1 Pet. 3:10 - Ebaibul

¹⁰ Ikwaŋinapei igiritere Nakigireta atemar, “Ituŋanan ŋini ecamit ayakau nakiyar ŋina ajokan, ka kiitanite aanyun ŋarwa ŋuna ka alakara, itemokino iŋes toesik akirworo ŋakiro ŋuna aronok ka akisud ŋakiro.

1 Pet. 3:10 Iomraidhean Croise

Yob 2:4

Toboŋok nai Satan Ekapolon tema, “Mati kibula ituŋanan ŋaokot! Epedorete ŋituŋa akijal ibore daadaŋ ŋini eyakatar aŋuna ka aiunia akiyar kec.

Yob 33:28

Alaku iŋes akiyar kaŋ anakibois a ŋikatwak, ido eŋolikini ayoŋ anakiyar kaŋ akica.’

Yob 9:25

“Ekerete ŋirwa a akiyar kaŋ atipei, akilo tari neni ekerya ekakeran ŋolo apiranan; elunyete atipei, mam ajokis eŋolyaanakini ayoŋ anakiyar kaŋ.

Ŋikiru. 106:5

ikotere ayoŋ eŋolikini ŋituŋa kon ŋulu seuna, ikotere alelyani analakara a ŋituŋa a ŋulu ka akwap kon, emorikinos ka ikes ikipuro iyoŋ.

Ŋikiru. 27:13

Anupit ayoŋ atemar eŋolikini ajokis ŋina ke Ekapolon, anakwap a na a ŋina eyakae isua.

Ŋikiru. 49:19

elosete ikes akimorikin ka atapapaa kec, ŋulu emam nabo jik nyiŋolikinete akica.

Ŋakit. 3:18

Erae aosou ekitoe ŋolo ka akiyar aneni a ŋulu einakina neni ka aosou, eryamunete ŋulu einakina neni ka aosou ŋarereŋisyo.

Ŋakit. 3:2

anerae ikiinakinete ŋakiro ŋun iyoŋ akiyar ŋikaru ŋulu alalak ka ikiinakinete akitiya ŋinibore ejok.

Ŋakit. 4:22

Erae ŋakiro ŋun akiyar aneni a ŋulu eyenunete ŋakiro ŋun, erae aŋaleu daadaŋ ŋina a ŋawat kec.

Ŋakit. 8:35

Iŋes daadaŋ ŋini akaryamuni ayoŋ, aryamu akiyar, iŋes daadaŋ ŋini akaryamuni ayoŋ aruwor ŋini ejok aneni a Ekapolon.

Ekal. 2:3

Abu ayoŋ ekatak aryamun alakara anakimat epiini ka ainakin naboŋao, nai ariŋa ŋatameta kaŋ eketenito ayoŋ alotooma aosou. Atamakinit ayoŋ atemar erae ŋol epite ŋolo ajokan nooi ŋolo epedoryata ŋituŋa akiboiyo anakwap a na alotooma ŋirwa ŋulu ka akiyar kec ŋulu euruwuaka.

Mat. 19:17

Toboŋok Yesu iŋes tema, “Nyo ikiŋisitor iyoŋ ayoŋ ibore ŋini ajokan? Eyai epei bon ŋolo ejok. Ani kicamit iyoŋ alomar nakiyar, kiric Ŋakiciketa.”

Mar. 8:35

Ituŋanan ŋini ecamit aiun akiyar keŋ, itotwaniari, nai ŋini itotwaniyari akiyar keŋ aŋuna kaŋ ka aŋuna a Ŋakiro a ŋuna Ajokak, eiuni.

Yoa. 1:47

Ani iŋolikini Yesu Nasaniel ebunit neni keŋ, tolimok ŋikasyomak keŋ tema, “Erae lo Esiraelit ŋolo a kire! Emam amodiyo aneni keŋ!”

Yoa. 12:25

Ituŋanan ŋini emina akiyar keŋ, itotwaniyari, nai ŋini ejali akiyar keŋ anakwap a na, eiuni ikotere akiyar ŋina nyedaun.

Ŋikis. 32:47

Nyerae ŋakiro ŋun ŋakoŋinae, erae ŋakiro ŋuna ka akiyar kus, ŋakiro ŋun iŋes ipedoryata iyes akiyar apaki ŋina aoyan anakwap a ŋina idokarete iyes alokekwaye a ŋolol Yorodan akituruwor ŋina kus.”

Yak. 1:26

Ani ketami idiotuŋanan atemar iwuapit iŋes ŋakiro ŋuna ke edin, nai nyetubit akeeŋajep, erae edin keŋ ŋolo a koŋin, nabo emodyanakin iŋes bon.

1 Pet. 2:1

Toesikisi aronis daadaŋ; tojoŋoto alyokonu, ŋisoswae, ka arakao ta ŋakiro a ŋiyany daadaŋ.

1 Pet. 2:22

Nyeseca iŋes ka emam ituŋanan ipei daŋ ŋini abu kiira elimuni iŋes alyokonu.

Akis. 14:5

Emam nyiirara adiolyokonu aneni kec, emam adioronis aneni kec.