1 Pet. 2:7 - Ebaibul

⁷ Epol egyelit ŋolo ka amoru a ŋin nooi aneni kus a ŋulu inupito Yesu, nai aneni a ŋulu nyenupito, ebasi Ŋakigireta, “Amoru ŋina aŋerete ŋikadukok, iŋes tokona itogogoŋit akai alokoona;”

1 Pet. 2:7 Iomraidhean Croise

Isa. 28:5

Akoloŋit ŋin eruwor Ekapolon ŋolo a ŋajoresyo aikit a ŋatur ŋina apolon ka ebokot ŋolo ka akibuses aneni a ŋipiya a ŋituŋa keŋ,

Agai 2:7

Eiŋiiŋakini ayoŋ ŋakwapin daadaŋ, ikotere ebari a ŋakwapin a daadaŋ ebuni, ido elelebik ayoŋ akibuses Kai na.

Sakar 4:7

Eŋopiyarete aneni a Serubabel ŋatyokisyo ŋuna apolok nooi ŋuna etya ŋimoru. Edukokini iŋes nabo Akai ka Akuj, ido apaki ŋina edukokinia iŋes amoru ŋina esidyon, ecelunete ŋituŋa temasi, ‘Ibus nooi! Ibus nooi!’ ”

Mat. 21:42

Tolimok Yesu ikes tema, “Nyesyoma iyes ŋuna igiritae Nakigireta atemar, ‘Amoru ŋina koloŋ aŋerete ŋikadukok, iŋes tokona itogogoŋit akai alokoona a? Ekapolon elope etiyae nu, erae ŋakiro nu ŋuna etalakarak ŋuna ikite iwon!’

Luk. 2:32

Akica ŋina ecaikini lobukui ŋulu nyerae Ŋiyudayan, ka ŋina erae akipuro ŋina a ŋituŋa kon Isirael.”

Luk. 2:34

Kiterereŋ Simeon ikes, tolimok nai iŋes Maria toto a Yesu tema, “Aseu Akuj ikoku en, ikotere inyasunotor ŋikalalak ka ikotere eiunotor ŋikalalak alo Isirael. Erae daŋ iŋes akitaanyikinet aneni ka Akuj ŋina epegete ŋikalalak,

Luk. 20:17

Kiŋolik Yesu ikes tolimok tema, “Nyo nai apolou a ŋakiro a ŋuna igiritae Nakigireta ikona? ‘Amoru ŋina koloŋ aŋerete ŋikadukok, iŋes tokona itogogoŋit akai alokoona!’

Yoa. 4:42

Tolimokis ŋituŋa ŋul aberu ŋin temasi, “Meere ŋakiro kon bon tokona ikinupitor isua iŋes, nai ikiira isua ŋilopeyek atemar, erae lo kire Ekaiunan ŋolo ka akwap.”

Ŋitic. 26:19

“Aŋun, erwosit Agripa, abu ayoŋ nyawou akiwuap atakanikinet ŋina anakuj.

Ŋirom. 10:21

Nai arae a ŋuna a Ŋisirael abaakar Isaya ebe, ebala Akuj, “Ŋapakio daadaŋ abu ayoŋ ebaki ŋakan kaŋ neni a ŋituŋa a ŋulu nyakakerito ka ŋulu akaŋerito ayoŋ.”

Ŋirom. 15:31

Elipa, ikotere oiun ayoŋ alotuŋa a ŋulu alo Yudaya a ŋulu nyenupito ka daŋ ikotere tocamut ŋituŋa ŋulu ka Akuj alo Yerusalem ŋuna etiyae ayoŋ.

2 Ŋikor. 2:16

Aneni a ŋice, erae eure ŋolo ka atwanare ŋolo eyauni atwanare; aneni a ŋice, erae eure ŋolo ka akiyar, ŋolo eyauni akiyar. Ŋae epedori akitiya ŋiticisyo ŋulu ikote ŋul?

Ŋikol. 2:10

ka adaun ainakin iyes akiyar ŋina ileleba anakimorikina kus ka iŋes. Epolokinit iŋes ŋipyan daadaŋ ŋulu ipukato ka ŋikapolok daadaŋ.

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.

Ŋibur. 11:31

Anupit iŋes ejaunia amalaat ŋina anyaritae Raab ŋirototin ŋulu a Ŋisirael; aŋun aponi nyeari iŋes ikwa ŋituŋa ŋuluce ŋulu aŋerito Akuj.

Ŋibur. 4:11

Ekatakisi nai tokona iwon nooi anacamit alomar nakieŋun ŋin, ikotere nyekuruwo idiotuŋanan alomar nakieŋun ŋin ikwa abunio tokuruworya ŋituŋa ŋulu koloŋ, aŋuna pa anupitotor ŋakiro ka Akuj.

1 Pet. 1:8

Iminasi iyes iŋes tari pa kianyunito; inupito iyes iŋes tari pa kiteete iŋes. Ilelyanete iyes ka alelyan a ŋina apolon nooi a ŋina nyepedoryo alimun;

1 Pet. 2:4

Potu neni ke Ekapolon, a ŋolo erae amoru ŋina eyari, ŋina aŋerete ŋituŋa ebasi erono, nai aseunit Akuj iŋes erae ŋina epol egyelit.

1 Pet. 2:8

ka daŋ “Amoru ŋin iŋes eguwanakini ŋituŋa, ataaba ŋina ibusonokini ikes.” Abu kiguki ikes, anerae awounete akinup akirot ŋina ka Akuj; arae ŋun ŋuna acamit Akuj kitiyakin neni kec.