1 Pet. 2:11 - Ebaibul

¹¹ Ŋikaitotoi kaŋ ŋuluminan, ekemaimai ayoŋ iyes, ŋulu irae ŋigelae ka ŋikawuotok: toŋero ekibure ŋolo a ŋawat kus ŋolo itojiye etau a ŋinapaki.

1 Pet. 2:11 Iomraidhean Croise

Akisy. 21:34

Kiboi Aburaam anakwap a Ŋipilistin apaki ŋina aoyan arae ituŋanan ŋinigela.

Akisy. 23:4

“Arae ayoŋ egela, ŋolo abunit aiwace, ido ikiboi ka iyes, inakinae ayoŋ ŋadilup ogyel onukanakini ŋikatwak, onukak daŋ tokona aberu kaŋ ojoŋo akitere.”

Akisy. 47:9

Toboŋok Yakob Parao tema, “Erae ŋikaru kaŋ anakwap a na amiat apei ka ŋatomoniuni. Ekudyoko ka etyoko ŋikaru ŋulu a akiyar kaŋ ŋul, nyikwaan ka ŋikaru a akiyar atapapaa kaŋ apaki ŋina awosyata akaoyan.”

1 Ŋakiro a ŋirwa 29:15

Iyeni iyoŋ Ekapolon atemar ikilosi isua anakiyar a na ikwa ŋipeyok ka ŋigelaanotin lopite ŋolo koloŋ atapapaa kosi. Ikwaan ŋirwa kosi anakwap ka etorube, ido ikimamukar isua akigeno.

Ŋikiru. 119:19

Eboi ayoŋ anakwap arae igelaanot; nyiwua aneni kaŋ ŋakiciketa kon.

Ŋikiru. 119:54

ŋakiro ŋuna itubunit iyoŋ ikes aeo ayoŋ aneni daadaŋ eboikin.

Ŋikiru. 39:12

Kiira akilip kaŋ okoe Ekapolon, topupok akigworo kaŋ, ido ikiŋarak, nyiwou akiirar akigworo kaŋ, anerae ikirukit ayoŋ ka iyoŋ arae ekaloton, arae ayoŋ egelaanot lopite ŋolo araakatar atapapaa kaŋ daadaŋ ŋigelaanotin.

Ŋilep. 15:18

Ani kiryamakin ekile ka aberu, emaikina ikes ŋuluarei ŋul kiloŋaros, ido erubakinete erae ŋulu itoroniyaritae akitodol eboŋ.

Ŋilep. 25:23

Nyemaikina iyes togyelakis ituŋanan ŋalup toruworos ŋuna keŋ jik, anerae erae ŋalup ŋuna kaŋ, irae iyes ŋigelaanotin nai ŋikepaŋgak ŋalup kaŋ.

Luk. 21:34

“Tokienyete! Kiuryasi adakanu, amera ka apodo ŋuna ka akiyar a na, nyikitumosi iyes, todolu akoloŋit ŋin atipei pa iyenete iyes,

Ŋitic. 15:20

Nai itemokino akigirakin ikes abaruwa, ikotere toesikis akinyam ŋamuja ŋuna nyitesegunitae, anerae einakinitae sek nakujo; toesikis daŋ amalao ka nyenyamete ediotyaŋ ŋolo emyeditae kori ŋaokot.

Ŋitic. 15:29

itemokino iyes toesikis akinyam ŋamuja ŋuna einakinitae nakujo, ŋaokot, ediotyaŋ ŋolo emyeditae ka akitiya amalao. Ani kicoikis iyes ŋun, itiyaete ejok. Ikianyun.”

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Ŋirom. 7:23

Nai ete ayoŋ ekisil ŋolo egelaana itiyae aloticisyo kaŋ--ekisil ŋolo isiiryae ekisil ŋolo iyookino anatameta kaŋ. Eketuruworit ayoŋ emabus ŋolo a ekisil a ŋolo ka asecit--ekisil ŋolo a ŋiticisyo kaŋ.

Ŋirom. 8:13

Anerae ani kiwuap iyes ŋipitesyo ŋulu ka aseconu, itwakete; nai ani kisitiyata iyes Etau ŋolo ka Akuj aarya ŋiticisyo kus ŋulu aronok, iyarete.

2 Ŋikor. 5:20

Ikirae isua ŋikawuoikinitok ŋulu a Kristo ka erae neni kosi ikinyaritor iyes Akuj anakiro kosi: alokiro a Kristo, ikimaimai isua iyes tocamut akimorikin ka Akuj.

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Ŋigal. 5:24

Adaut ikes ŋulu erae ŋulu a Kristo akitotwakiar aseconu ŋina alotooma kec ka ekibure keŋ alomusalaba a Kristo.

Ŋiep. 2:19

Aŋun nai, nyeriŋa iyes ŋulu nyirae Ŋiyudayan irae ŋigelaanotin kori ŋituŋa ŋulu ka acekwap; irae tokona iyes ŋipei ka ŋituŋa ŋulu ka Akuj ka irae ŋituŋa ŋulu ke epeikal a ŋolo ka Akuj.

Ŋiep. 4:1

Ekemaimai nai ayoŋ iyes--ayoŋ Paulo ŋolo arae emabus aŋuna ka akijaanakin Ekapolon Yesu: kiboiyoto lopite ŋolo itemokino iboiyoto ŋituŋa ŋulu enyarit Akuj aruwor ŋulu keŋ.

2 Tim. 2:22

Toŋer ekibure ŋolo itemi ŋisorok akisec, toŋirik ka agogoŋu aruwor ŋolo iyookino, ŋolo inupit, ŋolo imina ka ŋolo isilito kaapei ka ŋulu ilipete neni ke Ekapolon a ŋitai a ŋulu asegak.

Ŋibur. 11:13

Apotu ŋituŋa ŋul daadaŋ totwaka enupito. Apotu ikes nyeryamut ŋiboro ŋulu sek eikinit Akuj ikes, nai apotu toanyuwasi ŋiboro ŋul aneni elwana, tolakaros. Apotu tolimosi atemar erae ikes ŋituŋa ŋulu gelae ka ŋikawuotok anakwap a na.

Ŋibur. 6:9

Nai tari kikirworo isua ikona, ŋikaakonei ŋuluminan, ikiyeni isua atemar ejokak ŋakiro aneni kus ka iryamunete aiuno.

Yak. 4:1

Ai itorunito ŋijiyesyo ka ŋiburasinei alokidiŋ kus? Itorunito lokibure ŋolo aronon ŋolo eji alotooma kus.

1 Pet. 1:1

Ayoŋ Petero, ekiyakia a Yesu Kristo, egirit abaruwa na neni a ŋituŋa a ŋulu seuna a ŋulu ka Akuj, a ŋulu erae ŋikawuotok ka ielakina nakwapin nu: Ponito, Galatia, Kapadokia, Asia ka Bisinia.

1 Pet. 1:17

Inyarito iyes iŋes Papa, apaki ŋina ilipyata iyes neni ka Akuj, a ŋina etubonokini ŋituŋa daadaŋ emam atyakatyak, alopite a ŋolo itiyator ŋinituŋanan. Aŋun, kiboiyoto anakiyar kus a daadaŋ alokwap a ne ikerito iŋes.

1 Pet. 4:12

Ŋikaakonei ŋuluminan, nyiumokis aŋuna a ŋakikatanakineta a ŋuna apipilak a ŋuna iryamunito iyes; esibit ibore ŋini nyitemokino iyes toryamut.

1 Pet. 4:2

Ameun tokona, nyeriŋa akiyar keŋ anakwap a na iwuapit ekibure ŋolo aronon, nai acamit ŋina ka Akuj.

2 Pet. 3:1

Ŋikaakonei ŋuluminan, erae abaruwa na ŋina a ŋaarei ŋina ekegirak ayoŋ iyes. Alotooma ŋabaruwae ŋunaarei nu, ekatak ayoŋ akitekyenyun aneni kus ŋatameta ŋuna iyookino alotooma akitatam iyes ŋakiro ŋun.