1 Pet. 3:11 - Ebaibul

¹¹ Itemokino iŋes toesik akitiya ŋuna aronok, ido kitiya ŋuna ajokak; itemokino iŋes kiwar ekisil a etau keŋ a daadaŋ.

1 Pet. 3:11 Iomraidhean Croise

Yob 1:1

Keyai koloŋ ekile ŋolo kenyaritae Yob, kiboi iŋes anakwap a ŋina anyaritae Us. Arae Yob ituŋanan ŋini amam ŋuna etoroniyaritere, ido etiyae ŋuna eyookino, etopoloorit Yob Akuj ka aŋerit ŋuna aronok.

Yob 2:3

Kiŋit Ekapolon Satan tema, “Anu itami iyoŋ aŋuna a eketiyan kaŋ a Yob? Mam ituŋanan anakwap ikwaanatar Yob, erae iŋes ituŋanan ŋini emam ŋuna itoroniyaritere ka erae iŋes ŋolo iyookino, ekile ŋolo itopoloorit Akuj, ŋolo eŋerit ŋuna aronok. Erubakinit iŋes iyookino, tari daŋ kicamit iyoŋ ayoŋ oremokin iŋes ka omunaiya iŋes emam ŋuna aronok ŋuna itiyat iŋes neni kaŋ.”

Yob 28:28

Tema nai Akuj neni a ŋituŋa, ‘Kire jik, akitopoloorit Ekapolon, iŋes erae aosou; akimyekin akitiya aronis, iŋes erae ayenun ŋakiro.’ ”

Ŋikiru. 125:4

Okoe Ekapolon, kitiya ŋuna ajokak neni a ŋulu ajokak, neni a ŋulu iyookino alotai kec.

Ŋikiru. 34:14

itemokino iŋes toesik akitiya ŋuna aronok, ido kitiya ŋuna ajokak; itemokino iŋes kiwar ekisil a etau keŋ a daadaŋ.

Ŋikiru. 37:27

Toŋero aronis, kitiyata ajokis; ido erubakinete ŋiletok kus iboiyete anakwap kus,

Ŋakit. 16:17

Iwuapito ŋulu iyookino ŋakiro ŋuna nyitolomarete ikes naronis, ituŋanan ŋini iyokiuno bon, iyokiunit akiyar keŋ.

Ŋakit. 16:6

Isyoni Akuj ŋasecisya a ŋituŋa erae keminanara ka kerimaaka ŋituŋa, ido ani kitopoloo ituŋanan Ekapolon, eŋeri akitiya aronis.

Ŋakit. 3:7

Nyitusubana anakonyen kon ŋini ios; kitopoloorite Ekapolon ka toesik aronis.

Mat. 5:45

ikotere nai iruworosi iyes ŋidwe a Papa kus a ŋolo eyai nakuj. Anerae itacaununui iŋes akoloŋ neni a ŋulu aronok ka neni a ŋulu ajokak. Iyakuununui akiru neni a ŋulu itiyaete ŋuna ajokak ka neni a ŋulu itiyaete ŋuna aronok.

Mat. 5:9

Erereŋ ŋulu esisilak; enyarao ikes ŋidwe ka Akuj.

Mat. 6:13

Nyikiya isua nakitemyet, nai toiunae isua aneni aronon. [Anerae apukan ka apedor ka apolou erae ŋuna kon, ŋikaru ka ŋikaru. Amen.]’

Mar. 14:7

Anerae irukito iyes ka ŋikulyak ŋirwa daadaŋ. Ipedorete akiŋarakin ikes apaki daadaŋ ŋina icamitotor. Nai nyikiruki iwon ŋirwa daadaŋ.

Luk. 1:79

ka ayau akica neni a ŋulu eyakasi nakiryonut ŋina ka asecit ka atwanare, ikitena iwon lorotin ŋulu ke ekisil.”

Luk. 6:35

Nai tominas ŋikusimoe, tojokak aneni kec ka kipotonorete tomam akiitanit atacanot. Epoloor nai eropit kus ka iruworosi ŋidwe ŋulu ka Akuj a ŋina alokidiama nooi, anerae erimaana iŋes neni a ŋulu nyelakanarosi neni keŋ ka ŋulu aronok.

Luk. 6:9

Kiŋit Yesu ikes tema, “Ekeŋisi ayoŋ iyes, nyo ecamakinitae a Lokisila akitiya akoloŋit ŋina a Sabato? Akiŋarakin kori akiwan? Akiteyar kori akiar?”

Yoa. 17:15

Nyekelipit ayoŋ iyoŋ atemar tolema ikes anakwap, nai ekelipit ayoŋ iyoŋ atemar, kiyok iyoŋ ikes aneni a ŋolo Aronon.

Ŋirom. 12:18

Kitiyata alowae kus ŋuna ipedorete, ikotere iboiyete ka ŋituŋa daadaŋ isilito.

Ŋirom. 14:17

Anerae meere Apukan ka Akuj ŋina ca imujere ka emasere, nai erae ŋina ka akiyookino ka ŋina ke ekisil ta ŋina ka alelyan a ŋina ikiinakinit Etau ŋolo Asegan.

Ŋirom. 14:19

Aŋun nai, itemokino iwon jwi jwi ekatakisi akitiya ŋuna eyaunete ekisil ka ŋuna ikiŋarakinete akitogogoŋo make.

Ŋirom. 5:1

Aŋuna tokona ikicamunere iwon alokiŋaren Akuj ikirae ŋulu ikiyookino ananupit yok, ikiyakar iwon ekisil kaapei ka Akuj alotooma Ekapolon yok Yesu Kristo.

Ŋirom. 7:19

Anerae nyetiyae ayoŋ ŋuna ajokak ŋuna acamit akitiya; nai, etiyae ŋuna aronok ŋuna nyacamit akitiya.

Ŋirom. 7:21

Aŋun, aanyu ayoŋ atemar alotooma kaŋ, itiyae ekisil lo: ani acamit ayoŋ akitiya ŋuna ajokak, ŋuna aronok bon apedori ayoŋ aseun akitiya.

Ŋirom. 8:6

Ani kikipukato iwon ŋipitesyo ŋulu ka aseconu, ikitwaki, nai kikipukat Etau ŋolo ka Akuj iwon, ikiinakini Akuj iwon akiyar ka ekisil.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋigal. 6:10

Aŋun nai, ani eriŋa iwon ikiyakar apaki ŋina ajokan, itemokino etiyata ŋuna ajokak neni a ŋituŋa a daadaŋ, akilo nooi neni a ŋulu erae ŋikanupak ikwa iwon.

Ŋikol. 3:15

Kimyekisi ekisil ŋolo a Kristo ikipuka iyes alotai kus--ekisil ŋolo aponere itonyaraunere iyes aruwor akuwan apei. Itemokino tolakaros neni ka Akuj.

1 Tim. 6:18

Tolimok ikes kitiyata ŋuna ajokak, tobarito aloticisyo a ŋulu ajokak ka totenito akimor ŋiboro kec ka ŋuluce anarimao.

Ŋibur. 12:14

Toŋirikisi akisil ka ŋinituŋanan daadaŋ ka toŋirikisi akiboi anakiyar a ŋina Asegan, anerae emam ituŋanan eanyuwari Ekapolon emam ŋun.

Ŋibur. 13:16

Nyikimuryak akitiya ŋuna ajokak ka akimor ŋiboro kus, anerae ŋamuronisya ŋun ikes italakarito Akuj.

Yak. 4:17

Aŋun, ituŋanan ŋini eyeni ŋuna itemokino kitiyae, nai nyitiyak, aruwor ŋun asecit aneni keŋ.

1 Pet. 3:12

Anerae iteete ŋakonyen ke Ekapolon ŋulu iyookino ka epupete ŋaki keŋ ŋakilipeta kec; nai enyorididi ereet ke Ekapolon ite ŋulu itiyaete ŋuna aronok.”

3 Yoa. 1:11

Ekaakone ŋolo minat, nyiroku ŋuna aronok, nai toroku ŋuna ajokak. Ituŋanan ŋini itiyae ŋuna ajokak, erae ŋini ka Akuj, ituŋanan ŋini itiyae ŋuna aronok, nyeanyuna iŋes Akuj.

Ŋikat. 11:14

Kiyakiya nabo Yepesa ŋikilyok neni a erwosit a Ŋiamoni,