1 Pet. 3:9 - Ebaibul

⁹ Nyitacakis aronis naronis, kori ŋilam ka ŋilam; nai itemokino totacakis arereŋu, anerae erae ŋakiro ŋun aponere ikinyarae iyes, ikotere iryamunete arereŋu.

1 Pet. 3:9 Iomraidhean Croise

Akisy. 42:25

Tolimu nai Yosepu tema, “Emaikina kiturakinae akimuj locweei kec ka kinyakakinae ŋisiliŋa a ŋolokile locwee keŋ, ido inakinae ikes akimuj ŋina iitana aŋuna a erot.” Aponi kitiyae ŋun aŋuna kec.

Ŋakit. 17:13

Ani kitiyae ituŋanan aronis neni a ŋulu itiyaete ajokis neni keŋ, nyiyotokini aronis alotuŋa a ituŋanan a ŋin.

Ŋakit. 20:22

Nyitema ebe, “Etiyae ayoŋ aronis neni a ŋini etiya aronis neni kaŋ;” kikinyom Ekapolon, ikiŋarakini iŋes iyoŋ.

Ŋakit. 28:10

Ituŋanan ŋini erikori ŋini iyookino akitiya aronis, elomari nakiro keŋ a ilope ŋuna aronok, nai eryamuni ŋini nyitoroniyaritae ŋiboro ŋulu alalak.

Mat. 19:29

Nabo ituŋanan daadaŋ ŋini aesiki ekeere kori ŋikaitotoi keŋ, papa keŋ, toto keŋ, aberu keŋ, ŋidwe keŋ, kori ŋamanat keŋ aŋuna kaŋ, einakinio eropit ŋolo erae amiat ŋarwa amiat, ka eryamuni akiyar ŋina nyedaun.

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Mat. 5:39

Nai akalimokini ayoŋ iyes atemar, nyitacakis aronis ka aronis. Ani kikibap iyoŋ ituŋanan lokeli ŋolo aloteten, inak iŋes ŋoloce daŋ.

Mat. 5:44

Nai tokona akalimokini ayoŋ iyes atemar, tominas ŋikusimoe ka kilipanakinete ŋulu ikisicanito iyes;

Mar. 10:17

Ani erotokini Yesu iwace, tomotun epeikile neni keŋ, toryedik alokiŋaren keŋ, kiŋit iŋes tema, “Eketataman ŋolo ajokan, nyo itemokino ayoŋ etiya oryamunia akiyar ŋina nyedaun?”

Luk. 10:25

Tosodi tonyou eketataman a Ŋikisila, kikatak Yesu tema, “Eketataman, nyo itemokino ayoŋ etiya, ikotere oryamunia akiyar ŋina nyedaun?”

Luk. 18:18

Kiŋit ekepukan ece ŋolo a Ŋiyudayan Yesu tema, “Eketataman ŋolo ajokan, nyo itemokino ayoŋ etiya oryamunia akiyar ŋina nyedaun?”

Ŋirom. 12:14

Kilipa Akuj kiterereŋ ŋulu ikisicanete iyes; ee, kilipa iŋes kiterereŋ; nyicenete ikes!

Ŋirom. 12:17

Ani kitiya ituŋanan ŋuna aronok neni kus, nyinyaŋasi ka aronis. Kikatakisi iyes akitiya ŋuna ejoikinito ŋituŋa daadaŋ.

Ŋirom. 8:28

Ikiyeni iwon atemar aloboro a daadaŋ, itiyae Akuj ŋuna ajokak kaapei ka ŋulu eminasi iŋes, ikes ŋulu adau iŋes anyarare akitiya ŋuna ecamit iŋes.

Ŋirom. 8:30

Aŋun, abu Akuj tonyarau ŋituŋa daadaŋ ŋulu aris iŋes ketyaka nawae ka ŋulu abu iŋes tonyara daŋ, abu kituruwo ŋulu iyookino alokiŋaren keŋ ka ŋulu abu iŋes kituruwo ŋulu iyookino alokiŋaren keŋ, abu kitopoloo ikes.

Ŋigal. 3:14

Abu Kristo kitiya ŋun, ikotere alotooma keŋ einakinio ŋituŋa ŋulu nyerae Ŋiyudayan ŋarereŋisyo ŋuna abu Akuj kiik neni ka Aburaam, ikotere nai toryamunere iwon ŋulu ikinupit Kristo Etau ŋolo ikiikinit Akuj.

Ŋiep. 4:32

Akilo, toruworos ŋulu irimaaka ka ŋulu iyapara alotai, kisyonios make ikwapei adaunia Akuj akisyon iyes alotooma Kristo.

1 Ŋites. 5:15

Nyitemokino iyes itacakinete aronis kan aronis, nai ŋarwa daadaŋ kikatakisi akitiya ŋuna ajokak alokidiŋ kus make ka alotuŋa a daadaŋ.

Ŋibur. 12:17

Iyenete iyes kire atemar ekaku a ŋun, abu iŋes kiitan aryamun arereŋu aneni a papa keŋ; nai aponi toŋeroe iŋes, anerae pa apedorit iŋes aryamun epite ŋolokilocokinet ŋuna sek aris iŋes kitiya, tari ŋina abunio iŋes kikalounio iwarit akilocokin.

Ŋibur. 6:14

Abu kikoŋ tema, “Kire jik eketerereŋi ayoŋ iyoŋ ka akainakini ŋipapae ŋulu alalak.”

1 Pet. 5:10

Ani kidaut iyes aryamun ŋican ŋul, ŋulu nyeayete apaki ŋina aoyan, epedori Akuj ŋina ka ajokis a daadaŋ, ŋina ikinyarit iyes akimor apolou keŋ ŋina nyedaun alotooma Kristo, akituruwor iyes ŋulu emam aronis; ikiinakini iŋes iyes atitinyu, agogoŋu ka ikitowuoi jik.

1 Sam. 26:11

Elipit ayoŋ Ekapolon ekeretak ayoŋ nyaar iŋes ŋolo erae Ekapolon abu toseu. Nai tokona, tolemu akwara ŋin ŋina edupa kwap diyete nakou keŋ ka etwo ŋolo a ŋakipi, ido apena.”