1 Pet. 2:21 - Ebaibul

²¹ Ŋakiro nu ikes ikinyaraa iyes Akuj, anerae abu Kristo elope toryamu ŋican aŋuna kus ka itoesikinia iyes akitaanyikinet, ikotere totupyata iyes ŋikukus keŋ.

1 Pet. 2:21 Iomraidhean Croise

Ŋikiru. 85:13

Erubakini akiyookino eyai kiŋaren Akuj aŋuna ka akitemonokin neni itori iŋes.

Mat. 10:38

ka ŋini nyeryoŋi emusalaba keŋ ekewuapak ayoŋ, nyitemokino aruwor ekewuapan kaŋ.

Mat. 11:29

Tolemasi ayokot kaŋ tonapa ka kisisyata aneni kaŋ; anerae apatana ka eyapara ayoŋ alotau, ido iryamunete akieŋun ŋina a ŋitai kus.

Mat. 16:24

Tolimok nai Yesu ŋikeekasyomak tema, “Ŋinituŋanan ecamit akiwuapakin ayoŋ, itemokino toŋero bon, toryoŋ emusalaba keŋ, ekewuapak ayoŋ.

Luk. 24:26

Nyiyenete iyes atemar etemokino Kristo toryamu ŋican, ikotere tolomarya napolou keŋ a?”

Yoa. 13:15

Adau ayoŋ ainakin iyes akitaanyikinet, ikotere kitiyata iyes daŋ ikwaŋina adaunia ayoŋ akitiya neni kus.

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Ŋitic. 14:22

Kitogogoŋo ikes ŋikanupak, kisimukekis arubakin ananupit. Kitatama ikes ŋikanupak ebe, “Itemokino iwon etoro locan ŋulu alalak, eriŋa nyelomara Napukan ka Akuj.”

Ŋitic. 17:3

Kisileerek ka kitoodik ikes atemar etemokino Kristo toryamu ŋican ka toyaru alokatwak. Tolimu Paulo tema, “Yesu lo, ŋolo eserae ayoŋ neni kus, iŋes erae Kristo.”

Ŋitic. 9:16

Etoodikini ayoŋ elope iŋes etyae ŋolo a ŋican a daadaŋ a ŋulu itemokino iŋes toryamu aŋuna ke ekiro kaŋ.”

Ŋirom. 8:29

Abu Akuj keseu ŋituŋa ŋulu sek aris ketyaka nawae toyakaunos ikwaŋina eyakar Lokoku keŋ, ikotere nai Lokoku keŋ eruwor ŋolo eŋarenon alokidiŋ ŋikaitotoi ŋulu alalak.

1 Ŋikor. 11:1

Kituputoe ayoŋ, ikwapei etupusyo ayoŋ daŋ Kristo.

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

Ŋipil. 2:5

Toyakatar ŋatameta ŋuna ikote ŋun, ŋuna ayakar Yesu Kristo:

1 Ŋites. 3:3

ikotere nai nyejamak idio alokidiŋ kus anupit keŋ aŋuna a ŋakisicaneta a ŋun. Iyenete iyes ŋilopeyek atemar erae ŋican ŋul ŋulu acamaki Akuj atemar kitiyakinos neni yok.

1 Ŋites. 4:2

Anerae iyenete iyes ŋuna aponi isua itolimokin iyes alokiro ke Ekapolon Yesu.

2 Tim. 3:12

Kire, ŋulu daadaŋ ecamito akiboi anakiyar a ŋina ecamit Akuj anakimorikina ka Yesu Kristo, eryamunete ŋakisicaneta.

Ŋibur. 2:10

Etemokino kire Akuj ŋina erae neni keŋ eponitotor ŋiboro daadaŋ ka erae ŋiboro daadaŋ aŋuna keŋ kituruwo Yesu ŋolo iyookino kire alotooma ŋican, ikotere eyauni ŋidwe ŋulu ka Akuj ŋulu alalak napolou keŋ. Anerae Yesu itenari ikes naiuno.

1 Pet. 1:20

Abu Akuj toseu iŋes eriŋa nyesubuna akwap ka aponi kitoodiunae iŋes aŋuna kus ŋirwa lu ŋulu esidyok.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.

1 Pet. 3:9

Nyitacakis aronis naronis, kori ŋilam ka ŋilam; nai itemokino totacakis arereŋu, anerae erae ŋakiro ŋun aponere ikinyarae iyes, ikotere iryamunete arereŋu.

1 Pet. 4:1

Ikwaŋina abunio Kristo toryamunia ŋican alokuwane, itemokino iyes daŋ kitogogoŋos alopite a ŋolo atamya iŋes; ituŋanan ŋini aryamu ŋican alokuwane, amulen iŋes asecit.

1 Pet. 4:13

Nai itemokino iyes tolakara aŋuna imoryata ŋican ŋulu a Kristo, ikotere nai iruworosi ŋulu ileleba alelyan apaki ŋina isileereunere apolou keŋ.

1 Yoa. 2:6

Ituŋanan ŋini ebala, “Ikirukit ka Akuj,” itemokino iŋes iboi ikwaŋina eboiyo Yesu Kristo.

1 Yoa. 3:16

Epite lo ikiyenia iwon amina: abu Kristo tojal akiyar keŋ aŋuna yok. Ojala iwon daŋ akiyar yok aŋuna a ŋikaitotoi yok!

Akis. 12:11

Apotu ŋikaitotoi yok kilout iŋes a ŋaokot a ŋuna a Imesek ka aŋuna a ŋakiro a ŋuna eteyenunete ikes; anerae acamunito ikes akijal akiyar kec, totwaka.