1 Pet. 3:2 - Ebaibul

² anerae iŋolikinete ikes ŋipitesyo kus ŋulu ajokak ka ŋulu ka akerit ikes.

1 Pet. 3:2 Iomraidhean Croise

Ŋiep. 5:33

Nai ikikamunito iyes daŋ ŋakigireta ŋun: itemokino ŋolokile tomina aberu keŋ, ikwaŋina eminar iŋes akuwan keŋ ke elope; itemokino ŋinaberu tokerite lokile keŋ.

Ŋiep. 6:5

Ŋipi, topupete ŋikapolok kus ŋulu ka akwap a na anakuryanu ka anamaran ka kitiyata ŋun ka ainakina lopite ŋolopei itiyanakiniata iyes Kristo.

Ŋipil. 1:27

Tokona ibore ŋini epol iŋes en: itemokino akiyar kus torae ŋina itopoloorit Ŋakiro ŋuna Ajokak ŋuna a Kristo, ikotere ani kabu kori pa kabu ayoŋ aanyun iyes, eira atemar icasito iyes jik alotooma etau epei ka iyakatar akiitanit apei ŋapakio daadaŋ ŋuna imunikinitotor iyes aŋuna ka anupit Ŋakiro ŋuna Ajokak.

Ŋipil. 3:20

Nai ikirae iwon ŋituŋa ŋulu anakuj ka idaritae Ekaiunan, Ekapolon Yesu Kristo abunore anakuj.

Ŋikol. 3:22

Ŋipi, topupete ŋikapolok kus ŋulu ka akwap a na alopitesyo a daadaŋ, meere apaki ŋina ikiteoto ikes iyes bon, anerae icamito iyes ikitojoka ikes iyes; nai kitiyata ka ainakina aŋuna ka akerit Ekapolon Yesu.

1 Tim. 4:12

Nyikijamuwa iyoŋ ituŋanan idio aŋuna iraakar iyoŋ esorokit, nai torae akitaanyikinet ŋina a ŋikanupak alorwor kon, alopitesyo kon, anamina kon, ananupit kon ka anasegis ke etau kon.

1 Pet. 1:15

Nai ikwaŋina esegia Akuj ŋina abu itonyarau iyes, itemokino iyes daŋ toruworos ŋulu asegak alopitesyo kus a daadaŋ.

1 Pet. 2:12

Itemokino ŋipitesyo kus toruworos ŋulu ajokak alotuŋa a ŋulu nyenupito Akuj; apaki ŋina ikisitakiniata ikes iyes ebasi ŋikasecak, eyenunete ikes ŋiticisyo kus ŋulu ajokak, ido kipuro Akuj Akoloŋit ŋina ka abunore keŋ.

1 Pet. 3:1

Ikwaŋinapei, iyes daŋ ŋaberu, itemokino topupete ŋikilyok kus, ikotere ani keyai ŋolo nyenupit ŋakiro ŋuna ka Akuj, kitunupa ŋipitesyo kus, tari pa kilimut iyes akirot apei daŋ,

1 Pet. 3:3

Nyitemokino iyes kisibusa ŋawat alonapitene kus ikwapei epite ŋolo iwoiyoto iyes ŋitim kori anapit ŋasuwa ŋuna amilimilak ka ŋilowi ŋulu ebusak.

2 Pet. 3:11

Ikwapei inyasunere ŋiboro lu daadaŋ alopite a lo, nyo nai itiyakin neni kus? Itemokino akiyar kus torae ŋina ajokan ŋina ecamit Akuj.