosiliŋa.

Ŋibur. 6:10

Erae Akuj ŋina iyookino nooi, nyimuryakini iŋes etic ŋolo itiyaete iyes. Idaut iyes akiŋarakin Ŋikristo ŋuluce ka eriŋa iŋaranakinete, ido itoodiunito iyes amina kus neni keŋ alopite a ŋol.

1 Pet. 5:10

Ani kidaut iyes aryamun ŋican ŋul, ŋulu nyeayete apaki ŋina aoyan, epedori Akuj ŋina ka ajokis a daadaŋ, ŋina ikinyarit iyes akimor apolou keŋ ŋina nyedaun alotooma Kristo, akituruwor iyes ŋulu emam aronis; ikiinakini iŋes iyes atitinyu, agogoŋu ka ikitowuoi jik.

1 Pet. 5:12

Silipano iŋes ekeŋarak ayoŋ akigir abaruwa ŋinauriyen na neni kus, ayeni ayoŋ atemar erae iŋes lokaato ŋolo ikinyoma. Acamit ayoŋ akisimukekin iyes ka akiteyenikin atemar erae ŋakiro ŋun ŋuna a kire ŋuna ka ajokis ka Akuj. Torubakisi jik anakirot a na!