1 Pet. 2:8 - Ebaibul

⁸ ka daŋ “Amoru ŋin iŋes eguwanakini ŋituŋa, ataaba ŋina ibusonokini ikes.” Abu kiguki ikes, anerae awounete akinup akirot ŋina ka Akuj; arae ŋun ŋuna acamit Akuj kitiyakin neni kec.

1 Pet. 2:8 Iomraidhean Croise

Yob 23:14

Isiyookini iŋes ŋuna adau ayeun aŋuna kaŋ, eyakar iŋes ŋayeununiyeta ŋuna alalak ŋuna ikote ŋun.

Awos. 9:16

Nai ŋakiro nu ikes pa akaarya ayoŋ iyoŋ: Erae aŋuna ka akisitiya iyoŋ etoodiunia apedor kaŋ ka ikotere kiseraere ekiro kaŋ anakwap a daadaŋ.

Isa. 37:26

“Nyiirara iyoŋ atemar abu ayoŋ oyeu koloŋ sek atemar kitiyakin ŋun a? Aberakin koloŋ sek ayoŋ ayeun ŋuna tokona emaikina kitiyakin; kituruwo iyoŋ ŋitaunio ŋulu eya ŋaduketa ŋunajiet ŋatukon a ŋamoru koŋin,

Isa. 57:14

Iiraryo ŋituŋa ebasi, “Todukokisi, todukokisi, kitemonokisi erot, tolemasi ibore daadaŋ ŋini epedori akiretakin ŋituŋa kaŋ alorot kec.”

Isa. 8:14

Ekapolon iŋes eruwor asegis, amoru ŋina iguwanakini ŋituŋa a Yudaya ka Isirael ka ataaba ŋina ibusonokini ikes. Eruwor iŋes aloc ka auno ŋinakisurumet ŋituŋa ŋulu iboiyete alo Yerusalem;

Luk. 2:34

Kiterereŋ Simeon ikes, tolimok nai iŋes Maria toto a Yesu tema, “Aseu Akuj ikoku en, ikotere inyasunotor ŋikalalak ka ikotere eiunotor ŋikalalak alo Isirael. Erae daŋ iŋes akitaanyikinet aneni ka Akuj ŋina epegete ŋikalalak,

Ŋirom. 9:22

Ŋuna etiya Akuj lotuŋa, ikote kire nenipei. Acamit iŋes akitoodiun akeenyunyura ka akiteyenun apedor keŋ neni a ŋulu etemokino tomunyarae. Tari kikote nen abu iŋes totitinyik nooi ka kidaŋidaŋ aronis a ŋulu adikino eryamunete anyunyura keŋ.

1 Ŋikor. 1:23

Nai tolimonokinetei bo isua ŋuna a Kristo a ŋolo aponi kibubukinoe, ŋolo erae akigukinet ananupit aneni a Ŋiyudayan ka ŋolo erae abaŋao alotuŋa a ŋulu nyerae Ŋiyudayan.

2 Ŋikor. 2:16

Aneni a ŋice, erae eure ŋolo ka atwanare ŋolo eyauni atwanare; aneni a ŋice, erae eure ŋolo ka akiyar, ŋolo eyauni akiyar. Ŋae epedori akitiya ŋiticisyo ŋulu ikote ŋul?

Ŋigal. 5:11

Nai aneni kaŋ ŋikaitotoi, ani karubak ayoŋ alimonokini atemar iitana akileŋeryo, kaanukiro bo eriŋa ŋituŋa ekesicanitotor ayoŋ? Kerae kikote nen, pa kepedorito ŋakiro ŋuna ka atwanare a Kristo alomusalaba ayaun ŋatyokisyo.

1 Ŋites. 5:9

Pa ikiseuni iwon Akuj aryamun ŋican ŋulu ka anyunyura keŋ, nai aryamun aiuno alotooma Ekapolon yok Yesu Kristo.

1 Pet. 2:6

Anerae ebasi Ŋakigireta ebala Akuj, “Topupokisi! Ewuak ayoŋ amoru tooma Sion, amoru ŋina itogogoŋit akai alokoona, ŋina eseunitae, ŋina epol egyelit. Iŋes ŋini enupi iŋes, nyisurumyo ŋileec.”

1 Pet. 2:7

Epol egyelit ŋolo ka amoru a ŋin nooi aneni kus a ŋulu inupito Yesu, nai aneni a ŋulu nyenupito, ebasi Ŋakigireta, “Amoru ŋina aŋerete ŋikadukok, iŋes tokona itogogoŋit akai alokoona;”

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!

Yud. 1:4

Anerae erepunosi kidiŋ kus ŋituŋa ŋice ŋulu eŋerito Akuj. Ilocete ikes ajokis ŋina ka Akuj yok aŋuna ka akitiya asiilyanut ka eŋerito Yesu Kristo Ekarikon ka Ekapolon yok ŋolo erae epei bon. Asubakinitae koloŋ sek atubokino aŋuna kec.