1 Pet. 2:9 - Ebaibul

⁹ Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

1 Pet. 2:9 Iomraidhean Croise

Ŋikiru. 106:5

ikotere ayoŋ eŋolikini ŋituŋa kon ŋulu seuna, ikotere alelyani analakara a ŋituŋa a ŋulu ka akwap kon, emorikinos ka ikes ikipuro iyoŋ.

Ŋikiru. 118:27

Erae Ekapolon Akuj, ikiinak iŋes iwon akica. Kisyakisi ŋasuban itiŋito ŋaten, kirimokisi Namuroet ilosete.

Ŋikiru. 135:4

Abu Ekapolon toseu Yakob aruwor ituŋanan keŋ, abu Ekapolon toseu Ŋisirael aruwor ŋituŋa keŋ a elope.

Ŋikiru. 22:30

Itiyanakinete iŋes ŋanyameta daadaŋ ŋuna eponito, elimonokinio ŋanyameta daadaŋ ŋuna eponito ŋakiro ke Ekapolon.

Ŋikiru. 33:12

Erereŋ akwap ŋina erae Akuj Ekapolon keŋ erereŋ ŋituŋa ŋulu aseu Ekapolon aruwor ŋituŋa keŋ.

Ŋikiru. 73:15

Kerae otemarite ayoŋ, “Arubakini ayoŋ atamatamae ŋakiro ŋun,” pa karae ayoŋ ŋolo eyookino alokidiŋ ŋituŋa kon Akuj.

Isa. 26:2

Toŋaasi ŋipukei, ikotere elomunete ŋituŋa a akwap a ŋina iyookino ŋituŋa keŋ, ŋituŋa ŋulu iricito ŋuna ka akikinyoma.

Isa. 41:8

Nai iyes Ŋisirael, ŋituŋa kaŋ, iyes ŋiletok a Yakob ŋulu adau ayoŋ aseun, iyes ŋiletok ka Aburaam a ekone kaŋ;

Isa. 42:16

Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Isa. 44:1

Kiirasi tokona, okoe iyes ŋiletok a Yakob a eketiyan kaŋ, kiirasi tokona, okoe Ŋisirael ŋituŋa kaŋ ŋulu adau ayoŋ aseun.

Isa. 61:6

Nai ikinyarao iyes ŋisacaradotin a Ekapolon ikinyarao iyes ŋiketiyanakinak Akuj yok. Ileileete iyes ebari a ŋakwapin, iturokinosi iyes aŋuna a ebari kec.

Isa. 62:12

Enyarao ikes, ‘Ŋituŋa ŋulu ka Akuj, ŋituŋa ŋulu alakuni Ekapolon,’ ido enyarao Yerusalem, ‘Etaun ŋolo apolon ŋolo emina Ekapolon. Etaun ŋolo eyakasi ŋituŋa.’ ”

Isa. 66:21

Eturuwori ayoŋ ikes ŋice ŋisacaradotin ka ŋilepi.

Isa. 9:2

Eŋolikis ŋituŋa ŋulu sek ayakasi nakiryonut akica ŋina apolon. Acaiki akica ŋituŋa ŋulu sek eboiyete anakiryonut a ŋinakiryonon cuc.

Mal. 3:17

Ebala Ekapolon ŋolo Etiron ebe, “Eruworosi ikes ŋulu kaŋ, ani edoli akoloŋit ŋina eturuworya ayoŋ ikes ŋituŋa kaŋ a elope, nyaari ayoŋ ikes, esyoni ayoŋ ikes lopite ŋolo epedorya papa akisyon lokoku keŋ ŋolo itiyanakini iŋes.

Mat. 4:16

Aanyuwasi ŋituŋa ŋulu eboiyete anakiryonut akica ŋina apolon, tari ŋulu eboiyete alotorube a ŋolo ka atwanare, enuaku akica ikes.”

Mat. 5:16

Ikwaŋinapei, itemokino akica kus tocai kileere alotuŋa, ikotere ikes eanyuwarete ŋiticisyo kus ŋulu ajokak, kipuro Papa kus ŋolo eyai nakuj.

Luk. 1:79

ka ayau akica neni a ŋulu eyakasi nakiryonut ŋina ka asecit ka atwanare, ikitena iwon lorotin ŋulu ke ekisil.”

Yoa. 17:19

Aruwor ayoŋ ŋolo akatyakunitae aŋuna kec, ikotere toruworos ikes daŋ ŋulu seuna anakirot a ŋina a kire.

Ŋitic. 20:28

Kimukeuna make ka kiyoko esipan daadaŋ ŋolo ecikak Etau ŋolo Asegan nakan kus. Toraakas ŋikeyokok ŋulu ka atukot a ŋina a ŋikanupak Akuj, ŋina abu iŋes kituruwo ŋina keŋ a ŋaokot a Lokoku keŋ.

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

Ŋitic. 26:28

Tema Agripa neni a Paulo, “Emam ŋuna alalak ŋuna ebucara anakiro kon akituruwor ayoŋ Ekristoit!”

Ŋirom. 9:24

Erae iwon ŋituŋa ŋul; abu iŋes ikinyara iwon alobukui a daadaŋ, meere aneni a Ŋiyudayan bon.

1 Ŋikor. 3:17

Ituŋanan ŋini emunaari Akai ka Akuj, emunaari Akuj iŋes daŋ, anerae erae Akai ka Akuj ŋina keŋ bon ka iyes pei iraakasi Akai keŋ.

Ŋiep. 1:14

Etau ŋol iŋes erae akitoodikinet neni yok atemar eryamunio iwon ŋarereŋisyo ŋuna adau Akuj akiikin neni a ŋituŋa keŋ apaki ŋina elakunia Akuj ŋituŋa keŋ jik, ikotere nai kipuroe apolou keŋ.

Ŋiep. 1:6

Ikotere iwon ikipuri iŋes aŋuna ka ajokis keŋ a ŋina apolon, a ŋina erae ainakinet keŋ ŋina a Lokoku keŋ a ŋolo minat!

Ŋiep. 3:21

Toyai neni keŋ apolou aneni a Ŋikristo anakimorikina ka Yesu Kristo ananyameta a daadaŋ, ŋikaru ka ŋikaru! Amen.

Ŋikis. 10:15

abu iŋes tominak atapapaa kus bon ka abu ikiseu iyes, ŋulu irae ŋiletok kec alotuŋa daadaŋ, lopite ŋolo eyakatar ŋakiro tokona.

Ŋikis. 14:2

anerae irae iyes ŋituŋa ŋulu asegak aneni ke Ekapolon Akuj kus, iyes ikiseu Ekapolon alotuŋa a ŋakwapin a daadaŋ aruwor ŋulu keŋ, ŋituŋa keŋ ŋulu emina iŋes nooi.

Ŋikis. 18:2

nai nyeryamunete ikes akwap ŋina eruwor ŋina kec lopite ŋolo eryamuniata Ŋisirael ŋuluce; Ekapolon iŋes erae akorakinet kec, lopite ŋolo eikinitor Ekapolon ikes.

Ŋikis. 4:20

Nai abu Ekapolon ikiyau iyes alo Ijipit aneni ikisicanitere iyes nooi, ikotere iruworosi ŋituŋa keŋ a elope, lopite ŋolo iraakatar ŋulu keŋ tokona.

Ŋikis. 7:6

anerae irae iyes ŋituŋa ŋulu asegak aneni ke Ekapolon Akuj kus, irae iyes ŋituŋa ŋulu ikiseu Ekapolon Akuj kus alotuŋa a ŋakwapin a daadaŋ anakwap aruwor ŋituŋa keŋ a alope, ŋituŋa keŋ ŋulu emina iŋes nooi.

Ŋipil. 3:14

Aŋun, aŋirikinit nooi akerit kiŋaren akitodol tari naŋetakinet, ikotere oryamu eropit ŋolo erae anyarit ŋina ka Akuj alotooma Yesu Kristo, nakiyar ŋina alokidiama.

Ŋikol. 1:13

Abu iŋes ikilaku iwon anapedor a ŋina ka akiryonut ka ikilopa iwon Napukan a Lokoku keŋ a ŋolo minat,

2 Tim. 1:9

Abu iŋes ikiu ka ikinyara iwon aruwor ŋituŋa keŋ ka alope, meere aŋuna ikidau iwon akitiya, nai aŋuna ka acamit ka ajokis keŋ. Eriŋa akwap nyesubuna, abu iŋes ikiinak iwon ajokis ŋin alotooma Yesu Kristo,

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

1 Pet. 1:2

Ikiseu iyes Akuj Papa anayenut keŋ a daadaŋ ka ikituruwo ŋituŋa ŋulu ikiteseg Etau keŋ, akiwuap Yesu Kristo ka ikitesegun a ŋaokot keŋ. Tolalaar aneni kus ajokis ka ekisil!

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

1 Pet. 4:11

Ituŋanan ŋini itatami, itemokino kitatam ŋakiro ŋuna ka Akuj; ituŋanan ŋini itiyae etic, itemokino iŋes kitiya ka agogoŋu a ŋina einanakini Akuj iŋes, ikotere ipuroe Akuj aloboro a daadaŋ, alotooma Yesu Kristo, ŋolo eyakar apolou ka apedor ŋina a ŋikaru ka ŋikaru. Amen.

Akis. 1:6

Ikituruwo iŋes iwon apukan ŋina a ŋisacaradotin a ŋulu itiyaete neni ka Akuj a Papa keŋ. Toyai apolou ka apedor neni a Yesu Kristo ŋikaru ka ŋikaru! Amen.

Akis. 20:6

Elakara ka erereŋ nooi ŋulu imarakinitae nayarun alokatwak ŋina esyaunan! Nyetapi atwanare ŋina a ŋaarei ikes, eruworosi ikes ŋisacaradotin ŋulu ka Akuj ka ŋulu a Kristo, kipukata ka iŋes ŋikaru aliput apei.

Akis. 5:10

Ituruwo iyoŋ ikes apukan a ŋisacaradotin ŋulu ka Akuj yok, ipukaete ikes akwap.”

1 Sam. 12:22

Aŋuna a ekiro keŋ a ŋolo epol nooi, nyeŋeri Ekapolon ŋituŋa keŋ, anerae abu iŋes tolakar ikituruwo iyes ŋituŋa keŋ.