1 Pet. 3:12 - Ebaibul

¹² Anerae iteete ŋakonyen ke Ekapolon ŋulu iyookino ka epupete ŋaki keŋ ŋakilipeta kec; nai enyorididi ereet ke Ekapolon ite ŋulu itiyaete ŋuna aronok.”

1 Pet. 3:12 Iomraidhean Croise

2 Ŋakiro a ŋirwa 16:9

Ite Ekapolon akwap daadaŋ ka einakini agogoŋu neni a ŋulu eyarikinito neni keŋ. Itiya iyoŋ ŋuna ka abaŋao, ageun tokona tari moi jik, erubakinete ŋimoe ikitijiete iyoŋ.”

2 Ŋakiro a ŋirwa 7:15

Eŋolikini nai tokona ayoŋ ka apupokini ŋuna ilipete iyes anakibois a na.

Ŋikiru. 11:4

Eyai Ekapolon kai keŋ ŋina asegan, ipukat Ekapolon anakuj. Ite iŋes ŋituŋa aneni daadaŋ eya, eyeni ŋakiro ŋuna itiyaete ikes.

Ŋikiru. 33:18

Kire jik, ite Ekapolon ŋulu itopoloorito iŋes, ite Ekapolon ŋulu iwuakinito akigeno kec namina keŋ ŋina nyiryaŋiryaŋa.

Ŋikiru. 65:2

Okoe Akuj iyoŋ iboŋonokini akilip kosi, neni kon iŋes epote ŋituŋa daadaŋ akipuro iyoŋ.

Ŋikiru. 80:16

Ecunyasi ŋimoe ŋituŋa kon ka amunyasi; elipi tomunya iyoŋ ŋimoe kosi anaŋoit kon.

Ŋakit. 15:29

Nyecamuni Ekapolon akiirar akilip a ŋituŋa a ŋulu aronok, nai iiranari Ekapolon akilip a ŋituŋa a ŋulu iyookino.

Ŋakit. 15:3

Ite Ekapolon ŋuna itiyao a ŋinakibois a daadaŋ, ite Ekapolon ŋuna itiyao iwon, kerae ŋuna aronok, kori ŋuna ajokak.

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Yer. 21:10

Aŋoik ayoŋ ŋituŋa a etaun a lo aŋuna ka aronis, meere aŋuna ka ajokis. Einakinio iŋes napedor a erwosit a Babilon, ido icunyari iŋes etaun lo a akim.’ ”

Yer. 39:12

“Yau iŋes, kite iŋes ejok, nyitiya aronis adio neni keŋ, nai kitiya neni keŋ lopite ŋolo ikiŋisya iŋes iyoŋ.”

Esek. 15:7

Etekini ayoŋ ikes etoroniyarit. Tari daŋ keiuna ikes alomoe a ŋulu ke ekiŋaren, emunyarete ŋimoe ikes, ido iyenunete iyes atemar arae ayoŋ Ekapolon apaki ŋina etekinio ayoŋ ikes etoroniyarit.

Ŋilep. 17:10

“‘Ani kenyam Esiraelit edio ŋaokot kori igelaanot ŋini iboiyete ka ikes, etoroniyari ayoŋ ituŋanan ŋin eŋolikini, ido eritari iŋes alotuŋa kaŋ;

Ŋilep. 20:3

Aŋoikini ayoŋ ituŋanan ŋin, ido eritari ayoŋ ituŋanan ŋin alotuŋa keŋ, anerae anainakin iŋes ikoku keŋ neni a Molek, adau iŋes amunaar akibois kaŋ ŋina asegan ka eyany ekiro kaŋ ŋolo asegan.

Ŋilep. 20:6

“‘Ani kelot ituŋanan idio neni a ŋimurok ka neni a ŋililae amalaaniyar akiwuap ikes, aŋoikini ayoŋ ituŋanan ŋin, ido eritari ayoŋ ituŋanan ŋin alotuŋa keŋ.

Ŋilep. 26:17

Akaŋoikini ayoŋ iyes, ido ikireunete iyes ŋimoe kus; ikipukaete iyes ŋituŋa ŋulu imanito iyes, ido ibwaŋasi iyes tari kemam ŋini ikirisit.

Sakar 4:10

Nyelakara ikes tokona, anerae edit ibore ŋini etiyakin. Nai iŋolikinete ikes Serubabel erubakinit eduki Akai ka Akuj, ido elakarosi ikes.” Abu emalaika tema neni kaŋ, “Erae ŋitaae ŋulukanikaarei ŋul ŋakonyen ŋakanikaarei ŋuna ke Ekapolon ŋuna iteete akwap daadaŋ.”

Yoa. 9:31

Ikiyeni iwon atemar nyepupi Akuj ŋikasecak, epupi ŋulu ekerito iŋes bon ka ŋulu itiyaete ŋuna ecamit iŋes ikes kitiyata.

Ŋikis. 11:12

akwap ŋina erae Ekapolon Akuj kus iyoki. Ite Ekapolon Akuj kus iŋes jik, ameun anakisyakinet a ekaru tari nadaunet a ekaru.

Yak. 5:16

Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.